اخوي يدرس بالامارات وأبوي طبعا كل فتره يدزله فلوس عشان دراسته ... فأول امس دزله فلوس عشان يسجل بالكورس اليديد فراح البنك عشان يسحب لفلوس ويلا يقولوله رصيدك صفر !!!! جان يقول شنو صفر جيكو عدل شيسالفه .. البطايق عندي مومبيوقه .. ويوم جيكو ويلا الفلوس مسحوبه من ( روسيا ) تخيلو !!!! والرصيد امجمد عندهم يعني ماسحبو منه .. وعقب جم ساعه ويلا اتييله مسجات وره بعض ان مسحوب منه 100 والمسج الثاني 200 والثالث 500 لمن اسحبو 700 د.ك اففف حرررره والمشكله البنك على قولتهم مايقدرون يسوون شي .. يقولون اهم اعرفو رقم حسابه ومابيدنه شي !!!!!!
هناك 22 تعليقًا:
امبيه .. حدها السالفة تخرع ..
شلون يعنى ما يقدرون يسوون شئ ؟؟
واي حدة حرة .. الله يعينه و يعوضه انشاالله .:(
لا حرام وايد المبلغ الحين شلون بيسجل . نفس الحادث صارت برشلونه انباق من واحد سعودي هناك مبلغ 30000 ريال سعودي ولا قدروا يسوون حقه شئ .. يقولون أن الكي نت ما عليها تأمين ... مو حرا إلي قاعد يصيير
الله يعوض عليكم
شكله شاري شي من حسابه مسكيين
ولا احد داخل على كمبيوتره
خطاكم السو
الله يعوض الفلوس
لا اله اللا الله
الصبر
fatto شلون إعرفوا رقم الحساب ؟؟؟ المبلغ المسحوب من الـ K-net ؟؟؟
umm,, i guess he have to take some evidence ena he didnt go to russia! his passport o chethi would do,, my mom 9ar feeha chethi... 3egub 3 months she got her money back.. coz i think that the bank will invistegate o they get ur money back for u...
هذي عصابه من روسيا قامت و انسخت بطاقات سحب حق اللي استخدموا البطاقات في الامارات. و كل العمليات السحب صارت في روسيا.
بحكم انني اشتغل في بنك هذي السالفة صايرة حق وايد ناس ، و مو بس من الكويت.
الله يعينكم.
الله يستر :|
اخوي يدرس بالامارات
ونفس الشي احنا ندزله فلوس
انزين اخوج حسابه كويتي ولا اماراتي؟
انا مره صارلي موقف
ان قمت اسحب من البنك وينخصم من حسابي الفلوس ماتطلعلي
وماردو الفلوس
:(
ادري ماله شغل بس لازم اعطيكم معلومات اضافيه لوول
الله يستر على عيالنا
صج الامارات وقريبه
بس حرام غربه :(
اي بنك اخوج يتعامل معاه؟
صج زمن يخرع شلون جذي ؟؟
معقوله مايعرفون الرقم
وشلون يبوقون والبطايق عنده
امبييييييي السالفه تخرع الصراحه
الله يعوضكم خير
شهالبنك اللي موقادر يساعده بشي؟؟!
حده كلام خرطي .. خلو محامي يكلمهم ولا شي .!
بس يا اختي صدقيني الفلوس الحلال ما تضيع بترجع لكم ان شا الله.
هل ايام البنوك مالها امان ذيك المره رفيجي بسحب كي نت بدال لاتحط 100 دينار حطت 1000 يعني بمجرد ضغطه بالخطأ تسبب مشكله
الله يعينكم وانشاء الله تنحل مشكلتكم
رفيجتي بالدوام اليوم تقولي ان امس يتلها مسج انه انسحب من حسابها فلوس و هم نفس الشي يوم راحت حق بيت التمويل جان يقولونلها من روسيا و احنا ما نقدر نسوي شي
شهالسالفة اليديدة بعد !
شنو يعني مالهم شغل ؟؟ عيل الواحد مايأمن على فلوسه وياهم مالهم شغل اخذ فلوسي واخليهم بالبيت أأمن !
الله يرد لكم فليساتكم ان شاء الله وفلوس الحلال ماتضيع
signorina:
رفيجتج كانت مسافره و مستخدمه الكي نت بره ؟
و له بس بالكويت ؟
الحمدالله درست 5 سنين بالامارات ولا صارلي هل شي .. بس صج الروسين بالبوق والنصب اول ناس ..
ومثل ماقال الاخ ينسخون ويسون بس صج حرام حرمت عيشتهم هل رووووس
بس الله يعين اخوج راحت عليه ولاي دخل النت ويحط ارقام حسابه بالمواقع الغير موثوقه ..
عذبة الضـ ح ـكة
اختي يوم تسحبين فلوس من بنك خارج دولة الكويت وماتطلعلج الفلوس من الآله ويكون نخصم من الرصيد شتسوين بهل حاله .. تاخذين الوصل وتروحين حق البنك فالكويت وتعطينهم ياه وتقوليلهم عالمشكلة راح يراسلون البنك فالدوله الثاني والفلوس ترجع بعد شهرين صارت وياي .. هذا لانه الىله تكون فاضيه مافيها فلوس
بيرل :
مادري كلمنا الحين واحد انعرفه وانشاءالله ابتنحل
ستيلا :
ابوي اول شي دزله 1800 د.ك قولي الحمد الله ان مانسحبو اخوي خذاهم ودفع الي عليه . والدفعه الثانيه 700 وهذي الي راحت علينه والحين ابوي دزله مره ثانيه بحسابه الاماراتي
سن شاين :
امين يارب
سنعه :
امين
منال :
اي والله ان الله مع الصابرين
ماستر:
من بطاقته العاديه من بيت التمويل
ديلي :
انشاءالله يردون لفلوس
رجال :
يعني افهم من كلامك ان صج ماكو حل حق هالسالفه .. انا بعرف هذي ماتعتبر غلطه البنك ؟؟؟؟ ان مافي سيكيوريتي ؟؟؟ يعني الناس اشذمبهم الي مبيوقين ؟؟؟؟ بعد هذي موحاله .
عذبه الضحكه :
كويتي .. ديربالكم
دودو:
شفت اشلون .. هذا المفروض مكان انأمن فيه افلوسنه .. بس طلع ينخاف انحط في افلوسنا
ملك :
اميين
ذتولكر :
الله يسمع منك يارب
كويت ماستر :
لاحول الله ..
سقنورينا :
امبيييه نفس السالفه ..
يقولون الروسيين حاطين عينهم على حسابات الكويت
بنك قيرل :
والبنك يقول همن احنا تنباق منه افلوس من بره !!! تكفين شنو اتردين !!
براندس :
عيل مبروك عالى التخرج :) اي والله عليهم نصب وهم قاعدين ابديرتهم
حبيبتي ما تستاهلوون و الله يعوض عليكم
الحيين حتى بالبنوك ما نأمن على فلوسنا
شالحالة ..الله يعوض عليكم :(
BrandsQ8
ثانكيوو والله نفعتني
بس انا بنكي من داخل الكويت
للأسف كنت مضيعه الوصل
فلما رحت البنك قالوا عادي يبين عندنا
والحمدلله ردت لي فلوسي
جزاك الله خير
إرسال تعليق