مارحت العيد =(

بس ..عندي الي احلى من العيد ..اول مره ..اقعد بالبيت ابروحي ..في العيد شعور غريب ..شي ناقصني ..جذي احس ..بس والله اعيونه تسوى الدنيا وما فيها ..صج ..ذابحني ..بصياحه ..(نسيت النوم ) بس احلى نغم ..وارق لحن ..سمعته بحياتي ..

يالله العيد الياي بأذن الله ..يعيد ..قلبه وهو يعيد .

اليوم عيد :)

عيد يا سعيد بالعيد ..كل عام وأنتوا بألف خير ..وعساكم من العايدين الفايزين ..خلص شهر الخير وطاف ومر بسرعة ما حسينا فيه عساه يعود علينا وعليكم بالخير واليمن والبركات .

ونسوا اليهال عااااااد ولا تقصرون عنهم ولا تنسون العيادي ولازم الفلوس تكون يديدة عشان تكون لها حلاوة العيد ولوتوزعون على اليهال أرباع أحسن عبالهم وايد ووصوهم يخشون العيادي ولا يعدونهم كل شوي عشان ما ينقصون ( لووووووووول ) واذكركم بالخدم تراهم يفرحون بالعيدية بعد .

هاتف جوجل الجديد

تم الكشف عن اول هاتف محمول له يعمل ببرنامج اندرويد الذي اعدته جوجل، أكبر محرك بحث في العالم ، وذلك بهدف منافسة ابل وهاتفها المحمول "اي فون".
ونظام اندرويد وهو نظام تشغيل برمجي خاص بالهاتف المحمول قائم على نظام تشغيل لينوكس، وقد طورت جوجل هذا البرنامج.
وسيبدأ تسويق الهاتف الجديد في 22 أكتوبر المقبل في الولايات المتحدة بسعر يقل 40 دولارا عن آي فون.
وسيكون بامكان البريطانيين اقتناء هاتف تي موبايل جي1 بحلول الكريسماس. ويتوقع ظهور موديلات اخرى تعمل بنظام اندرويد العام المقبل.
وقالت روبيرتا كوزا المحللة لدى مكتب جارتنر للتسويق "ان لدى اندرويد القدرة ليصبح مثل برنامج لينوكس بالنسبة للكمبيوتر ونتوقع ان تشكل المبيعات قرابة 10 بالمئة من سوق الهواتف المحمولة في 2011".
وقالت كارولينا ميلانسي المحللة بنفس الشركة "إن جوجل لا تدخل سوق الهاتف المحمول لتصبح صانعا آخر مثل غيرها ولكن للانفتاح على سوق الخدمات الواسع وتطبيقاته".
وقال مصمما هاتف جوجل الجديد سيرجي برين ولاري باجي انهما يستخدمان منذ عدة اسابيع هاتف "جي 1".
واكد باجي "انه بجودة الكمبيوتر قبل عدة سنوات" مؤكدا انه "بالامكان القيام بعمليات بحث على الانترنت تماما مثل ما هو الامر بالنسبة للكمبيوتر".
وهاتف "جي 1" اكثر سماكة من "آي فون 3 جي"، الذي يشهد نجاحا كبيرا منذ اطلاقه في يوليو الماضي، غير انه اصغر منه وهو مزود بغلاف من البلاستيك الابيض اوالاسود اضافة الى نسخة بنية ستسوق في الولايات المتحدة وبشاشة تعمل باللمس.

It is fully booked until December 2008

هذا العنوان اللي وصلي بالاميل بس الصراحه شي مو طبيعي من كثر ما المكان خيالي ويشوق ودج باللحظه هذي اتروحين له.

راح اخلي الصور اتوضح لكم :)

طبعا هذا من الداخل

وهذي غرف النوم

طبعا بعد هذي الصور قلت خل اتعمق اكثر فدخلت السايت مالهم صج شي احلى من الخيال ، واتمنى ازورا .

هذا السايت www.thtthemeparkguy.com

محــــــتاره

صارلي فتره افكر وادور شنو راح تكون عيدية امي ولين الحين انا محتاره !

ابي شغله اخذها لها وصج تستفيد منها وفي نفس الوقت اذكرها فيني ، الوالد الحمدالله اخترنه له العيديه وبس باقي التنفيذ :)

فممكن تنوروني وتعطوني افكاركم وشنوا اللي يحبونه الامهات ويحسونه شي غالي عندهم طبعا غيرنا احنا ( اولادهم ) .

