السبت، 22 نوفمبر 2008

معرض الكتـــــ33 ــــــــــاب

زرت المعرض امس ووايد كتب عجبتني بس اغلب اللي شريتهم كتب تعليميه للاطفال ، اخذ جم كتاب حق بنوتي لانها ماشالله عليها حافظه الارقام من الواحد لين العشرة وبعض احرف الانجليزية وشي الأحلى انها تحب الرسم فحبيت اشجعها واخليها تستمر وانشالله التعب هذا ييب نتيجه ، عاد شريتم من قسم الكتب المصرية واللبنانية مثل ما قالت sun shine .



بس الصراحة اللي شدني واخذ عقلي اللوحات اللي معروضة بالمعرض صج فن وكل ما وقفت جدام لوحه اقعد اتملها واقول بقلبي متى اوصل للمستوى هذا بالرسم ، المهم اتمنى تعجبكم !!



لوحات بالألوان الزيتيه


لوحه بالفحم


هذي اللوحه اللى ماقدرت القالها اي تعليق مع ان الموجود ويه واحد بس ليش كل هذين الأيادي !!!!

في احد عنده تعلبق لها ؟



هناك 6 تعليقات:

Manal يقول...

اجمل لوحة الي بالفحم الصراحة

:)

snow يقول...

Manal:
احب الرسم بس اللي استخدمه الفحم والرصاص واحيانا الالوان المائيه اما الزيت لين يومي هذا وانا ما اعرف ادمج الألوان :)
فانشالله اخذ دوره بالرسم بشكل عام.

Om MoD يقول...

توني أدري إنج ترسمين ... ورينا رسماتج ضروري :)

Manal يقول...

ان شاء الله

موفقة

والرسم مافي احلى منه للتعبير عما في داخل الانسان

دمتي بخير امورة
:)

fatto يقول...

شوقتيني ارسم .. من زماااان مارسمت من 2006 :) الهامي وايد طول هالمرخ مادري متى اييني مره ثانيه :) لووول

Abdullah يقول...

سنو..
الرسمة الأخيرة جمالها خلاب !
أعطتني إحساس بأن هذا الرجل ضاعت شخصيته بين الناس ، فبدوا يتدخلون في حياته وشخصيته .. حتى كونوا له هذا الشكل ..
أو لعل تعلق الإنسان برواسب من العادات والتقاليد ..
جدا ملهمة اللوحة هذي ..
ممكن نعرف الفنان؟