السبت، 22 نوفمبر، 2008

قواري

هابيين أنا و أختي و عيال خالتي و خوالي نطلع كل جمعه بالشاليهات نركب قواري ، للأسف أنا ما شروا لي واحد، فكل ساعه طاره منهم و يهاوشوني ليش ماخذه قاريهم و يقوموني ، قلت ما يصير جذي لازم الأسبوع الياي أروح أشتري لي واحد .

اليوم الظهر كان عندي موعد طبيب أسنان و أنا طالعه ، بروح السياره إلا أشوف قاري و علي شرايط ورديين :) مت من الوناسه ، أكيد هديه من أختي . و أشوف مكتوب علي happy birthday طرت من الفرحه و خصوصا إن عيد ميلادي مو ألحين ، بعد شهر تاريخ 5.12 فصج كانت مفاجأه .
بس لما قريت الورقه عدل ، مو مكتوب إسمي !!!!
هذا القاري حق منو؟؟؟؟ أحاول أقره الإسم ما عرفت ، أكو أحد إسمه ماجده مان !!!! من طقت بات مان ... منو هاذي ؟؟؟؟ رفيجت إختي ؟؟؟ ما أعرف وحده إسمها جذي ، و انادي خدامتنا ، الله يعافيج read for me shino maktoob ؟ و تقره... محنا عارفين ، يالله بعدين حرف حرف لما إستوعبت مكتوب ( عيد ميلاد سعيد مقدما ) ويييييه طلعت روحي ، أوكي طلع صح القاري حقي :)

شكرا يا أختي العزيزه ، فكيتيني من المشتره

هناك 12 تعليقًا:

snow يقول...

كل عام وانتي بخير مقدما mastar وانشالله تكسرينه بالعافيه:)

5ermesS يقول...

LOL :D
Happy birthday majda man

I mean Moqadaman :P

غير معرف يقول...

chna el gary g9heer?:P

Manal يقول...

have fun

happy birthday

the best time in kuwait is this
winter
with the cooool weather

:)

DoDoq8 يقول...

wanasa

:)


b`7a6ree arkb 8are

Cat يقول...

how cute of her :)

testahlain

المباركية يقول...

كل عام اونتي بخير
ذكرتيني بـ قاريي قاطه بالقاري ما ادري عنه اله لما اروح الخيران

fatto يقول...

لووووووووول .. الظاهر من الوناسه ماقدرتي تقرين اشمكتوب :)

Om MoD يقول...

كل عام وأنتي بخير مقدما ...

وأحلى شي لما تكون الهدية شي محتاجته ..بس مثل ما قالت غير معرف جنه القاري صغير ..

وعليج بالعافية :)

master يقول...

مشكورين كلكم

و غير معرف ... صح القاري شكله صغير بس تره زين كبري يبيله بس أرفع إيده شوي

Ghadoor يقول...

لووووووووووووول
واي موتيني من الضحك
ماجده مان عاد !!
لوووول

kAiKa-MGroMa يقول...

cool gift

lol wa'97a MOQADAMAN @@!

D=.