واكون شاكرتلكم وايد على الخدمه :)

بسم الله ... مداهم يقلدون

نفنوف Marchesa من مجموعة الصيف لسنة 2009 ، إنعرضوا من قبل أسبوعين في نيويورك ،يعني ما راح يكونون موجودين بالسوق إلا السنه اليايه و في شهر فبراير ،Eva Longoria لبسته في الـ Emmeys توه من يومين ، طبعا هذا دعايه حق الماركه ، eDressme.com مادري متى مداهم و قلدوا النفنوف و يبيعونه على سايتهم ... شوفوا الصور .

صج إن التقليد خواره ، بس يعني ... شنو هذي السرعه ؟؟؟

السعر : 140 دينار تقريبا

للطلب إضغط هنا

Brooke Shields بعد مقلدينها

السعر : 100 دينار تقريبا

للطلب إضغط هنا

طوق غريب

طوق غريب من TopShop

السعر : 10 د.ك. تقريبا

Pual Smith

حابتها و كارهتها بنفس الوقت

Pual Smith

السعر: 108 دينار كويتي تقريبا

للطلب إضغط هنا

ليش يا prada؟

ألحين انا إلي كله أقول prada و prada ، إهمه الـtrend setters و الشي الزين و الحلو كله عندهم . شنو هذا ؟؟؟؟ هذي هدوم الله يهداكم ؟ ليش يا muccia ... ليش ؟؟؟ صج إن المصمم يكون فنان لما يطلع بشي غير عن الموسم إلي قبله و له ما ينفع يصير مصمم . بس صيف 2009 لـ prada توقعته ملون ... مو جذي ، وايد الكولكشن أشباهه يابانيه ،من طقت issey miyake و إنتوا رايحين .

من يدري بعد اليوم مو حلو و باجر نلبسه ... و الغريب بعد إن العارضات لابسين مع الجوتي شي جنه دلاق (الصوره تحت) مادري شنو ؟؟؟ ينشد من وره بشريطه ، هل هذا لازق بالجوتي ؟ و له يلبسونه بروحه ؟

للمزيد من الصور إضغط هنا

zain backup

الخدمه حلوه بس الدعايه إتييب الأعصاب

يا كره العيايز ... عبالهم دمهم خفيف

أكو وحده املق بس ما لقيتها في youtube

برووش

ها يا أختاه ... سهل التطبيق ؟؟؟

برووش على شكل ورده ، من Moma بـ 10 دنانير تقريبا

pink dress

إينن ، و السعر أحلى ، 30 دينار من River Island

أنا ما عندي مناسبه و له جان شريته سيده بدون تردد

همممممممممم ... مادري أخذه و بس ؟؟؟؟

أنا ما شفته بالكويت ، بس إلي يشوفه لا يفكر سيده يدفع

هذا سايتهم Link

Digi Camera Case

جنطه صغيره على Hello Kitty حق الـكاميرا الديجيتال

تونس ... بـ 10.500 دينار كويتي تقريبا

للطلب إضغط هنا

أكو بعد أشياء ثانيه حلوه لازم تشوفونها إضغط هنا

ابتسامة بعشرة ملايين دولار

تم التأمين على ابتسامة أمريكا فيررا بطلة مسلسل "بيتي القبيحة" بمبلغ 10 ملايين دولار.
قام بالتأمين شركة لويدز بلندن التي قالت إن الاجراء قامت به شركة للمنتجات الخاصة بالفم والتي تتعاون مع الممثلة في حملة للأعمال الخيرية بالولايات المتحدة.

وتلعب فريرا ، البالغة من العمر 23 عاما، دور بيتي سوريز القبيحة التي تضع تقويما للأسنان في فمها وتعمل في مجلة للموضة في نيويورك. وتقول الممثلة الشابة إنها شعرت بالاطراء للتأمين على ابتسامتها. وتابعت قائلة "إنه أمر مثير للغاية أن يتم التأمين على ابتسامتي بمبلغ 10 ملايين دولار، إنه أمر لم أتخيل حدوثه ابدا".

وقال متحدث باسم شركة لويدز إن شركته لها تاريخ يعود إلى 300 عام في عمليات التأمين التي قد لا تكون معتادة مثل التأمين على أصابع عازف جيتار فريق رولينج ستونز كيث ريتشاردز وسيقان مارلين ديتريتش. يذكر أن فيريرا فازت بجائزة الجولدن جلوب لأفضل ممثلة في مسلسل كوميدي وعرض كوميدي غنائي في عام 2007.

