الأحد، 2 نوفمبر 2008

فديتكم

حبايبي الكتاكيت وديناهم نفصل لهم دشاديش وهالمرة يسور كبر شوية ووقف عشان ياخذون قياساته بعد عمري والله وبعد الدشداشة مو هينة تصدقون حق النتفة دشداشته بـ 9 دنانير والله أنا مستهينة فيها أخترنا لهم نفس الخام ونفس اللون ..الله يحفظكم شوفوهم بالمحل يحوسون ولا يفوتكم شكل يسور وراعي المحل ياخذ قياسه :)

هناك 10 تعليقات:

KuWaIt MaStEr يقول...

يحليلهم
مستانسين على الدشداشة
غير اخواني الي مايطيقون
شي اسمه دشداشه

الله يخليهم لكم

Om MoD يقول...

الله يسلمك ...مودو عادي ...بس يسور هواش على ما نلبسه :)

esTeKaNa يقول...

يااااابعد قلبي قلبهم
اسم الله عليهم الرحمن الرحيم!
يا حلاة يسور واقف وعيونه تحجي
كلها فرح وطفوله وجمال
الله يحفظة
ويا زين أخوه اللي ماسك الخام عشتو يعني ينقي ويعرف جنه صج:)
قولي آمين
عسى ربي يبارك بعمرج واعمارهم
ويكبرون جدام عيونج
ويبلغج رب العالمين فيهم
متخرجين من احسن الجامعات وماخذين اعلى المناصب وتفرحين بعروسهم يارب
وساعتها لا شفتي يسور واخوه كاشخين بهالدشاديش والسكبه تذكري هاللحظة وهم صغار ودشداشته ما تتعدى 9 دنانير
:))
اهم شي اني اكتب التعليق والضحكة من هني لي هني....عيالج دشو قلبي
عسى ربي يحفظهم لج يارب
:)

master يقول...

ويه يسور يضحك

Sn3a يقول...

كربوون اللي بيدشدشون
لاتنسين القلم ضروري بمخابيهم


ربي يحفظهم ويخليهم وتشوفينهم معاريس

DoDoq8 يقول...

Waaay


a7bhoom




alaah y7f`6hom mn el3een


give them a kiss from me :*

The snOw PaTRoL ;p يقول...

حلااات اللي يفصلون لهم :*

الله يخليهم لج و يحفظهم و تشوفينهم معاريس ^^

Pearl يقول...

يختي يحلاتهم .. أنشاالله تشوفينهم معاريس .. يا رب
:)

ربي يحفظهم من العين ..

Om MoD يقول...

بعد عمري كلكم والله يخلي كل واحد عنده عيال حقه ولا ينحرم منهم واللي ما عنده الله يرزقه واللي مو متزوجه الله يرزقها بالريال الطيب اللي يداريها ويرزقها كتاكيت حلوين ...والله يسلم عمركم ويسمع منكم كل دعوه ..وايد استانست بالتعليقات وربي يبلغني فيهم مثل ما قلتوا :)..وبس ما أدري شقول ضاع الكلام من حلاوة التعليقات :)

fatto يقول...

وااي اشوقووون .. عليهم بالعافيه :)