الاثنين، 24 نوفمبر 2008

تحذير ... جمعيه قرطبه محاصره...

جمعيه قرطبه محاصره من قبل البياعات من جميع الجهات ، تحذير... لحد يروح هناك إلا مضطر، انا واقفه صوب الشامبو ، إلتموا علي 3 ، وحده بتبيعني شامبو و الثانيه معجون تبييض و الثالثه كريم ، ولما نحشت منهم جان تطلع رابعه بويهي و تقولي جربي الكريم الفلاني ، مأساه ، أروح صوب العصير و الحليب أكو 3 ، زبادي و organic food و و و ، و صوب اللحم و الدجاج المثلج وحده توها قاليه بطاط مادري وين و قاعده تاكل إهيه و يه رفيجاتها. مادري ليش عبالهم أكو أحد يشتري من وره هل البياعات ، شنو إنتوا تشترون ؟؟؟ الحنه تذبحكم و تستسلمون لهم ؟؟؟

هناك 9 تعليقات:

joy يقول...

ميرسي عالتحذير
انا من اساسه ماحبها الجمعية هالنوب هالشكل

اصلا انا البياعات اللي هييك حنة اول ما تجبّل علي رفعت ايدي انه جب
واذا ماتبي عمرها خلتنطق بكلمة لاتشووف شي ماشافته

عاد ويههي مايساعد يقربوون صووبي كله منفسة لانه روحة الجمعية بالنسبة لي ازعاج
اللا كارفوور احس اني مسافرة مو بالكوبت

Sn3a يقول...

سوي روحج تكلمين بالتلفون لين يعطونج الاجياس عند الكاشير

غير معرف يقول...

وييييييع انا ما اواطن هالبياعات ابد ...

لا حشى شخصيا ما اشتري من وراهم !!

و اذا ابي افتك من حنتهم على طول اقول لا شكرا (بصرامه) وأستن، ما اوقفلهم ولا اعطيهم ويه!

بعدين صراحةً هذيل ينفرون الواحد بدال ما يرغبونه !!

fatto يقول...

افف هذيل ماحبهم يبطون جبدي ونرفزوني

RoOra يقول...

واي نفس اليوم بجمعية كيفان مال التجميل فوق وحده قاطينها عند الكاشير حنة حنهههه مو طبيعيه و كل شوي تكسرلي رقبتها @@

snow يقول...

اف اكره شي بس انا اليعن اشوي وانشف لها ريجها وبعدها اقول لا مايلزمني او مومحتاجته :)

kazmawy يقول...

عاد انا مطيح بجمعية قرطبة بس البياعات يتلزقون بالحريم اكثر يدرون احنا مانعطيهم ويه ..لكن صج يغثون مسوين زحمة خاصة عند الثلاجات ..
ويبطون الجبد ساعات يقرقووووون :)

Ļa ƒéммé يقول...

صار فلم رعب مو تسوق

لوووووووووووول

غير معرف يقول...

اذا تقبلتني بياعه كلا اقولهم عنده منه قاعده استعمله واااايد حلو شغلكم الله يوفقكم وبس ترتاحين