السبت، 15 نوفمبر 2008

موقف مضحك وبنفس الوقت يلوع الجبد:)

يوم الاربعا كنا رايحين بيت وحده من الأهل والمسكينه اختي اللي اصغر مني كانت لاهيه بالحجي واليهال حواليها وما أشوف اللا عيني راحت على يبهتها وشي يتحرك وهي كل اشوي اتوخره بيدها وماني عارفه اشلون اقولها على شان لا صارخ لان وقتها كان عندهم دوانيه ومليانه رياييل والمشكله باب الدوانيه يم ممر الصاله اللي احنا فيها ... المهم ماقدرت اسكت لان ابروحي اخاف من الزهيوي طبعا بعد ما قمت من مكاني وصرت ابعيده قلتها على راسج ! طبعا قبل لااكمل كلامي صارخت ونطت من مكانها وخرعت اللى حواليها كلهم هذا بعد ماسبتني وبردت جبدها فيني :)
*وانا الشي اللي ذابحني بنوتي ماشالله عليها ماتخاف من اي شي وهي توها بتكمل السنتين واختي اللي اكبر منها ثلاث سنوات اتموت خوف من اي شي يتحرك وودي افهما بأن في حشرات مايصير تمسكها !!!
ليش ذكرت هالموضوع لان بنوتي في يوم كنت قاعده بيت اهلي يايتلي مستانه وبدها شي وتقولي ماما حرام حرام بوووه يون ارفعت ايدها ولا ماسكه زهيويه وييييع طبعا خواتي كل وحده بزاويا :)
فديروا بالكم على يهالكم وببشنوا يلعبون ...

هناك 9 تعليقات:

غير معرف يقول...

اعرف واحد يوم ياهل اهله دايم ياكلون تمر .. الحبيب كان عمره سنتين .. شاف زهيوي على باله تمره .. شاله و رايح موديه حق ابوه .. يقوله انه لقى تمره يعني .. ابوه على طول قاله عفيه على الشاطر .. بس لا تاكلها .. حطها على الارض
و بعد ما حطه على الارض .. ابوه شال النعال و شدخ الزهيوي .. و قعد يعلم الياهل شنو الفرق بين التمر و الزهيوي
لول

غير معرف يقول...

هههههههه وبنتج يوم يابتلج الزهيوي
كانت فاقصته ولا ومحافظه على المكونات الداخليه اللي فيه

<----- نفس الحال حصل مع اخوه بس كان فاقص المخلوق .. المسكين اليوم كله محد باسه

sun shine يقول...

الله لا لايحطنا بنفس الموقف

fatto يقول...

اكره شي بالدنيا الزهييييويييي ويييييييييييييييييييييييييييييييييييييييييييييييييييييييع اكرهه

DoDoq8 يقول...

لووول


لاتخافين بنتج راح تكبر وتخااف

امبيه اكرهم

snow يقول...

SINFULEYE
اصدق بانه بنوتي اتموت على التمر عاد مو يوم من الايام اسوي هالحركه ؛)
عبدالرحمن :
انا لو شنو يصير ما احاول او اجرأ اذبحه باي طريقة لانه راح يلوع جبدي.
sun shine :
انشالله
fatto :
واللي يلوع الجبد زيادة الصود وهمه يذبحونه :(
dodoq8 :
عاد بالعكس احسها طالعه علي بالشي هذا لاني احب الحيوانات بس هي بزياده :)

SNoW White يقول...

weeeeeeeeeeeeeeee3 ma a7eeb lezheeweee akraha thakarteeny leema Kent 9'3eera mesha 3ala reely ezheewee oo gomt anagez oo a9are'7 agool 7ag lezheewee wa'7eer wa'7eer oo bent 3amety maita 3aleei mn e'6e7ek etgool ya3ny ebyefham ga3da et9ar'7een 3aleeh etgooleela wa'7eer
LoooooooooooooL
;)))))))))))))))

Manal يقول...

وييييييييييييييييييع

انا ما اتحمل شكله
لو بصورة

بس ترا اليهال عالم ثاني

ما يعرفون
ما يدرون
واي كربونها حياتي والله على الي شايلتة بيدها وتقول حرام

الله يحفظها الهي
:)

kazmawy يقول...

انتو وايد ظالمين الزهيوية
لووووووووووووووووووووووول
:)