الخميس، 11 سبتمبر، 2008

BACK 2 SCHOOL


حمودو وأول يوم دراسي :)

يسارش فديته عند الحضانة

بالنسبة لي هالجملة هذي السنة غير عشان كتاكيتي واحد دش الروضة والثاني حضانة ..حمودو أول سنة له بالروضة فديت خشمه لو تدرون شكثر كان متشوق ودش الروضة ما أدري شنو كان يفكر وكنت خايفه شوي من ردة فعله قلت يمكن لما نوصل الروضة يهون ويقعد يبجي وما يبي يقعد بس الحمد الله ما صار إلا كل خير دش أول شي جيكنا على إسمه وأي صف بكون وعقب رحنا عند صفه حده مستانس وكاشخ بلبسه شريته لبس روضة على سبايدر مان :) المهم يوم دش الصف قلت بقومون الأبلات ويستقبلونه والله ولا جنه أحد داش عليهم بس سألوا شنو إسمه قلت لهم محمد قعدوا يدورون جان أقولها رقمه 14 جان تقول وحافظه الكود بعد قلت لها إي وشلون ما أحفظه هذا الغالي المهم قلت حق حمود سلم على أبلاتك سلم عليهم فديته وبقلبي أقول شنو هذا هذول أولى روضة المفروض يحببونهم بالمكان يستقبلونهم بحفلة بأي شي تقوم الأبله لهم ....ما أدري دايخين من رمضان ولا شسالفتهم على العموم الحمد الله محمد وايد مستانس وحاب المكان وحتى الأبلات حبوه ( أكيد إذا مودو ما ينحب عيل منو ينحب ) :)
ألحين صار دور ياسر عيزنا وأحنا نقول منو بروح حضانه ؟؟؟؟ يسورو ما يرد وإن رد يقول ما أبي أخاف ..أقوله إنت شعرفك الخوف ..حبيبي حضانه حلوة وفيها ألعاب وأصدقاء أوديك ماما وأروح الدوام وبعدين آخذك ...يرد ويقول لأ ما أبي ..المهم موبكيفك حبيبي بتروح بتروح ..الحمد الله توفقت بهذي الحضانه عندهم 4 فروع ( بالشهداء..مبارك الكبير..مشرف.. الأندلس ) إسمها STEPS GROUB

وكل حضانه لها إسم غير يسورو حضانته إسمها خطوة بخطوة ..ما أطول عليكم دشيت معاه الحضانة وشاف الألعاب بس ما قرب يم ولا شي وعقب شالته الأبلة وقامت تكلمه وعادي يسورو ما استغرب ولا شي جان أقول يلا فرصتي للقبة وقلت له يلا يساري حبيبي أنا بروح شويه وأيي آخذك ورحت ما سمعت صوته ولا شي قلت الحمد الله حدث ما لم أكن أتوقع ودقيت سألت عنه قالولي ساكت المهم ما طولت عليه تقريبا ساعة ونص خليته ومريت خذيته واااااااااي حبيبي يبجي بجية تشره تعرفونها يتشره علي شلون خليته ورحت عاد سألت الأبلة قل لها بجى جان تقول يبجي ويسكت بعد عمري وقالي ما أبي أروح ..وبس هذي أول يوم دراسي :)
وما قلت لكم شسووا فيني منومتهم مبجر عشان يقومون مرتاحين وحضراتهم ناموا 8:30 بالليل طبعا وقامو تتوقعون متى .....؟؟؟؟؟؟ يسوروه 10:30 وحمودو 1:00 واااااااااااااي ويقولون ما فينا نوم شسوي وحنه ورنه يلا يمكن ناموا عالساعة 3:00 يعني والله قعدوا تعبانين شوي بس مودو كان متشوق حده فعادي :)

وسلامتكم :)

هناك 18 تعليقًا:

kAiKa-MGroMa يقول...

lool

حمودوه حبيبي ملابسه مو حلوين بس اهو محليهم يعني لازم سبايدر مان يارربي على هالولد القموور P:

أما يسور عاقد النونه مبين انه قاعد يترقب الأوضاع لووووووول

حبايبي الله يحفظهم ويخليهم لنا :>.

online stock market يقول...

thats amazing story.

Q80-Chill Girl يقول...

قطع قلبي اللي ايتشره لوول عسى الله يخليهم لج يا رب

حبيت اعطيكم هاللنك

http://bahava.wordpress.com/2008/07/14/arabic/

:>
شكله بلوقكم مشوقها

MuLaN يقول...

7lat'hom walla allh y7fth'hom, i think lo m5len dwam elmdars wra rmthan chan a7sn etha chthy m7d lh 5lg yswe shy!

CeCe يقول...

Ambaih 7adkum cute o your the cutest mom ever! ;D

Om MoD يقول...

مشكورين كلكم ...واله يسلمكم ..ويسمع منكم ويحفظهم لي يارب وبارك فيهم :)

Om MoD يقول...

تعديل ..

واله= والله

بارك = يبارك

stella يقول...

الله يخليهم لج ان شاء الله ويصيرون يتعودون على المدرسة ويسوور بالنهايه راح يحب الحضانه وووايد سأليني أنا لاني كنت أعاني من توته السنة الي فاتت

Om MoD يقول...

stella:

إي متوقعة انا جذي بعد المسألة مسألة تعود ويبيلها شوية وقت يعني متعود على طول معانا وأول مرة بمكان يديد وبروحه فديت الجمال والله..
بس تدرين يوم اللي رحت أسجله أم يابت ولدها وقام يبجي وخذوه منها كلش أنا خنقتني العبرة قلت شلون بطاوعني قلبي وأهده ..بس شسوي :)أحسن له:)
حبيبتي الله يحفظها شمسوية مع الروضة ألحين :)؟؟؟

Sn3a يقول...

يختييي على ياسر بو عماار
كربوووونه

ماعليه يوم ويتعود
وخل اخوه يسولف وياه يحببه فيه لان اعمارهم متقاربه

ربي يخليهم لج ويحفظهم يارب

ManalQ8 يقول...

يا حلاتهم
ربي يحفظهم

دششوهم المدرسة عن الحر
:)

master يقول...

q80 chill girl:

eee china mara shift link'ha besedfa

and I saw your too :) when u mentioned that u r addicted to us :)

DoDoq8 يقول...

الله يحفظهم يااارب

وتفرحين بتخرجهم

Pearl يقول...

يا اختي يحلاتهم :) اللة يحفظهم
و يوم ما تشوفينهم رايحين الجامعة ..
انشاءالله ..
أما سالفة النومة من صج معاناة انا مع يون يون يعنى ابي انومها .. انا ادوخ و انا انام و اهيه للحين تحوس :) ..
اللة يعينا :)

Om MoD يقول...

thanx all..... o alla yslemkom mn elshar :)

bhr.qadsaweya يقول...

ايااا عليهم الي رايحين الروضة و الحضانة
الله يخليهم لج و يحفظهم
يعطيج العافية

Om MoD يقول...

:) شفتيهم :)

الله يسلمج :)

OmGhaMaZaT يقول...

mashalla zouqa athnanathom alla ya7fthhom <;`~! (y)nice story ;p