الأحد، 3 أغسطس 2008

انا و شلون أفهم الأشياء

إختي كل ما تذكر هذي السالفه تقعد تضحك تضحك ليمه إدمع عينها من الضحك ، السالفه من كثر ما انا مفتشله منها بس توه من جم يوم قصيتها على اهلي . قلت مادام إختي إضحكها لهذي الدرجه ، خل أونسكم شوي .

اول يوم وصلنا في جنيف، رحنا تغدينا في مطعم بيتزا و بعدها حلينا في محل إسمه L'address محل هدوم و بنفس الوقت عندهم قهوه و قعده بره بالبلكونه . اول ما دخلنا إذكرتنا صاحبت المحل ، مره جبيره ، مادري شلون تذكرنا حتى طلبنا تذكره ( إحنا كله ناكل عندهم برد) . و قعدت تقول I remember you ما remember you و من هل السوالف و أكمل معاها و أقول لها ...

أنا : we have just arrived from kuwait

إهيه : waw and you brought your son with you؟

أنا في مخي (شكو my son )؟؟؟

جان أرد عليها و أقول مع إبتسمه صفره على قولتهم : No I'm not married , ha ha ha

و قهقه غبيه تتبعها

بعدها إهيه راحت مادري وين و انا كملت طريجي صوب البلكونه بقعد بره ، أهلي قاعدين يحوسون داخل مادري وينهم . الجو يومها كان عجيب و براد وإحنا بعد توه واصلين من الغبار و الحر فيصير الشعور فتاك.

و أسحب الكرسي وأقعد ، وأتلفت يمين و يسار أطالع الزرع الحوالي الحلو ، و الشمس القويه بس حلوه ، جان اطلع نظارتي الشمسيه ، و انا برفع إيدي بلبسها .... لأ لأ لأ ، أنا شقلت ؟؟ بموت من الفشله بمووووت

توني أستوعب شنو قالت

you brought your SUN with you

YOUR SUN

شمسكم

شمس الكويت

مو ولدج

لمه قلت لها إحنا تونه ياين من الكويت ، إهيه ردت علي و قالت و يبتي شمسكم معاج

ياااااي و أنا أقول لها أنا مو متزوجه

أولاه يالفشله أوووولاه يا الفشله


و بس سلامتكم هذي القصه إلي تذبح إختي من الضحك

إستانستوا على غبائي؟


ملاحظه : تره أنا شكثر عندي قصص جذي ، أزيد من جحا .

هناك 15 تعليقًا:

غير معرف يقول...

لو سمحتي ماستر مسحي التعليق السابق شكرا :)

غير معرف يقول...

لووووووووووووول
والله سوالفج فصله وعليج مواقف عجيبه
وبصراحه اي واحد ممكن يصير له مثل موقفج هذا ^^
يعني الكلمه ممكن تنفهم من اي واحد مثل ما انتي فهمتيها ^^

kazmawy يقول...

كااااااااااااااااك
عاشت بدليات الفيونكات كلهم
لووووووووول
:)

Pearl يقول...

hahahah :)al mawqaf 7ada iath7ak ia7lelch mn sj walhna 3alech oo 3al sawlfch :)bl dawm

master يقول...

غير معرف:

ليييش ؟؟؟ ما في شي التعليق

متأكد/متأكده تبين امسحه ؟

غير معرف يقول...

looooooool

la laa m 9ij


el mrh elyayah dere balch :P

غير معرف يقول...

راح اكتبه مره ثانية :)

مسحيه لو سمحتي

Matrix يقول...
أزال المؤلف هذا التعليق.
غير معرف يقول...

LOL!!! khosh salfa hathy wallah! matinlam ikhtich yom matat min ithi7ik lol :P

thakarteeny ibsalfa 9aratly minziman.. chinny baktib 3anha fe bloggy! :D

fatto يقول...

لوووووووول :)

kAiKa-MGroMa يقول...

hehehehe :P

hardluck

1-0

غير معرف يقول...

واااااي السالفة سخيفة حدددددددددددها ما توقعتها جذي وانا قاعدة انطر النهاية اثاريها جذي ما تضحك بالمررررررررة
وسوري لاتزعلين من تعليقي بس هذي وجهة نظري بالموضوع ولازم تحترمينها ويصير عندج تقبل للرأي الآخر

joy يقول...

ياكرهج

ساعات من الشطة نسمع شي ثاني
هاهاهاهاهاهاهاهي

master يقول...

غير معرف:

حسافه عيل ضيعت/ضيعتي وقتك/وقتج على سالفه مليقه

الاء سعود المجيبل يقول...

هههههههههههههههههههه عادي عادي تصير فينا وايد ههههههههههههه