الخميس، 11 سبتمبر 2008

الغبقه


أمس كان من الأيام الحلوه إلي في حياتي ، أمس كانت الغبقه على شرفي بمناسبة وظيفتي اليديده . اليمعه كانت في بيت fatto الساعه 8:30. بس الصراحه وايد مبجر ما قدرت أروح وصلت هناك أنا و إختي الساعه 9:30 ، الحلو إن كلهم كانوا موجودين ، وااااااااي صج و لهت عليهم و على سوالفهم ، طبعا كل وحده قعدت تسولف عن مغامرات الدوام و السفر و انا مع دوامي و فروحه مع دوامها (رفيجتنا - كانت معانا بالوزاره و طلعت) . انا قاعده أسولف مع pearl أحسها مو معاي مادري ليش بعدين إستوعبت لمه شفت stella ماسكه بيدها ورد فوقه هديه، إلا pearl قاعده تسمع fatto و stella وراها قاعدين يخططون . فتحت الهديه وله تراجي :)

أنا : شدراكم إني أبي تراجي ؟ :)

stella: ندري بعد كل يوم تعيدين علينا بالدوام من قبل لا تسافرين ، و إحنا نحفظ :)

واااي وناسه تراجي انام فيهم (أنا كنت ادور تراجي ألبسهم على طول عشان ما تنصك أذوني )


طبعا فروح معصبه : و ليش ما قلتولي أحط وياكم ؟ ما يصير انا ما أييب لها شي أنا وايد زعلانه منكم حتى الكرت ما كتبت عليه .

stella: خلاص فروح إنتي طلعتي من الدوام ، و هذي الهديه من بنات الدوام

فروح : طاع هذي !!! شنو بكيفج ؟؟

انا : بس فروح لا تصير هوشه

ما تسمعني الإخت

ما أشوف بعدبن إلا fatto و stella إيطلعون تفافيخ و يغنون happy birthday و بعدين و له أشوفهم يدزون صينيه عليها كيكه و شموع ، أنا إستغربت ، جان اقول لهم انا عيد ميلادي مو ألحين شهر 12 شفيكم ؟؟ عبالي بس قاعدين يغنون لأن هذي الأغنيه إلي يعرفون يغنونها إذا كان أكو شموع على كيكه ، طلع شنو ؟؟؟؟ بيحتفلون في فروح و فاطمه (رفيجاتنا بالدوام) و snow white و pearl ليش إن عيد ميلادهم كلهم في شهر 9 .و انا عبالي كل شي حقي ، وااااه فشلتاه . إهني طبعا فروح قامت تبجي من الوناسه و الصدمه ، لأن ما توقعت و كانت زعلانه منهم و طلع بعدين إن في مفاجاه حقها. الكيكه تونس عليها صورهم أهمه الأربعه :) . و ما شاء الله عليهم يايبين هديه حق كل وحده . وناسه بعدين صار فتح الهدايا .

خاتم فروح الأبيض و الأسود مال snow white

جنطة فاطمه و pearl يابولها شيله بيضه من foular


بعد هذا نزلنا السرداب للأكل واااااو وايد أشياء ، لا لا لا كلش ما توقعت .



و في الختام و بعد الأكل ردينا صعدنا فوق و شغلوا لي الـCD مسوينا لي في صوري معاهم في كل طلعه و يمعه و ينعرضون الصور على الحان مقدمه مسلسل (نور) يــــــأ سلالالالالام . و إحنا نطالع أسمع البنات يقولون : وييييي شفيج تبجين . إلا منو؟ جاردينيا قاعده تبجي على طلعتنا من الدواااام . طالع !!! مفروض أنا إلي أبجي :)

كان يووووم عجيب

صج و لهت عليكم و مشكورين كلكم

هناك 16 تعليقًا:

kAiKa-MGroMa يقول...

حسافه ما ييت D=.

fatto يقول...

تستاهلين ياماستر :)

غير معرف يقول...

testahlain ..

shakelhum ye7eboonch w ya'3loneech wayeeeeeeeeeeeeeeeeeeeeeeed :)

Pearl يقول...

كان يوم حافل بالمفاجآت :)
أنا كنت بالبداية معاهم بالخطة .. فجأة .. صرت ماأدري شالسالفة :) وناسة .. ما قصروا البنات مشكورين .. و انشاءالله نردها لهم المناسبات الياية :)

sun shine يقول...

تستاهلون اكثر من جذي:)

Sn3a يقول...

وناااسه
عليكم بالف عافيه


التراجي رووووعه من صج ذوق

master يقول...

kaika magroma:
انا توقعت أشوفج :)
صج ليش ما ييتي؟

fatto + Pearl + sunshine:
شكرا شكرا

cat:
إي شفتي :) وناسه

sn3a:
إي و التراجي مريحين بالنوم بعد

DoDoq8 يقول...

بالعااافيه عليكم


والله لايفرقكوم

ملبوس العافيه عليكم الخواتم والتراجي والشيله :)

Om MoD يقول...

بعد عمري تستاهلين أكثر ..

وأكيد الله لا يفرقنا ..وحبيباتي اللي كان عيد ميلادهم أقولهم بعد إنتوا تستاهلون كل خي ومو قدركم ...

وكلكم سامحونا على القصور

وأرد عن كيكة ..كانت معزومة على استقبال بنفس اليوم واللي اهي متشوقة وتشوفكم :)

ومثل ما قالوا الله لا يفرقنا ويحفظنا من كل عين :)

جاردينيا 2000 يقول...

امين ..

stella يقول...

تستاهلين أكثر من جدي وايد ونتيمع بخير اووناسة ان شاءالله وبالنسبة حق إلى عيد ميلادهم أقولهم عليكم بألف عافية وكل سنة وأنتوا بخير وصحة وسامحونه على القصور ونحتفل فيكم على طول ... وحق pearl - نحتفل بمولودج عن قريب أن شاء الله بخير أنتي مع جاردينييا

kAiKa-MGroMa يقول...

اييي قالتلج ام حموود رفيجتي كان استقبال ولادتها بنفس اليوم ..

بعدين حسيت اني راح اكون رزت ويه P:

D=.

غير معرف يقول...

صج كان يوم عجيب أنا حدي استانست لأني كنت مشتاقتلكم واايد و مشكوريين على الخاتم الذوق بس كانت صج مفاجأه حسيت بلذتها بعدزفة STELLA الله لا يحرمني منكم:)والأهم معكرونة أم فاتوو حدها لذيذة تسلم ايدها

stella يقول...

ما زفيتج ولاشئ بس انتي كنتي متنرفزة مادري ليش والحفلة كانت مفاجأه علشان نستانس ويكون شئ غير اعتيادي مو علشان نتهاوش وانتي لي زفيتيني وكنتي تصارخين ...

kAiKa-MGroMa يقول...

P; فروح وستيلا @@ بس يوزو مو جدام الناس

شكلكم بتكملون الهوشه هني

انا اقول خلوها الى اجل غير مسمى احسن
D=.

fatto يقول...

فروح وستيلا .. اشفيكم صلو على النبي ..