مسلسلات بدون download

كل المسلسلات و الحلقات إلي تنزل بأمريكا اليديده تقدرون تشوفونها بدون ما تنزلونهم عن طريق torrent، و تنطرون عذاب الـ download ويمكن الكمبيوتر يخترب من كثر ما مخلينه مفتوح ، هذا سيده مثل you tube ، بس إضغط play إلا الحلقه شغاله ، مشكلته بس إن مو واضح وايد و اكو بعض الناس ما يحبون يشوفون من الكمبيوتر ، بس عشاق المسلسلات الأجنبيه و إلي ما يقدرون ينطرون يوم إذا الحلقه نزلت راح يعجبهم السايت . ألحين بمشي معاكم خطوه خطوه لمه نوصل حق الحلقه ...

أولا : إضغط هنا للسايت و أهم شي تسونه إن تسجلون ، أكو كلمة Sign up فوق على اليمين ، بدون التسجيل ما تقدرون تشوفون حلقات.

ثانيا : من اللسته إلي تحت نقوا الحلقه إلي تبونها ، و الحلو إن أكو مثل رزنامه بالأيام حاطين فيها شنو أنعرض أمس و شنو بينعرض اليوم و باجر .

ثالثا: راح يطلع لكم كلام وايد نزلوا نزلوا لما تلقون الـ seasons او أسماء الحلقات مكتوب يمهم Links ، مثلا أنا إخترت house و مبين من الصوره إلي تحت Episod 1 يمها 20 links لما تضغطون عليها ....

راح يطلع لكم الـ 20 links كلها ، إنتوا عاد إختاروا أي وحده من هذوله ، أكو بعضهم يشتغل و أكو بعضهم يحتاج برنامج تنزلونه و أكو بعضهم يعلقون ، لا تنزلون أي شي و له تنطرون المعلق ، إختاروا link ثاني وله تتعطلون . عاد لمه تفتح الصفحه الثانيه ...

ياااااااا سلام ، ما عليكم إلا أن تضغطون play و ...

الحلقه مشتغله :)

و إذا مو عاجبكم حجمها و تحسون الصوره صغيره ، تقدرون تكبرونها :)

و سلامتكم

أنا أشوف منه الحلقات إلي ما تسوه تنزيل بالـ Torrent

مشكوره Z على السايت