شر البلية مايضحك (السجن 6 سنوات لسرقة حصالة رضيعة)

أصدرت محكمة في ولاية ويسكونسن الأمريكية حكما بست سنوات سجنا على لص سرق مبلغ عشرين دولارا أمريكيا من حصالة نقود رضيعة كانت تغط في نوم عميق.
وضبطت أم الرضيعة اللص، الذي يدعى ريان مولر، وهو يهز حصالة النقود عندما ذهبت إلى غرفة رضيعتها للاطمئنان عليها.
وذكرت السلطات القضائية المحلية أن الأم أخبرتهم أنها بينما كانت بصدد الاعتناء برضيعتها الأخرى التي لا يتجاوز عمرها سنة في غرفة منفصلة رأت وكأن أحدا يضيء مصباحا كهربائيا في المنزل.
اتجهت الأم إلى غرفة رضيعتها الضحية لتقصي الأمر، وعندما دخلت إلى هناك فوجئت برؤية مولر وهو يهز حصالة صغيرتها.
وعندما وجد مولر نفسه وجها لوجه أمام الأم ما كان منه إلا أن أخذ مبلغ 20 دولارا أمريكيا من الحصالة التي ألقاها جانبا ثم ولى هاربا.
لكن السلطات المختصة عثرت على قطرات دم على ستار نافذة الغرفة ثم قارنتها بدم مولر الذي كان أحد المشتبه بهم، فتأكد لديها أنه هو اللص الذي سطا على حصالة الرضيعة.
ويُشار إلى أن مولر جرح نفسه عندما فتح نافذة غرفة الرضيعة عنوة وهو يحاول التسلل إلى الداخل.

افكــــــــاري

هذا أخرما توصلت له ، طبعا اخذت اجازة من الدوام علشان اداري بنوتي حياتي كان حايشه تسمم من الاكل بس الحين الكحه والصخونه واللي معور قلبي اكثر يوم اترجع احس روحها بتطلع لاسمح الله.

المهم بعد ما نومتها قعد قريت قرأني ودعائي وخلصت بس شفت لين الحين في وقت وما عندي شي فتذكر ايام اللي كنت بنيه وكنت اشغل نفسي بالخياطه او الرسم الشغلات اليدوية وهذا اللي توصلت له اشرايكم ؟

بروش الفراشه

بروش من زجاجه عجبتني دخلت معاها الورد والاوراق

هذا شي بسيط شريطه وتفاحه ولولو :)

واتمنى اكون نفس حبيبتي جاردينيا وابدع اكثر .

KONG

المطعم شكله عجييييب
حد الـ WOWness

شكثر شفت صور حق هذا المطعم بالمجلات ، بس صور كاميرا عاديه ما شفت

خالي و أهله رايحين له في باريس ، و هذوله صورهم قلت أراويكم إياهم

(مطعم Kenzo) إسمه KONG

هذا الحمام ، إيضحك :)

Bloomingdales

في فبراير 2010 Bloomingdale's بيفتح في دبي مول

Emmy 2008 Winners

ضاق خلقي ماكو احد أحبه فاز :(

Lost تدرون شنو فاز في ؟

sound mixing

شنو sound mixing ؟؟ من يدري عن الـsound

واااي بيقتلوني ... الجوائز كله حق 30Rock

مو من حلات الحلقه ، شفتها جم مره كلش ما إضحك

و John Adams شنو هذا بعد ؟؟؟

ما اعرف إلا Jeremy Piven ، فاز بـ

Outstanding Supporting Actor in a Comedy Series - Entourage

إلي يبي يتعذب هذي لستة الفايزين Link

مصدر الصوره

Emmys 2008 - Red Carpet

Source: The envelope

Heroes باجر

وااااي شعري وقف

أي Hero تحبون؟

أنا Syler

Too Faced

اليوم مريت Sephora إلي توه فاتح بالأفنيوز ، ماكو شي :( وايد ماركات ليما ألحين ما وصلت ، البياعه تقول بعد رمضان إنشاء الله كل شي بكون كامل . طبعا المسكارا givenchy المدوره إنسوا ألقاها تقول أصلا ما وصلتنا . و اكو ماركه ادور على الـgloss مالهم إسمها too faced هذي بعد مو موجوده ( شنو الحلو في هذا الـ gloss ، إن يكون شفاف و لما أحطه يطلع لونه وردي على الشفايف و ما يروح بسرعه ) أنا مع ويهي ليش ما خذيته اول ما شفته :( ؟؟؟؟ على بونه هاااااا ... أفكر ، يا كره التفكييير.

