الأربعاء، 5 نوفمبر 2008

طير من طيور الجنة


حبيبي بعد عمري ما شفته ولا أعرفه بس انكسر قلبي عليه وألحين وانا اكتب لكم البوست عيوني تخر دموع توه صغير ما عرف شي بالدنيا راح وودعها الله يعين قلب أمه ويصبرها ادعولها الله يعطيها الصبر والسلوان ..تقريبا من أسبوعين زوجي كان يراكض مع رفيجه عشان يخلص أوراقه بالعلاج بالخارج يوم سألته قالي ولده مريض وبوديه علاج بالخارج بس ما هقيت فيه هالمرض الشين ( الله يبعده عن الجميع ويكافينه شره ) المهم يوم سألت عن عمره تقطع قلبي زياده عمره تدرون جم سنتين بس تدرون شنو يعني سنتين يعني توه قام ياخذ قلب أمه توه يتكلم توه يتشيطن توه وتوه وتوه ( الله يعينج ويصبر قلبج إنتي وأبوه ) أنا ما أعرف الأم بس يا ربي ابتلاء كبير وعظيم الله لا يفجع أم بضناها الضنى غالي ..وأشوف زوجي تقريبا كل يوم يدق عليه ويكلمه وآخر مره سألته قالي كلش تعبان ويقولون إنه فيه جرثومة بالدم من الكويت وشكله كلش مودع قلت يا حر قلبي حراااااااااااااااه شحالهم ألحين.....وبس عقبها قلبي مو مطاوعني أسأل عنه أخاف لا يقول الشي اللي ما أبي اسمعه بس بعد حكمة رب العالمين اليوم شفت زوجي يلبس بيطلع سألته وين بتروح جان يقولي الولد خذ الله أمانته وااااااااااااااااي ضاق خلقي وقلت حبيبي ما شاف شي من الدنيا والله يعين قليب أمه وابوه ...أدري ضيقت خلقكم بس اللي بوصله لكم إنه الدنيا ما تسوى والموت ما يعرف صغير وكبير وما يعرف مريض وصاحي سبحانه علام الغيوب متى ما خذه أمانته خذها ورب العالمين له حكمة بكل شي أذكر نفسي وأذكركم ( فاعملوا خيرا بدنياكم ) لا تنسون هالأم ادعو لها وادعو حق أبوه يعطيهم الصبر والسلوان ويبدلهم خير ...وحبيبي طير من الطيور الجنة

هناك 5 تعليقات:

Manal يقول...

ذبحتيني والله

الله يرحمه

والله يصبر قلب امه وابوه

حسبي رب العالمين

:(

الزين يقول...

غلط

كلاكج غلط

تفكيرج غلط

امانة واخذها سبحانه

شنو يعني ماشاف شي من الدنيا

تهقين الدنيا احسن من المكان اللي راح له

هذا ما انخلق لها

هذا انخلق للجنه

هو طير من طيورها

يشفع حق امه وابوه يوم القيامه

بخت عينه

والله يصبر امه وابوه

طلبي لأهلة الصبر وامه اللي يقوي قلبها على فراقه

ادري قلبج معورج بعد قلبي

بس انا بغيت انبهج

الله عطا والله اخذ
ما نحاسبه ولا نقول شنو شاف من الدنيا

جنه يعني طافه شي يسوى

قوي قلبج وايمانج بالله

:**

سلام

Pink GirL يقول...

الله يرحمه
ويصبر قلب اميمته وابوه ويعوضهم خير ان شاء الله

صبر جميل والله المستعان

fatto يقول...

الله يرحمه .. عورتي قلبي :( الله يصبر اهله يارب

RoOra يقول...

الله يرحمه يا رب و يصبر قلب امه ;s