صارلي فتره افكر وادور شنو راح تكون عيدية امي ولين الحين انا محتاره !
ابي شغله اخذها لها وصج تستفيد منها وفي نفس الوقت اذكرها فيني ، الوالد الحمدالله اخترنه له العيديه وبس باقي التنفيذ :)
فممكن تنوروني وتعطوني افكاركم وشنوا اللي يحبونه الامهات ويحسونه شي غالي عندهم طبعا غيرنا احنا ( اولادهم ) .
واكون شاكرتلكم وايد على الخدمه :)
هناك 7 تعليقات:
يعتمد على الام شنو تحب :)
انا امي تحب الجنط والذهب والشيين تقدر تستفيد منهم ^_^
اذا الوالده الله يحفظها تحب فناتق حق البيت عندج المعارض اللي قبال مستشفى الاميري آخر معرض اللي ناحية البحر
اذا دخلتي اكو محل مال ولد الحميضي
عنده فناتق نااااعمه وحلوه
شوفي ترا معرضه متروس, حاولي تطلعين على راحتج
انا امي في دعايه كل تطلع بالتلفزيون مالت الشيف اسامه السيد سوالف خلاطات او شي جذي حق المطبخ
عاد انا قلت باخذها لها :)
سويلها وقف باسمها
يكون لها أجر بالدنيا والاخرة
ماكو احلى من هال هدية
الام ماتحتاج الا حبج لا ولكن اذا كان من ناحية الهدية شرايج بصندوق صغيراتحطين فيه الاشياء التي ذكرها بأيام قبل من مشط ، ديرم وغيره مع عطر على جنب وقلفيهم تغليفه حلوه طبعا موشرط تستخدمهم بس راح تفرح فيهم
أنا شريت حق أمي من عبد المحسن للعطور علبة فيها دهن عود ومعمول ( معمول عبد المحسن - حنان حده عجيب ) وخلطة وغلفها لي بشكل وايد حلو مع بعض الكلمات الحلوة بالكرت وأن شاء الله تعجبها - هي مجرد دكرى بالهيوم وتصير عيدية رمزية والام تفرح فيها
مشكورين وايد على الأفكار حدها حلوه وانشالله اليوم احاول بأني أروح السوق واشوف المناسب والأقرب على ديزاين امي واتمنى يعجبها :)
إرسال تعليق