الجمعة، 19 سبتمبر، 2008

psp again

هذا الـPSP بو دينار :)
عقب ما حليت مشكلة يسور بدت مشكلة مودو يبي PSP سور لأنه الألعاب اللي فيها يديدة وغير اللي عنده وعدنا اللي اللوية :)
فرحة ما بعدها فرحة
جنة صج :)



عقب ما شرينا psp حق مودو الكتكوت واستانس حده وارتحنا من الحنة يوم اليمعة بدت حنة يسور كل يوم أول ما أرد من الدوام ألقاه مستقبلني عند الباب بهذي الجملة ( أماه وين بيأبيتي ) الترجمة ( يماه وين psp ) وليه ماما حبيبي أنت وأخوك فيها قولولي شلون يسور بيفهم هالكلام توه صغير والمشكلة إنه ما يعرف يلعب ومن يمسكها مودو ياخذها منه ويقوله عطني أوصلك ( أي شي والله ) شسوي فيهم يعور قلبي بس نجره مع أخوه كل يوم على هالسالفة المهم أبوهم الغالي حاول يحل المشكلة وكان مار الديرة وشاف تقليد حق الـ psp وسعرها دينار كويتي واحد بس ( لوووووووول ) وشكلها حليوه بس ما تبرد القلب لا ألوان وموسيقتها شايلة الدنيا شيل فرح فيها بالبداية بس عقب يقعد يم مودو ويقارن بين اللي عنده واللي عند أخوه ويرد يسأل نفس السؤال وتعود النجرة مرة ثانية عاد قررت وقلت يعرف لها ما يعرف لها بروح وأشتري له وحده وصج عاد شريت له فديت الجمال والله ..لا يفوتكم ينسدح على بطنه ويلعب نفس عيال إخواني وخواتي ومودو أخوه بعد عمري عايش الدور :)

وبس عيال هالوقت أهم اللي يمشونا مو إحنا اللي نمشيهم ..




هناك 11 تعليقًا:

KuWaIt MaStEr يقول...

همن اخواني الـ بي اس بي ماخذه قلبهم يحبونها ادمان اخوي الي اكبر منهم شراها قبل و و من شافوه بدت حنهم المشكله مو مني المشكله انهم توم يبون ثنتين وبعدها بسنه اختهم الي اصغر وحده اخر العنقود تبي وحده و اظن احنه حطمنه الرقم القياسي 4 بي اس بيات في بيتنه و عيال خالاتي وعماتي كل واحد في بيته عنده ماتقل عن بي اس بيتين و مسوين طريقه حلوه كل واحد من عيال خالاتي يشترون اللعاب و اخواني ياخذونهم ويحطونهم بالسي دي
وسوري عالقرقه
بسألج ليش شعر يسور غير شعر مودو شعر مودو حلوو ناعم

Pearl يقول...

الله يخليهم و يحفظهم :) ايننون
و انا رايي .. يسور لازم يكون حاله من حال اخو .. و شكله من يوم و رايح لازم تشترون كلشى دبل علشان محد يزعل :)

kAiKa-MGroMa يقول...

عدل كلام لولو

حال حال يالمحتال

لازم تصيرين نفس اخوي (خوخ)

كل شي يشتري منه 3 حق الثلاثي المرح

D=>.

Sn3a يقول...

حلاتهم ربي يخليهم لج وتشوفينهم معاريس بحق محمد وال محمد

لاتشترين حق واحد شي وماتحسبين الثاني حرام
يكسرونهم بالعافيه

Om MoD يقول...

مشكورين كلكم ..
والله حبايبي أنا أحاول كثر ما أقدر أشتري لهم نفس الشي حتى الملابس مودو دايما يقولي ليش ما شريتي لي نفس يسور فكله قمت أشتري لهم نفس الشي والألعاب بعد بس يسور مو كل شي يناسب عمره وأنا أصلا مودو ما بغيت أشتري له تو الناس على هالسوالف الركضه والدبجة أحسن لهم ....فديتهم :)
بس على قولتهم حكم القوي كبر النتفة وكل شي عندهم :)

Om MoD يقول...

لووول ردي على سؤال كويت ماستر:

كل واحد تختلف طبيعة شعره عن الثاني يسور شعره ناعم حبيبي بس مو نفس مودو غير يعني مودو أكثف شوي منه وخلقة ربهم أنا مالي شغل ويمكن تدخل العوامل الوراثية بهذا الموضوع لوووووووووووول ...

وكل واحد له جماله فديت جمالكم والله

fatto يقول...

واااي اعيالج بسم الله عليهم مال (طق وبوس وعض )

fatto يقول...

تنبيه :

ترى تعليقي معناته انهم يشوقون فمن جذي ودي اسوي هاللأشياء موعبالكم ما احبهم كل واحد وطريقته بالحب ..لوووول

Om MoD يقول...

7bebty wlla :) yom ma nshof 3yalech wn6ghom :)

غير معرف يقول...

ان psp غير مفيدة للاطفال

Om MoD يقول...

إي والله حدها غير مفيدة ..