سويته الأسبوع اللي الفات حق يمعتنا
هذا سويته وأنا رايحة غبقة بيت خال زوجي العزيزشوفوا إبداعاتي في هالشهر الفضيل سويت نوعين حلو والكل شكر فيهم من كتاب ( أفكاري في أطباقي ) حق بتول الكندري الله يعطيج العافية بتول طرق سهلة وحلوة وما تكلف لا جهد ولا وقت أحب هالنوعية من الأكلات السهلة والخفيفة والمضمونة ..بحاول أجرب أكلات أكلات من الكتاب أقصد يعني مو حلو أطباق رئيسية والله الموفق ..أنصحكم تشترون الكتاب وكل الأجزاء حلوة وأسعارهم مناسبة :)
هناك 6 تعليقات:
الاكله الاولى وايد حلوه انا اسميها ( سويت بيرل ) لأن عرفتها منها :)
اما مدمن حلو .. ما يصير تعذبوني جذي : (
يبدو لذيذا وشهيا .. بالعافيه على اللي كلوه :)
fatto :
لووووول إسمها حلو ..وحتى أنا عرفتها منها وهالرمضانية قررت أسويها :)
the talker :
مسكين الله يعينك ...والله يعافيك :)
ام مود يوعتيني وانا لي الحين ما فطرت :( باجي ساعه اخييييييه
اشتهيت الحس الكاكاو من على الشاشه واكل المرشملوز لما يسسسسسسيح اه ياقلبي
لو سمحتي ممكن تعلمينا طريقة اول طبق شكله يشوق بليز ماعليج امر وتره ما عندي كتب لابتول ولا معصومه ولا في أمل بالحصول عليهم اهني
وشكرا حبيبتي
ئي ونست اقولج ام مود راح تكسيبين فيني اجر افطار صائم لاني بالغربه هههههه
غير معرف :
بعد عمري يكسرون خاطري اللي بالغربة أفا عليج ما طلبتي شي وهذي المقادير :
3 آرو
3 جالكسي
1 كريمة سائلة كي دي دي
1 قشطة
بسكويت دايجستف كاكاو
باوند كيك كاكاو
ماشميلو أو جوز
الطريقة :
أول شي تقصين الكيك بكلاص عشان يصير شكله مدور نفس البسكويت تصفينه بصحن التقديم ( يفضل الصحن يكون غزير شوي عشان الصوص )..
عقب تسوين حمام مائي حق الكاكاو وعقب ما يذوب تشيلينه وتضيفين عليه الكريمة +القشطة ..تحطين من الخلطة شوي على الكيك..
عقب تصفين البسكويت فوق الكيك ( بصراحة أنا ما حصلت دايجستف كاكاو حطيت عادي وطلع حلو بعد تدريت كويتيين ما يخلون شي بالجمعية لوووول)..
بعدين تصبين الخلطة كلها فوقهم وتزينينه بالمارشميلو أو الجوز حسب رغبتج
وبالهنا الشفا :)
أي إستفسار حاضرين ( عشت الدور لووووول )
إرسال تعليق