الأحد، 21 سبتمبر، 2008

ليش متعلق فيه ؟؟

هذا كمبل مودو من يوم كان صغير بتقولون أهوا بعده صغير أقصد من يوم ما كان بيبي ما تدرون ولا تصدقون شكثر متعلق فيه ما ينام بدونه حتى لو ما يتغطى فيه المهم يشم ريحته ...ما أدري شنو سر التعلق فيه ؟؟؟؟؟؟ ..صار صغير وريوله تطلع منه وشريت له كذا كفر على ميكي وعلى توم وجيري ماكو فايده لازم هالكمبل يكون يمه ولا يكون يوم بنغسله وخصوصا بالشتا مشكلة شلون ينام ما يقدر ومن يوم ما عرفت إنه جذي متعلق فيه قمنا نغسله وعلى طول إنشفه :) ويوم كان أصغر من جذي كان يسميه كمبلي بعد عمري مودو أحب سوالفك :)

هناك 10 تعليقات:

brown-suger يقول...

لوول لا عادي.. حتى احتي عندها كنبل وين ما تروح بهلبيت الا معاها.. وو اهيا اكبر من ولدج اسمالله عليه لوول اهي بنت 12 سنه و الكنبل شرينالاها ياه لما كانت نونو .. لوول

غير معرف يقول...

تري لوعتى جبدنا بعيالج و اخبار عيالج اللى ما تهم احد الا انتي00جنه محد ياب يهال الا انتي يا معودة حطى مواضيع تهم الكل مثل ماستر يا حلوها و يا حلو مواضيعها

غير معرف يقول...

يلي فوقي

انا ما اعرف اصحاب المدونة و لا اليي كاتبة الموضوع بس ابي ارد عليك

يا اخي اسمها "مدونة شخصية" صاحبها يكتب فيها ايلي يبي كيفه. ماله شغل بلي يخص الناس كلها

مو عاجبك ، لا تقرأ ، لا تدش اهني اصلا ، و افتحلك مدونة تكتب فيها اللي انت تبيه و اضمنلك محد راح يدشلك اذا هذا اسلوبك

AK

New Bride يقول...

عادي و الله اختي اسم الله عليها عندها كنمبل الحين وصل حجمه كبر كف الأيد قمنا نقصصه لأنه خلاص انهرا

و على فكره اختي عرسها انشالله ثاني العيد و اول شي حطته بجنطه هدومها و على فكره ترى اهيا مسميته ( اوون ) من يوم كانت ياهل

غير معرف يقول...

سمله عليهم والله يحفظهم ويحمي عيال الجميع ان شاءالله ..
اخ غير معرف عزيزي
مو شرط تقرالها محد جبرك واصحاب البلوغ احرار حتى لو كتبوا عن شغالاتهم كل انسان وله اهتماماته وكيفه :)

ام مود الله يخليج لج الكتاكيت وابوهم

غير معرف يقول...

طوفي بدلياتي العربي فلت مني هههه

Om MoD يقول...

brown - suger:

صج عاد يا حسرتنا ...

غير معرف :

أشكركم على التعليق وأنا ما جبرت أحد يقرا ..والله يرزق اللي ماعنده وأنا أفتخر وأحب عيالي وأحب أشارك اللي يدشون المدونة بأخبارهم ..وإذا مو عاجبكم مو مجبورين والمدونة مثل ما قالت AK شخصية ..وهذا الحلو بمدونتنة التنوع والاختلاف وتجمع وايد شخصيات وأفكار وأساليب ولكم حرية الاختيار في قراءة ما تريدون :)

غير معرف AK :

يسلموا على الرد ومشكورة وايد :)


new bride :

أمبيه لما يصير معرس مو قادرة أتخيل يوم ما يزهب أغراضه يعني بحطه بالجنطةأمبيه..

غير معرف :

thanx :)

الله يسمع منكم ويحفظ عيال الجميع ويرزق كل محروم :)بحق هالليالي الفضيلة قولوا آمين

fatto يقول...

واااي حبيبي والله اول شي عبالي فوطه :)

Cat يقول...

how cuteeeeeeee

RoOra يقول...

http://www.hawahome.com/vb/nupload/54955_1221275802.jpg

هذيله مو جنهم مود و أخوه ;*

وحده حاططتهم توقيع بمنتدى :)