Kurt Geiger

Kurt Geiger فتح بالأفنيوز الجزء اليديد يم anna sui و الأسطوره

رسمة ولد خالي

ولد خالي عمره 4 سنين راسم مدرسته ، أهم شي التراجي ، صبي وين يفكر يرسم تراجي !!!

و إيدها العجيبه موتني من الضحك

ليش متعلق فيه ؟؟

هذا كمبل مودو من يوم كان صغير بتقولون أهوا بعده صغير أقصد من يوم ما كان بيبي ما تدرون ولا تصدقون شكثر متعلق فيه ما ينام بدونه حتى لو ما يتغطى فيه المهم يشم ريحته ...ما أدري شنو سر التعلق فيه ؟؟؟؟؟؟ ..صار صغير وريوله تطلع منه وشريت له كذا كفر على ميكي وعلى توم وجيري ماكو فايده لازم هالكمبل يكون يمه ولا يكون يوم بنغسله وخصوصا بالشتا مشكلة شلون ينام ما يقدر ومن يوم ما عرفت إنه جذي متعلق فيه قمنا نغسله وعلى طول إنشفه :) ويوم كان أصغر من جذي كان يسميه كمبلي بعد عمري مودو أحب سوالفك :)

تفطرنا بره

اليوم أنا و أختي و بنات خالتي رحنا تفطرنا بره في Slider station ، طلعنا بعد الأذان فالشارع كان خاااااالي ، هذا أحلى شي ( الدائري الرابع بالصوره ) جنه طالعين الفير ، توقعنا لما بنوصل المطعم بكون خالي بعد إلا في ناس متروس ( بالصوره تحت مبين خالي نطرناهم يطلعون عشان نصور ) و الله كان وناسه يبيلنا طلعه ثانيه .

مصمم أزياء.....

نقلا من موقع بي بي سي العربية كشف مصمم الازياء البريطاني بروس أولدفيلد النقاب عن مجموعته الجديدة من الازياء ، ولكنها هذه المرة لسلسلة مطاعم ماكدونالدز. كان أولدفيلد قد صمم أزياء للعديد من المشاهير من بينهم الاميرة الراحلة ديانا، أميرة ويلز والممثلة الامريكية كاثرين زيتا جونز. أولدفيلد يؤكد أن تصميمات الزي الموحد الجديد لماكدونالدز تهدف الى توفير الراحة والبهجة للعاملين.

psp again

هذا الـPSP بو دينار :)
عقب ما حليت مشكلة يسور بدت مشكلة مودو يبي PSP سور لأنه الألعاب اللي فيها يديدة وغير اللي عنده وعدنا اللي اللوية :)
فرحة ما بعدها فرحة
جنة صج :)

عقب ما شرينا psp حق مودو الكتكوت واستانس حده وارتحنا من الحنة يوم اليمعة بدت حنة يسور كل يوم أول ما أرد من الدوام ألقاه مستقبلني عند الباب بهذي الجملة ( أماه وين بيأبيتي ) الترجمة ( يماه وين psp ) وليه ماما حبيبي أنت وأخوك فيها قولولي شلون يسور بيفهم هالكلام توه صغير والمشكلة إنه ما يعرف يلعب ومن يمسكها مودو ياخذها منه ويقوله عطني أوصلك ( أي شي والله ) شسوي فيهم يعور قلبي بس نجره مع أخوه كل يوم على هالسالفة المهم أبوهم الغالي حاول يحل المشكلة وكان مار الديرة وشاف تقليد حق الـ psp وسعرها دينار كويتي واحد بس ( لوووووووول ) وشكلها حليوه بس ما تبرد القلب لا ألوان وموسيقتها شايلة الدنيا شيل فرح فيها بالبداية بس عقب يقعد يم مودو ويقارن بين اللي عنده واللي عند أخوه ويرد يسأل نفس السؤال وتعود النجرة مرة ثانية عاد قررت وقلت يعرف لها ما يعرف لها بروح وأشتري له وحده وصج عاد شريت له فديت الجمال والله ..لا يفوتكم ينسدح على بطنه ويلعب نفس عيال إخواني وخواتي ومودو أخوه بعد عمري عايش الدور :)

وبس عيال هالوقت أهم اللي يمشونا مو إحنا اللي نمشيهم ..