ضاق خلقي :(

ما تدرون إني قاعدة أعد الأيام متى أشيل التقويم مليت منه ساعات أقول لا جني تعودت عليه بس أكتشف إني قاعدة أهون على نفسي ما تتصورون أول ما ركبته كنت حاطه الرزنامة يمي وأعد وأحسب يوم يوم واي شلون بتعدي الأيام سنه ونص لا ويمكن يكون سنتين بعد شلون بتمر المهم كنت أسولف حق إختي الصغيرة جان تقولي إنتي من صجج جذي بتعدين الأيام بتموتين جان أعاهد نفسي إني ما أطل بعد على الرزنامة وأحسب ..المهم طافت ألحين سنة وخمس شهور تقريبا على التقويم والدكتور معطيني موعد يوم 20/8/2008 عشان أشيل التقويم وااااااااااااي بالغصب مر شهر 7 المهم ما أطول عليكم اليوم دقوا علي وقالولي تعالي اليوم يعني جدموا موعدي وااااااااااااااو وناسة بشيل التقويم اليوم ...........بس للأسف قالي الدكتور ألحين كل شي أوكي بس ألحين بحط لج هذا السلك عشان أجيك على الأسنان إذا ما يردون يفتحوووووووون ..لالالالالالالالالالالالالالالالالالا ما أبي دكتور..عاد قالي عقب رمضان بحط لج موعد وأشوف قلت له وااايد جان يقول شنو وايد بس شهر واحد ..ما عليه أنا اللي اخترت أحط تقويم ولازم أتحمل من أجل إبتسامة جميلة ...وبس :)