السبت، 4 أبريل، 2009

مكياج ياهوله اتهولي


ذيك المره انا رايحه الصالون .. وجان زين مارحت والله ظاق خلقي علي الي يسوونه البنات بويوهم أقصد ( تلطخ المكياج ) على غير معنى وسنع .. اخرعوووووووووون انا لبنيه خفت فما بالج الريال الي بتجابله .. المشكله لمن يطلعون من غرفه المكياج ( فرحانين اوي ) على شنو تكفووون .. والله بدون مبالغه طبعا انتو شايفينهم موبس انا .. اهي سمره اوحنطاويه حاطتلها كريم اساس ابيض .. اببببببيض ... ليييش ؟؟ كاسبر ؟؟؟ وفي وحده هم جذي كل الالوان الي بدنيا حاطتهم ابعينها وطاقه دوره بالكحل .. الي بكبر عينه حبايبي موبخبال .. والله اشزينكم بالمكياج البسيط والناعم الي يطلع اويوهكم شزينهه .. الي الواحد اذا يتغزل يتغزل ابذرابه ومدح موذم .. وفي وحده شفتها على بونهه عروس .. بس انا موقاعد اشوف عروس جدامي قاعد اشوف اراقوووز ... الله يعينك يازوجها مادري اشلون بتجابلها بالكوشه جم ساعه .. اصلا هذا ويهي اذا عرفها .

مكياج ياهوله تهولي

حسافه مالقيت صوره الي شفتهم بالواقع هالصوره والاشي والله

هذا الفاونديشن الابيض .. والله حتن البيضه ماتحط هاللون

الي بخاطره يحط .. يحط جذي الله يخليكم .. بلا تخرع وتصروع بالناس

هناك 24 تعليقًا:

RoOra يقول...

LOL chne chaket al9alOn ale 7a6a feh;P

Q8EL5AIR يقول...

اولا :
مارديتي علي بالبوست الي طاف !! :(


ثانيا :

انا شخصيا عندي نظرة شوي غريبة عن الناس بالنسبة للمكياج ..
نظرتي .. انه كلما زاد التلطخ بالمكياج .. = .. قلة الجمال والثقة !!

مادري ليش احس جذي !!



وتحياتي ..
ويسلمواااااااااااااااااااا :)

ANGEL HEART يقول...

عالاقل شفتيهم بالصالون انا اشوفهم بالكليات وبالمحاضرات والامتحانات والدوامات من لصببح!!

اهي حريه شخصيه بس هم المبالغه مو حلوه ومضره للذوق العام

الصوره اللي حاطتها اخر وحده الميك اب حلو بس احسه شوي اوفر مو حق كل وقت بدون الشدو ارتب :)

TheGirlWithKaleidoscopeEyes يقول...

Eeh wallah, whatever happened to "less is more"?

مركبنا يقول...

وااااااااااااااي ضيم

وعلى قولتج كل شئ ولا وقت الدوام تشوفين الاحمر والاخضر والضيم الاسود !!!

لا وبعد كرستال فوق الحواجب يالله صباح خير

TruTh يقول...

امبيه شنو ما اداني المكياج الثقيل
من قلب وييييييع
حلاته الوحدة تكون قريبة من شكلها الطبيعي مو تصير انسانة ثانية لا و فوق هذا فعلا عدل كلامج تصير ويوههم تخرع من كثر التهوّل
ماكو احلى من البساطة ^_^

kazmawy يقول...

الثانية عجيبة ناعمة وطبيعية بس وين الي يفهم
اقصد الي تفهم"(**&

غير معرف يقول...

حلاة الواحد إذا بخطب يشرط على اللي بخطبها إن يشوفها بدون مكياج بتاتاً علشان يشوفها على حقيقتها وإذا وافق عليها بدون مكياج راح تطلع قمر بعد المكياج الخفيف وله شاريكم ؟

fatto يقول...

رورا :
هالا والله ابرورا وهالا ابقصصج العجيبه :) ام مود ماتكلم الا عنج وعن قصصج الحلوه :)
قولي اي صالوون ؟؟ عادي ترى مافيها شي :)

fatto يقول...

كويت الخير :
اي بوست قاعد اجيك على بوستاتي القدم .. انا رديت عليك فيهم !! اي واحد تقصد ؟؟ والايهمك الحين اجيك مره ثانيه .. كلشي والا زعلك :)


موتحس جذي .. اصلا اكيييد جذي . انا 100% معاااك :)



angel heart
واااي من له خلق من صباح الله خير يلطخ ابويها هالكثر .. متى يقومون من النوم .. انا سمعت من ال5 الفير يقومون عشان يحطوم مكياج وبففون شعرهم .. عبالهم رايحبين عرس مو جامعه .. والله مساكين هذيل يكسرون خاطري . وبالنسبه للصوره على قولتج بدون شدو اكيد احلا .. بس انا اقصد الي ابخاطره يحط شدو يحط جذي مو جذاااك :)


مركبنا :
اشسالفه الكرستال ؟؟؟؟؟؟ يعني شنو فوق الحواجب ؟؟؟ @_@ لاتصدموني اكثر الله يخليكم شنو هذا بعد ؟؟



truth
هذي الي انا ابي اوصله .. انها اتكون نس ويها ماتغير شي .. بس الي يحطون ويتغير اويوهم 180 درجه .. الصراحه الله يعينهم على نفسهم .




