الثلاثاء، 14 أبريل، 2009

نتيجة الشيلات

من قبل جم يوم كنت كاتبه عن شلون ترتبون شيلاتكم ؟ و طلعت النتيجه إن اغلب البنات يحطونهم في علاق الدوائر مال الكرفتات من IKEA (الصوره تحت)



هذي صوره من fatto شلون حاطه الشيلات

و صوره ثانيه حق البنات إللي سألو شلون يرتبون جناطهم

Zeezoo أحد القارئات
تقول تعلقهم بهذي الطريقه


فتقول شافت أحد البنات شارين هذا العلاق من دايسو و مركبينه على الكبت
حلو أنا عجبني هذا أكثر
مثل ما قالت ما يعفس اللفه
و سلامتكم
update
دايسو كان موجود بالشويخ ، صكو او بالأصح هدموا ألحين موجود بسوق السالميه أنا ما شفته بس قالولي صار هناك

هناك 22 تعليقًا:

Sn3a يقول...

انا استخدم علاق ايكيا
بس ادخل الشيله بدائره
واطلعها من الدائره اللي تحتها
بس طريقه الجناط ابي غيرها
خصوصا الجناط اللي ايون بدست باق حرام نعلقهم جذيه جنهم معتقلين بابو غريب:(

غير معرف يقول...

بالنسبة حق الشيلات: انا اعلقها بعلاق الحديد العادي بس مال المصبغة لأنهم يحطون فيه كرتونه تمنع الشيله انها تتعفس وما واجهت مشكلة بهالشي أبد

بالنسبه حق الجناط: اول كنت اعاني بس عقب قسمت كبتي عند نجار ويحط له ارفف جدا قصار بحيث كل رف يصير فيه جم جنطه"أدري مافهمتوا" بس تقريبا نفس طريقة عرضهم بالمحلات .. كنت كل ما أدش محل جناط أعاين دزاينات الأرفف لمن طحت لي على اللي يعجبني =)

maci يقول...

dayso shno? ma a3rfah wein 9ayr? merci awi

ShaymoOona يقول...

انا استخدم العلاليق الصغار بس هم اتعفسووون :( و اخرتها قمت اقطهم بالدرج وكلما بغيت طلعت وكويييتلي شيله :(

Sweet Revenge يقول...

والله خوش افكار بالعافية عليكم
ياحلو الترتيب والمرتبين :)

ShLaLaT يقول...

بالنسبه لي
انا احط لفاتي بعلاق مثل دايسو
بس اهو ياي مع الكبت مفصلته

والامطات احطها ب مال الكرفتات مال ايكيا

وايد مريح بس ما يصلح حق شيلات
يصلح حق اشياء صغيره

kazmawy يقول...

احلي شي مالت نون النسا هي مرتبة اكثر
في بنات عندهم كبت خاص حق الحجابات وماشابه
الشوفنير علي قولتهم
"))

نون النساء يقول...

حلو علاق ايكيا
بس مو عملي

الملافع بتصير فيهم كسرة بالنص ولازم اوتي



عاد سألت عن دايسو محد يعرف مكانه بالضبط وين ..

غميضه X_X

Pearl يقول...

ماشاءالله عليكم .. افكاركم وايد حلوة
و وايد استفدت ..
راح اغير طريقتي بالنسبة للفات و الجناط ..
بس يستمر السؤال وين صاير دايسو ؟؟
:)

غير معرف يقول...

دايسو بالشويخ
اتوقع يم ترو فاليو قبل ؟
أو اي تو زد
شي جذي
نسيت وين بالضبط بس هناك :x

eva

cup cake يقول...

السلام
بصراحه فكرةنون النساء وايد اعجبتني:)


يالنسبه حق دايسو في بسوق السالميه داخل ستي سنتر عند قسم الملابس وفي بعد بالفروانيه بمجمع مغاتير و واحد ثاني يم جمعيه الفروانيه

رورو الشخبوطه يقول...

السلام..

مثل ماقالت اختي دايسو بستي سنتر السالميه وموجود بالفروانيه واختي تقول بيفتحونه بالجهرا..

وانا لي الحين مو لاقيه شغله لملافعي..

مشكوره..

fatto يقول...

دايسو ارتب شي .. لازم اروح اشتري منه .. شكرا يا نون من النساء :)

أحمد الحيدر يقول...

مالي علاقة بالموضوع كوني مو من نون النساء ;p

بس يقولون إحدى البنات مو أحد البنات ..

اللهم إلا إذا كاتبة الموضوع مثلي عيمية يحقلها تقط بدليات :))

نون النساء يقول...

العفووووووووووو

ولو


انا كانت عاجبتني فكرة البنت وقلت اشارككم فيها بعد

طز بالرجالة يقول...

شنو ليش معلقه الجناط جذيه حرام كأنهم في مسلخ
اقط شي و شوايات علا جنطه بعدين اقصبها و علقها من رقبتها؟

Ra7aLaH يقول...

Daisow mawjod bel farwaneya ba3ad!

Momentum يقول...

خوش فكره حق ترتيب الجناط الحين انا افتكيت من هالمشكله مادري شنو كنت اسوي فيهم

يعطيكم العافية على البوست و الحلول

مركبنا يقول...

http://picasaweb.google.com/TarTeeeB/VejuOI#5278143311029000914

خوش علاليق

غير معرف يقول...

دشيت موقع اخت نون النساء أبي أشوف العلاليق من دايسو .... ما لقيت شئ....قلبت الموقع كله ما لقيت شئ.......help يا بنات


فطوووم

ME يقول...

fa6oom
esora ele foog esmha ehya sorat el 3alaleeg

غير معرف يقول...

بس بقول شغله
اول شي سلام عليكم لوول

بس طريقة تعليق الجناط غلططططططططط

الجنطه ماتعلق من القضبه لانها تنمجع مع الوقت .. لازم اتقعد

بس ويعطيج العافيه وشكرااا

قطوه