الأربعاء، 12 نوفمبر 2008

كاسكونا


عندنا كاسكو .. بس كنت بسأل اذا احد عنده فكره .. اشلون انسبحه ؟؟ واشلون اندربه يتكلم ؟؟ واشلون يسمع كلامنه اذا قلناله امش ويلا اوقف ؟؟ بس فالحلي اذا وحده مرت يمه صفرلها تصفيره التحرش .. عرفتوها .. لو أقدر احط الصوت جان حطيت :) كاسكونا عينه زايغه وصايع :) عيل في سؤال اخير .. اشلون انربيه يسيير تكانه ؟؟؟ :) لووول .

هناك 17 تعليقًا:

joe يقول...

مبروك عليكم الكاسكو
اهم شي اليهال لايطقونه ولا يتحرشون فيه :P
ثانيا من وحي خبرتي السابقه عن الكواسكو و هذي معلومه ماخذها من لكبار يقولون تكلمو بحيث انه الكاسكو مايشوفكم
لوول هذي شوي صعبه تتأمرون عليه يمكن لازم يكون من صغره

ما انصح انكم تسبحونه الحين الجو يصير بارد و يمكن يطيح عليكم يفنقش اذا كلش كلش بالرش مال الماي رشو عليه

يعطيج العافية

Sn3a يقول...

عمتي سافرت بالصيف وكاسكوها كان عندنا
ومايتكلم ببيتنا حاس بغربه
اخر ايام شقاعد يقول؟
اسم شغالتنا من كثر ماكنا نناديها الله يذكرها بالخير لول

والله ماني عارفه طريقه التعامل شلون
بس التكرار يعلم الشطار والكاسكوات

غير معرف يقول...

شالكاسكو اللي عينه زاايغه !!
ديرو بالكم لما تتكلمون جدامه .. اذا ما تبونه يحفظ اي كلام و خرابيط .. لا تكررون جدامه اي كلام
في واحد اعرفه عنده كاسكو مستعد يعطيه حق اي احد ببلاش
لانه كان حاطه بالدوانيه .. و كله يسبون جدامه و يصارخون من لعب الكوت
تعلم يسب .. مو اي سبه .. لأ السبات اللي تخرع
يعني المسكين يقول الكاسكو لسانه صاار وصخ .. و بس يسب .. و يسب بعصبيه بعد !!
الله يخليه لكم .. و لا تسبحونه اللحين ترا برد عليه !

master يقول...

رفيجت إختي عندهم كاسكو حاطينه بره بالحوش يقلد صوت سياره الزباله ، لمه تمر الفير يم بيتهم :)

Salah يقول...

هذا كاسكونا اللي ضاع قبل جم شهر!

وين لقيتيه؟

ابوالوليد يقول...

كاسكوكم ذكرني بالوليد
:)
وهذا الدليل شوفوا المقطع


http://www.youtube.com/watch?v=_TkBG7Iy1jg


واذا عرفتوا الحل لكاسكوكم قولولي أطبقه على الوليد :)

Manal يقول...

ذكرني بكاسكو بيت يدتي

:)

غير معرف يقول...

على الأقل لقيتوا واحد يعبركم جان زين عندي واحد يعبرني حتى لو كان طير ):

جاردينيا 2000 يقول...

اخاف هذا كاسكوي اي بعتاه .هههههههه
وصلكم ..بس انا كان يسلم بعد هلو وسلام اذا اقول جذي هذا اهوى ..وكان كل ما ادش يصوفرلي ..واذا قربت اطلع ايده جنا بمسكني علشان جذي خفت وبعته
قلت يا اهوى ذكر يتحرش او انثى غيران هههه في مواقع ومنتديات تتكلم عن تربيه الكواسكو دوريها وايد وفي منتديات مثل منتدى اكويتيات في قسم لتربيه الحيوانات ..اعتبريه بيبي اتربينه وتعلمينه الكلام

غير معرف يقول...

