السبت، 11 أبريل 2009

Dry Foods

قبل فترة كنا نسولف أنا وحماتي شنو ناكل عالريوق شنو ما ناكل ..وعن الريجيم وهالسوالف ..جان تقولي عن وحده تسوي خلطات جبن وزيتون وأنا غرامي هالسوالف على طول خذيت الرقم منها ودقيت عليهم ..
أنا : ألو ..السلام عليكم ..أنا سمعت انكم تسوون زيتون وجبن ..
ردت علي وقالت : وعليكم السلام .إي والله وعندنا بعد فواكة وخضار مجففة ...
وسألتها عن نوع الجبن اللي يستعملونه ..قالت لي : جبن خالي الدسم ..
عاد ماكو جم يوم وخذيت خالتي أم زوجي ورحت ..امبيه شنو أشتري شنو أخلي ..ما شاء الله عليهم عندهم أنواع واشكال كل شي يسوون.. والحلو إنه كله شغل بيت ..
جبن بالخلطة ويكون معاه طماط مجفف وزيتون وآوريغانو..وطماط مجفف بالزيت وبدون زيت..وزيتون هم له خلطة ..وبهارات أشكال والوان حق الدياي واللحم والسمج...واناناس مجفف ..ويسوون قمردين ( توت -فراوله-كيوي-مشمش...وغيره ما اتذكر)
وهم بعد عندهم شغلات حق تتبيل الدياي واللحم و مثل صلصة الاناناس وغيرها يعني ما شاء الله شغل مرتب ونظيف والأسعار مناسبة تتراوح من 1.750 د.ك لغاية 3.750 د.ك..
اللي يحب يجرب شي من عنهم يقدر يدق على هالرقم : 99612274
وعنوانهم : الجابرية ق 12 ش 1 م 363
موفقين وإلى الأمام...


هذا اللي شريته منهم ..وبصراحة اللي ترد على التلفون نفسها وايد حلوة وحبوبه ..انصحكم تجربون منتجاتهم :)

هناك 14 تعليقًا:

بريتني سبيرز يقول...

http://antihack-protect.blogspot.com/

fatto يقول...

ياحبج حق البهارات :) .. عاد كلش مولايق اتدشين المطبخ .. مادري ليش ويهج مايوحي .

Om MoD يقول...

ليش عاد ..

أنا ما احب بس البهارات أموت عالاكل وخصوصا اللي فيه فناتق ..

آآآآآآآآآآخ..

عاد أنا قسمت ..وما أدري شبسوي بعمري :)

حياتي هدف مو عبث يقول...

صرت يوعانة
:(

غير معرف يقول...

أنا بعد

حدي يووووووووووووعانه

bent el deera يقول...

ام مود الله يسامحج ودي استاذن من دوامي واروح لها

عاد بنت الديره وبهارات .. قطو طقوه بمصير ههههه

عليكم بالف وستميه عافيه يا رب :>
وميغسي جدا ياختي على الخبر :*

Pearl يقول...

عليج بالف عافية ..
واي ام مود .. حدة شوقتيني على ريوق الدوام .. :)
يالله عن قريب نلتقي :)

Paris يقول...

مادري احسن انه الخلطة الي مكتوب عليها خلطة المانية مثل الي تشتريها امي من الحواج يبيعون مثلها و ع الجنه بالزيتون عندنا اهني بالمحرق مصنع يسوي اشياء جذي حلوة

يعني شنو قمردين ؟؟
يعني جام ؟

Om MoD يقول...

حياتي هدف مو عبث :

:) ..لوووووول

حياج عندنا واللي تبينه بتلقينه :)


Momentum :

بروحه الصورة اللي حاطتها تيوع ..

هالمرة تحجيت عن الكل :)
لووووووووووووووول


bent el deera :

ليش لأ .. روحي ..والله لا يفوتج يمكن تلقين عندها أشياء تحبينها وتحتاجينها :)

والله يعافيج حبيبتي ..

Pearl :

الله يعافيج حبيبتي ..

والله إحنا اللي اشتقنا لج ..

Paris :

صج والله ..

البهارات شكلها يتشابه ..

إي مصنع الجزيرة صح بالمحرق أهو اللي يسوي هالشغلات ..شاريه منه أفا عليج بس ..

والجام = قمردين صح :)

بانتظار ردتج ..

darkness يقول...

عليكم بالعافيه

و منازل العافيه يا رب

:)

Om MoD يقول...

darrkness :

الله يعافيج حبيبتي ..

:)


...............

في خطأ مطبعي ..

بانتظار ردتج ..حق pearl لوووول ما أدري ليش طلعت عند paris >>:)

bhr.qadsaweya يقول...

عليج بالعافية عد قلبي
ومطرح ما يسري يمري

__
احنا قمر الدين عندنا حلاو مو جام
في حموضة شوي ايي على صبار و مشمش بس موب جام

يعطيج العافية

fatto يقول...

امي الحين ابهالوقت تحت بالسرداب مع رفيجاتها .. امي اطلبتلهم كذا نوع منهم وقاعدين يتعشون فيه :) مشكوره يا ام مود على شغلاتج الغريبه :) وعليكم بالعافيه يارفيجات امي :)

Om MoD يقول...

bhr.qadsaweya :

الله يعافيج حبيبتي ..

وشكرا للمعلومة :)


fatto :

عليهم بألف عافية ..

وتصدقين استانست ..جني انا اللي ابيع ..لووووووووول:)

والعفو ولو حاضرين :)