الجمعة، 19 سبتمبر 2008

سلم ولدهم يالله

عند البيت شوفوا يسور مو لابس السديري والقحفية :) مودو يوزع قرقيعانه
عفس مكتبي إسم الله على عمره
نظرة يختلط فيها الحزن والخوف عند الحضانة


يمكن هالبوست كان لازم يكون شوي أبجر بس ما كان عندي وقت وألحين صار الوقت ..مودو حبيبي كانت حفلة القرقيعان عندهم قبل جم يوم ويا حلاتهم كاشخين بملابس القرقيعان البنات والصبيان شكلهم يشوق إسم الله عليهم قدموا كذا فقرة في البداية كان تعريف حق الأمهات بالإدارة المدرسية وشغل كل وحدة منهم وشنو مطلوب من الأمهات وأهم خلوها زلقة بطيحة منها حفلة قرقيعان ومنها لقاء تنويري حق الأمهات وكانوا يايبين لهم ساحر يعني مو كل اليهال مندمجين معاه وأحسهم ما يدرون شنو يسوي وعقب وزعوا عليهم قرقيعان وبعدين كل أبلة خذت عيالها ودتهم الصف وهناك كل كتكوت يوزع قرقيعانه مودو وايد استانس وعقب خذيته معاي الدوام وقعد يسولف مع رفيجاتي فديته :)

يسورو حبيبي كانت حفلتهم بنفس اليوم بس للأسف بدون أولياء أمور بس الأطفال بروحهم وبس حبيبي كل يوم يروح الحضانة وخانقته العبرة ربي معاك ويحرسك يا نور عيوني :)

هناك 7 تعليقات:

غير معرف يقول...

صورة ياسر الاخيره
ذكرتني بروحي
والله كنت دايما لين اوصل الروضه اتنهد جذي و تخنقني العبره و للحين في الجامعه :P اكررررره الدوام !

kAiKa-MGroMa يقول...

لووول طاقية حمود مسويها جنه كبوس عيد الميلاد

راجعه لي ورا

حبايبي فديييييتهم الله يحفظهم

=*.

Om MoD يقول...

لووووووووووول :)

bhr.qadsaweya يقول...

يهبلون اسم الله عليهم
الله يحفظهم لج :))
يعطيج العافية

Om MoD يقول...

مشكوره بحرينية :) والله يسمع منجج :)

fatto يقول...

جان يبتيه معاج الدوام ..ابي اشوووووفه متى متى متى :(

Om MoD يقول...

لووووووووووول ...
في يوم من الأيام :)