الأحد، 16 نوفمبر 2008

شوفوا إختي شنو مسويتلي


ذاك اليوم رحنا بيت المازار يم الكنيسه و شفنه أساور من خيوط و خرز بـ 3 دنانير ، عجبونا ، يوم شافتهم إختي قالت هذوله سهلين ما يبيلهم شي ، بعد ثاني يوم ما قصرت قعدت و سوت حق العائله الكريمه كلها و إللي بالصوره ملوتي :) ، شكرا يا أختي العزيزه . طبعا مسكينه حاولت تعلمني بس ما كو فايده ، هاوشتني ليش ماني عارفه أدخل الإبره بالخرزه و تقولي ما يبيله تفكير ردي الإبره على نفس المجرى ، نفس المجرى ، وين المجرى ؟؟؟ ما تشوفين ؟؟؟ شعرفني أي مجرى !!!! شنو إهو نهر ؟؟؟؟ المهم كل ساعه أقصص بالخيط لمه خلص و طلع سواري خرابيط ، لبسته يوم واحد و بس ،قصيته من إيدي و توني ألحين أكشخ باليدد المسويتهم إهي.

هناك 7 تعليقات:

snow يقول...

ماشاءالله عليها اختج انسانه مبدعه واحلى ما في بانها مااصعب الامور بالعكس الصراحة ودي بوحده جذي مثل اختج اشجعني واتخليني ابدع :)
عاد امبين شغلت السواره سهله مو مقده بس هذا مو هواياتج mastar ؛)
الله يخليها لج ولا يفرقكم انشالله .

DoDoq8 يقول...

7lween

:)

bent el deera kitchen يقول...

كيووت ما شاء الله

الله يخلي لج اختج

وعليج بالعافيه السوارات :>

سليمان القصار يقول...

يا مال العافيه :)

Manal يقول...

nice
:)

المباركية يقول...

والله حلوو
ابداع ماشاء الله

sun shine يقول...

اختج ماشالله كنز الله يخليها لكم