الخميس، 11 سبتمبر 2008

القسوة ..

بدش على طول بالموضوع وبدون مقدمات ..أحس إني أم قاسية وكل شي عندي لأ وإذا قلت كلام ما أغيره تعتقدون هذا يخلي عيالي يكرهوني ...؟؟؟
أحس كله يبون أبوهم ويحبوني بس من أعصب عليهم ولا شي يقومون يبجون ويقولون ( أبي باباتي ) بعد عمري عيالي ..وحدهم يعورون قلبي إذا ناموا فديتهم ..
ما أحب اقصر عنهم بأي شي عندي أقصر على نفسي ولا أحرمهم من شي يبونه ..وأعاملهم جذي لأني أحبهم وأخاف عليهم يمكن إهي مو قسوة بكثر ما تكون تربية لهم بس بحكم إنه أبوهم دايما يلبي طلباتهم على شي يصير ولا شي ما يصير كله عادي وكيفهم ..

شنو أبي من هالموضوع وليش قلته ما أدري بس كان ودي أفضفض ..
أحبكم وايد أبيكم تطلعون أحسن ناس يا قطعة من قليبي :)

هناك 11 تعليقًا:

Sn3a يقول...

على قوله امي لازم شد وجذب
تتفق مع الابو
مره ان سوو شي غلط اهو يزفهم
واهيا تحن عليهم
والمره اليايه اهيا تزفهم

عشان يتعلمون ان الغلط غلط ويتعاقبون من الام والابو عشان لا يفكرون ان الام قاسيه او شاده عليهم


يسلمو

JuVeNTiNa يقول...

حبيبتي انتي قاعدة تسوين هالشي علشان مصلحتهم بالنهايه ..

بس مدام هالشي يضايقج فكري بطرق ثانية تمنعينهم غير الشد الزايد عشان لا يكشون منج ..

حاولي تفهمينهم شوي شوي و تاخذينهم على قد عقلهم ..

Om MoD يقول...

يمكن أنا نقلت الصورة لكم بأني حدي قاسية بس ترى أهما يحبوني وايد ..ومحمد كله يناديني ماما حبيبتي ...وياسر دايما يقعد بحضني ...بس يفزون على أبوهم أكثر أحس جذي أنا مو متضايقة لأنهم يحبون أبوهم بالعس شي وايد حلو ومريحيني بحكم إنهم أولاد ويكونون قرابمن أبوهم شي حلو ..

بس والله لما ينامون يعورون قلب :)

ومشكورين على النصايح إنشاء الله بستفيد منها ...و نحاول أنا وأبوهم نتفق على راي جدامهم على الأقل :)

غير معرف يقول...

ما أظن ان هذي قسوة منج أبدا لأن الأخير هذا نابع من حبج لهم وخوفج عليهم ، اللي أحسه مطلعج جدام عيالج بصورة "الشريرة" اللي ما تحبهم (حسب ما يمكن هم يظنون) .. هو عدم التنسيق بينج وبين أبو العيال في موضوع العقاب ، فما يصير موضوع عقاب الأطفال يكون لج وهو يمسك جانب الثواب .. فاهمه علي ؟
والله يوفقكم ويحفظ لج عيالج وأنا مؤمن انهم بس يكبرون ويشوفون الدنيا بيعرفون ان اللي تسوينه لهم كله لمصلحتهم .

Om MoD يقول...

th talker :

شكرا على النصيحة وإحنا والله نحاول بس أحيانا يكون لكل منا راي وبيني وبينكم أنا الخراب من بعاقبهم على طول ينكسر خاطري بس إذا أنا عاقبتهم عادي :)

Organic Kuwait يقول...

well i have lots to say but i know u prefer to read in arabic and i dont have arabic on this laptop..
:/
but parenting is simply being a model for ur kids to imitate... children learn through observing..
and as a wise man once said..
having children doesnt qualify you to be a parent just as much as owning a piano doesnt qualify u as a pianist..
akeed et7ebeen 3yalech no one will ever doubt that :)..

DoDoq8 يقول...

حتى انا احس نفس الشعور معه اهلي ووايد ودي اقضب روحي بس مااقدر

ودايم اعاتب نفسي

بس لاتخافين مهما يسون العيال مايحبون احد كثر امهم


واذا كبرو بعرفون هشي اكثر

fatto يقول...

وااااي ياحلووهم .. الله يخليهم لج يارب

fatto يقول...

وي التعليق السابق المفروض حق البوست الي قبله مال المدرسه :) لوووووول

ووبالنسبه حق تعليقي اليديد .. لازم الام اتسير جذي ويلا عيال ماراح يتسنعون اذا لقو التدلع من الصوبين .. الله يخليهم لج

Om MoD يقول...

مشكورين حبايبي على النصايح الحلوة والكلام الأحلى .....

ومثل ما قلتوا مردهم بعرفون إي أبي مصلحتهم وما أسوي جذي إلا من كثر حبي لهم :)

bhr.qadsaweya يقول...

امي كانت كل تقول ان احنا نحب ابوي اكثر لأن ابوي كان يشتري لنا كل شي نبيه و اي شي ما كانت تهون عليه دموعنه و كنت اقول حق امي لما اكبر بشتري حق عيالي كل شي انتي ماشريتي لي
امي شوي كانت تشد ويانه بس ابوي يرخي
وكبرنا وعرفنا ان امي كانت تبي مصلحتنه وابوي شوي يخربنه P:
انا عارفة شعورج لما يرقدون و يغمضون عيونهم جنهم( جنهم ملاك) انتي تقول في نفسج ياريت ما قلت له جذي يا ريت شريت له الي يبيه تفتقدينهم بالليل لما يرقدون
الله يخليهم لج و يحفظهم من كل شر يارب