أدري أدري بتقولون هذي صاحيه وله مينونه؟؟؟ صيف 2009 ؟؟ إحنا خنعرف شنو بنلبس بالشتا عشان يهمنا صيف السنه اليايه . بس إلي يحب الـfashion مثلي راح يفهم شنو يعني الواحد يعرف من الحين شنو مودت السنه اليايه .
من قبل 3 أيام بدت عروض الأزياء في new york ، و بعدها بتيي paris و milano. كل يوم بكتب لكم عن الأشياء الواضحه إنها بتكون الـtrend للسنه اليايه . و اليوم راح إنشوف الجاكيتات ، مثل ما إهو مبين بالصوره إن الواحد راح يلبس الجاكيت مرفع جمومه و له جافسهم ، إحنا المتحجبات مادري شلون بتمشي معانه ... أنا كلش ما حبيتها ، بردونا لسنة الثمانينات إلي أنا ما احبها :( إنشاء الله بس ما يردون على الكتافات ، أبيخ مودا بالدنيا .
ملاحظه : ضغطوا على الصور عشان يبينون اكبر
هناك تعليق واحد:
صراحه انا احب الفاشن
بس مو وايد يعني لان بالفاشن احيانا في تهلق
بس بالنسبه للجاكيتات
انا احبهم واايد صيف وشتا
تدرين شتقدرين تسوين
اشتريلج من هالجاكيتات اللي جمهم يكون مزموم
لما شوي تشدين صوب جتفج بيصيرون نفس الجاكيتات اللي عالموضه وتحت تقدرين تلبسين بدي اما اللي قطن او سترج
هذا غير القمصان
وايد هابين فيهم بدال البديات
إرسال تعليق