كل يوم سمعه مقطع قتيبة الغانم على اليوتوب عشان يتعلم سقول:

خــااااااااااااااااااالــصصصصصص!!!

malak يقول...

يحلااااااااااااااااااته


يتربى بعزكم

بالنسبه حق السباحه المفروض رشاش ماي صغير ترشين عليه بس لا تحوشين ويهه


و بالنسبه حق تدريبه عالكلام لازم يكون بغرفه مافي مصدر ازعاج لا يهال و لا تلفزيون عشان يتكلم عدل و احسن طريقه انج تسجلين الكلمه اللي تبينه يقولها بالتلفون و تعيدينها كذا مره طول اليوم لين يقولها


شنو سميتوه :D?

fatto يقول...

كويت ماستر :
الله يبارك فيج :) ماعندنا يهال لاتحاتين.. بس انتكلم ومايشوفنا ضحكتني :) عيل ننطر الصيف لايفنقش علينا على قولتج :) لووووول
___________________________________

سنعه :
لووووووووووول

__________________________________

سنفوليه :

لووووووووووووول .. هالكاسكو صك على كاسكونه بالخراب :)

__________________________________


ماستر :
لوووووووول .. موتيني ضحك والله

__________________________________

صلاح :

لووووول .. اشلون انحاش ؟ وين حاطينه ؟ :)
_________________________________

ابو وليد :

ماشفته الحين راح اشوفه :)
___________________________________

منال :
والله جنه كل بيت طلع في كاسكو :)
___________________________________

غير معرف :

وااي كسرتي اوكسرت خاطري .. ليش عسى ماشر .

__________________________________

جاردينيا :

لووووول .. لا كاسكوج يخرع يمعوده .

_________________________________

غير معرف :

مادري منو قتيبه الغانم .. بس راح اسمعه :)
___________________________________

ملاك :
مشكوره عالنصايح :) ومومسمينه .. اناديه كاسكو وبس :)

Om MoD يقول...

شالكاسكو اللي ما يستحي صج صايع ...

بس أنا أشوف أخوي يحطه يمنه بس يغطيه بشرشف عشان ما يشوف بس يسمع ويكرر عليه الكلمة اللي يبيه يقولها ...

بس صار له ومده ما أشوفه ما أدري نطق ولا بعد ..

وبعدين حرام مسكين ألحين الجو بارد لا تسبحونه وما عندي فكره أصلا شلون يسبحونه :)

غير معرف يقول...

http://www.netpets.com/birds/reference/behavioral/gryart2.html



خاااااااااااااالــــــصصصصصص!!

bhr.qadsaweya يقول...

انا عندي خبره 12 سنة<< عمر
مولازم تغطينه عشان يتكلم
اهوه بروحه اذا حب شخص بالبيت تلاقي من يطوف يصفر و يتحجى
احنا كاسكونا من يشوف احد يصلي يقول الله اكبر
واذا يوصل ابوي البيت يقول زهره يه البابا (زهره اسم اختي))
ويقلد صوت القطاوة
بس عمرنا ما سبحناه اهوه بروحه يتسبح بالماي الي نحطه عشان يشربه
ويعطيج العافية

fatto يقول...

اهلين بحرينيه :) يعني كاسكوكم مسلم :) لووول .. مشكوره عالمعلومه :)

gaFsHa ;p يقول...

ويه ذكرتيني ابـ كساكونا الله يرحمه

عندنا اياه من قبل لا انولد لووول
بس مات الله يرحمه قبل 3 سنين يمكن نسيت والله متى خخخ

كان يقلد صوت ابوي لوول
و ابوي كله يقول "فكي الباب" لووووووووول
و اول ما ندش البيت يقول السلام عليكم
بس مسكين عقب الغزو
ريشه حت مادري من شنو :\

و كنت قبل كله اقول احك راسك احك راسك و يقرب راسه من االقفص و احكه خخخ
بس يخرع كان كنت اخاف يعضني لووول
مفترس مره عاض صبع الخدامه لول..