على يوم كنت رايحه by malene birger في المارينا و شفت بلوزه بيج و طرفها من تحت وردي ، الخياط ما كان ذاك الزود و سعرها كلش ما يسوه ، تقريبا 60 - 70 دينار . قلت في نفسي ليش ما أروح زارا أشتري لي شي سادا و أسوي في نفس الموديل . بعد جم يوم أختي و الماما ، الله يعافيهم راحوا البلوكات و شروا لي مجموعه من الأقمشه عشان أركبها على أي شي أبي ، بس حسافه ما كان أكو وردي حلو ... و النتيجه بالصور
هناك 5 تعليقات:
حلووووو وتقطعينه بالعافيه
ام خالد
حلو الازرق الي دخلتيه
:)
هل كل شغل هذا وصل سعر اللي شفتيه
D=.
الخياط ما شاء الله حلو
وين هالخياط ممكن تعطينه عنوانه
زهقت من الخياطين اللي اروحلهم كل مرة يخربونلي خاماتي
kaika magroma:
جنه النفنوف طلع بـ 25 دينار او 30 بس اكيد ما يوصل 60
غير معرف:
تره النفنوف من Zara انا بس زدت الأزرق من تحت .
المهم إذا تبين عنوان الخياط ، لأن صج زين ، وهو كالتالي:
السالميه القديمه ، وين المطافي لفي يمين بعد الإشاره و كملي شويه سيده يكون على يمينج إسمه roshiya
رقم التلفون : 9382074 - 9104874
إرسال تعليق