الأحد، 9 نوفمبر 2008

في سوق المباركيه ياعيال الحجيه

أمس رحت سوق المباركيه .. على بونه الجو حلو قلنه خن انتعشى بره بالمطاعم .. والله كان برد اشوي اشوه ان امي يايبه شالات معاهه حق اذا صار برد .. والله قعدنه وهبصنه لمن طفحنه .. طبعا كل شي موجود من اكل كويتي ومصري وايراني .. وذا طلبتو جاي اييبولكم وياه فحم .. الصراحه شغل عدل :) الي مو رايح يروح .. أخاف بعضكم مايحب هالقعدات انا نوعي كل شي شعبي أحبه .. المهم عقب ماهبصنه طحنه على محل عطورات اسمه ( اسامه حسين دشتي ) يعطيكم العطورات بس ابعلب بخاخ على دينار ونص والعطر على قولته أصلي موتقليد وقوي ومركز .. انا طلبتلي سان لوران والين .وطبعا سان لوران اليديد على 30 د.ك وانه خذيته اب 1.500 د.ك .. وعنده لوشنات على عطر همن ريحتهم حلوه .. لاتسإلوني وين بالضبط لأني ما أعرف أدلي والله . بس اهو يكون بره صوب المطاعم في ممر طويل .. اشرايكم فيني وانه أدلي :)



هالعطر البنفسجي عطري المفضل ( الين ) والي يمه تبع المحل


اكل الفلبن ( زوري امجفف ) :) من الحواي

هناك 8 تعليقات:

Mr. Solutions يقول...

عفوا هذا مو ميد
هذا إسمونة متوت إلي إسوون منه المهياوة- ؛)

joe يقول...

انا برمضان قبل العيد رحت سوق المباركيه الصراحة و ناسة احلى من الافنيووز ماشاء الله السوق مايخلص وخاصه اذا كان مع الاهل و من مطاعم المباركية ايباااه

** قوية احلى من الافنيووز

Sn3a يقول...

امس بغينا نروح بس امي تعبت من فراره الافنيوز

عاد شلون العطورات؟

DoDoq8 يقول...

ايي ذيك اليوم اهلي كانو اهناك فيه مطعم اسمه دلق سهيل عجيب اهناك :)


المهم لو رايحه سوق السلاح مال العطور راح تستانسين اكثر

اصلييين ويدد بس من غير كرتوون والاسعار احلى

master يقول...

:) والله عبالي آخر صوره بخور

جاردينيا 2000 يقول...

حسبي الله على ابليسج ..ليش الصوره الثانيه ..جان اكتفيتي بالاولى..كنت قاعده اتعشى ..اقلبت جبدي
بس يبيله اروح انا ولا مره كليت اهناك

q8mirror يقول...

خوش بوست.تسلم ايدك..

راحت اختي الصغيرة تدور محل العطور ماعرفت وصفك..

وين صاير يم اي مطعم؟

fatto يقول...

مستر سلوشن :
متوت ؟ عجبني الاسم :)


كويت ماستر :
لووووول :) والله وناسه اهناك كل مكتن لاجوه .


سنعه :
العطورات عجيبه والله قويه ونفس الاصلي بالضبط .. وهو يقول اصلي


دودو:

والله يبيله افراره اهناك :) ونك نيمج ايوعني :) لأن في مطعم اسمه دودو بالسالميه يبيع صمونه فلافل عجيييبه .. عرفتيه :)


ماستر :
لووووووول .. مومبين شنو عدل ؟


جاردينيا :

لووووول .. لايطوفج القعده حلوه ابهالجو


كويت ميرور :

خلي مطعم كناري على يسارج راح تلقين ممر طوييييل امشي فيه لمن تلقينه على يسارج :)