كظماوي :
هالابكظماوي هالا بالمزيون :) والله قمت اشك فيك يالمزيون .. جنك قمت اتخوره حبتين :) لوووووووول
لاتنسى انك ( بودي قاردنه ) والازم البودي قارد له مواصفات معينه .. مو مش حالك :) لووول .. لازم اتبيض اويوهنه :)




غير معرف :
انا معاك او معاج حرفيا :) لأن حرام والله في ناس انا سمعت عنهم اتطلقو ابسبه هالسالفه : ان يوم الخطبه ويوم العرس شافها ابمكياج نفس الي قتلكم عنه ( ياهوله تهولي ) ويوم ليله الدخله قسلت ويها قبل لاتنام ونصدم الريال المسكين .. راح حق امه اليوم الثاني جان يقولها : يمه ابي لبنيه الي خطبتها وينهي ؟؟؟ هذي الي عندي سمره وشكلها غير وانه الي شفتها بيضه !!!!! اثاري الاخت حيييل تلطخ بالكريم الاساس ابجسمها وويها .. اثاريها سمره وقاصه عالريال .. اخر شي طلقها .. اشتسوه عليها هلبنيه .. هبله ماتفكر انها في يوم راح يشوف انها جلحه وملحه .

ماقول الا الله يهداهم .

fatto يقول...

كويت الخير :
انت تقصد عن ( صحارى ) ؟؟؟؟؟
هذي مو انا الي كاتبه البوست .. هذي ( جاردينيا ) :) فإهي لازم اترد عليك مو أنا :) ولو أعرف جواب حق سؤالك .. جان رديت عليك افا عليك :)

Momentum يقول...

لوووول في كاتالوج شفت وحده شيفه اسوي ابلود على الصوره و اقولج

وبالنسبه لغير معروف

خوفك ينجبر فيها عباله اهيا الحين كلش جمال طبيعي بعدين لمن يتزوجون تبدي مسلسلات الرعب و تحط هالمكياج

عاد منيه يتدبس فيها عدل ;p

fatto يقول...

شوقتيني بالصوره .. دزيها لاتنسين .. ومسلسلات الرعب بعض المرات البنات يفصلون عليها مادري ليش :) لووول

Momentum يقول...

كاهي هالصورة

فاتوو اول شي سمي بالرحمن:

بس عاد انتي سوي لها روتيت انا مادري ليش طلعت جذي عندي

http://img5.imageshack.us/img5/8701/005rxc.jpg

انا عندي البوم كامل متروس هوول لازم ادز لج اياهم لووول

fatto يقول...

موراضيه اتبطل معاي الصفحه .. الظاهر ترتيب الموقع غلط الي كاتبته لي :(

جيكي عليه بلييز

Momentum يقول...
أزال المؤلف هذا التعليق.
Momentum يقول...

ولا يهمج فاتو

توني سويت اكاونت فوتوبوكيت عشانج

وهذول الصور بالألبوم:

http://s571.photobucket.com/albums/ss152/observednoise/

اي وحده تبينها بس حطي زر الفاره عليها بدون كليك تطلع لج قائمة سوي كوبي على الكوود وحطيه دايركت بالبوست او اذا بتشوفينها كلها

سوي كليك على Direct link & Copy
وسوي كوبي بيست حق الكود اللي فيه و حطيه بنافذه يديده تطلع لج كامله عاد منيه تسوين لها سييفينج

Momentum يقول...

اللينك كامل:

مختفي نصه بالكومينت

Click Here

fatto يقول...

مومنتوم :
مشكوره وايد عالصور :) .. بس الصراحه ظيييييييييييم يخرعووووون والا ام حمره صفره .. من صجهم يجابلون الاوادم فيه .. انزين مايخترعون من روحهم !!!!


والصوره الي حاطتها حلوه الكيكات

Momentum يقول...
أزال المؤلف هذا التعليق.
Momentum يقول...

أي الصورة اللي أنا كنت أبي أحطها لج أول شي قبل الألبوم اللي ما طلعت كانت آخر وحده أم الحمرة الصفرة

الكيكات هذول أنا مو راضيه أفهم شنو.. إسمهم macaron

بس ما أدري شنو أهما بالضبط و كليتهم بس ما عجبوني كلش

fatto يقول...

بس شكلهم يشششوق .. من وين طالبتهم .. هالاشكال من الكيك جنه ماينباعون عبالي بس زينه :) وين قوليلنه خن جرب .

Momentum يقول...

في بالراية أنا مع رفيجتي رحنا
Chocolate & Macaron

موجودين أشكال وايد و صغار

بس أقرب شي و أول مرة رحت كان بالمارينا كافيه Paul

بس اللي هناك كبار شوي تصدقين حتى مادري اذا لازم يصخنونهم او لأ لأنهم كانهم حدهم يابسين فاتو لازم تكتشفين و تقولين لي هالماكارون من أي كوكب و شصاير بالسالفه :P

أنطرج!!

لوووول

fatto يقول...

لووووول .. عاد هالمطعم الي بالرايه يمدحونه ويمدحون الدياي الي بالككاو .. خن اطلب الكيك والدياي مره وحده . واستفسر عن الماكارون مره وحده افا عليج لووووووول