الجمعة، 19 سبتمبر 2008

shapes for women



صور الله يعزكم الحمام واللوكر :)

صور داخل النادي

صار لي تقريبا شهر مشتركه بهذا النادي مرتب وحلو ونظيف فكرته إنه تسوين كل يوم أو 3 مرات في الأسبوع رياضة لمدة 1/2 ساعة وتحصل المرأة على قوام رشيق هذا كلامهم ..المهم قررت ورحت شفت النادي عجبني ما فيه زحمة وايد والمدربة معاج تكون خطوة بخطوة وما تخليج مثل ما قلت لكم سجلت ورحت أول يوم صج والله معاي المدربة افتريت على الأجهزة مرتين عدد الأجهزة 9 والستبس 9 كل ستبس تعلمج المدربة شتسوين وعقبها يبدي السويدي والتمارين القشرة وطلع الوقت أكثر من 1/2 ساعة تقريبا اقعد بالنادي ساعة وعادي إذا تبون تقعدون أكثر وتسوون تمارين أكثر وعندهم برنامج غذائي بس أنا لحد ألحين ما استلمته مخلص من عندهم (ناطرة يعطوني نسخة ) إي صج طبعا في جهاز صوتي صوته عالي يطلب منا الانتقال من جهاز لي الثاني تقريبا أقعد على كل جهاز 40 ثانية ..الله لا يوريكم عقب ما رديت من أول يوم متشلخة حدي وعقب ما نمت وقعدت بالغصب أمشي واللي يسأل إذا في تغيير أحس جسمي شد بس وزني ثابت ما تغير يمكن عشان رمضان ما أدري لول إي وما قلت لكم أول ما تشتركون تاخذ المدربة قياسات الجسم وكل شهر يشوفون شنو اللي تغير ( الله يستر ) وما كو أسعارهم حلوة :
95 د.ك 3 شهور

146د.ك 6 شهور

259 د.ك سنة كاملة

وأنا سمعت عنه من صديقتي sun shine سولفت عنه بالدوام وشوقتي وعقب قريت عنه في واحد من البلوقات بس ما أعرف أسمه ودقيت استفسرت منهم عن الأسعار والنادي بمنطقة الجابرية وبس :)

هناك 11 تعليقًا:

master يقول...

أول ما شفت الصور عبالي SPA :)

kAiKa-MGroMa يقول...

ee walaah cool yabela

mn mta oo ana agool bshtrk

youm esabt akeed :P

? ba6ee5. =D

JuVeNTiNa يقول...

Nafs 6areqat Curves .. bs curves bil thaab6 ni9 sa3a .. w nfs il nethaam bs 3indhom wayid afroo3

غير معرف يقول...

هااي
حبوبه
فيه حمام سباحه ؟يعطون كلاسات لاتينو دانسنغ وشرقي ؟
ام مود تره عادي التعب اول يوم لان لياقتج البدنيه صفر تالي راح تشوفين روحج خفيفه وما تنامين الا وانتي لازم لاعبه رياضه :)

جييييييرز
خريجه شامبيون الجابريه وحاليا مكتفيه بالمشي في الريف الانكليزي لشد جسمي وتنقية روحي ورئتي :)))

fatto يقول...

والله شكله حلو .. احلى شي الحمام :)

Om MoD يقول...

master :

إي والله حتى أنا حسيت بجذي ولما تدشين تتسبحين ما ودج تطلعين من حلاة الدش :)

kaika magroma :

شدراني عنج شكله بخلص إشتراكي وإنتي تقولين باجر بيي :)

juventina :

واي نكج صعب :)

إي صح بس أنا سمعت إنه curves ما عندهم سويدي بس على الأجهزة ..

غير معرف :
أهلين حبيبتي ..لا مافي حمام سباحة وتبين الصراحة أنا ما أبي ليش إنه ما ييب إلا الأمراض مع إني أحب السباحة وايد وفي رقص بي مو شرقي شي ثاني تباكو ما ادري شنو ؟؟؟؟؟؟؟ونوع رقص ثاني ما عرف إسمه ..ومثل ما قلتي بس أول إسبوع وعقب عادي كل شي راح :)والرياضة شي حلو وتجديد حق كل شي :)

fatto :

صج حلو :) ويشرح القلب ولا شلون بروح كل يوم :)

stella يقول...

واو شكله يشوق وخليتيني اتشوق أكثر وانتي تدرين ودي أشترك بالنادي من زمان بس ظروف المعهد وزحمة الدراسة إن شاء الله عقب سنة أدشه :))))) إلا فلتحين شئ يديد

غير معرف يقول...

أنا صارلي 3 شهور مشتركه بس وقفت بعد السفر لأن بلش دوامي ودوام اليهال ورمضان* ما أبي أذيق خلقج بس ما حسيت بأي تغيير بس شوي شد جسمي اذا ماسويتي رجيم مع هذي الرياضة ما راح ينزل وزنج*

Om MoD يقول...

stella :

حبيبتي الله يوفقج وتخلصين ..وتشتركين بكل شي تبينه :)

أفرح :

إي أكيد لازم نظام غذائي ولا الجسم يبقى مثل ماإهوا يعني جنج محافظة على جسمج تاكلين وتحرقين بس ..:)
والله يعينا :)

غير معرف يقول...

momken ta36eni raqam elnadi ana7aba ashtrik feh :)?

Om MoD يقول...

هذا رقمهم حبيبتي

25331080

بس ترى أسعارهم تغيرت عن اللي أنا حاطتهم صارت أغلى ..

وبالتوفيق وإنشاء الله نلتقي:)