السبت، 18 أبريل، 2009

التوت و المطرق والبرتقالي

بما أن الحين الساعه فوق ال12 بلليل فصباح الخير جميعا انشاءالله مستانسين بالويك اند :)

(التوت)
احنه بالويك اند انروح بيت بانينه خصيصا لعطلاتنه ..تقدرون اتقولون ( استراحه ) فزارعين ( شيَره توت ) فهذا الحين موسمها .. ومن جم يوم قاعدين ناكل منها بس انا احب اخلطه بالخلاط مع حليب وشكر وثلج ..( يعني توت ملك شيك ) أخخخخ يسير لذييييذ .. لو عندي صوره جان وريتكم اياه بس ماعليه متى ما اسوي احطلكم اياها :) .




التوت البنفسجي اهو الي ناظي ( yammmy )


هذا ولد بنت عمتي ( مرس التوت تمرس لووول )

v

v


v



(المطرق)
يمكن في بعضكم يسأل شنو المطرق ؟هذا نوع من أنواع الطيور وأعتقد ان هم هذا موسمهم .. مادري ترى ألفت :) المهم حاطين شبك اسمه ( الساليه ) على قوله أبوي االحبيب عشان انصيدهم .. لأنهم يحوسون عندنه فصدنه والله .. بس مساكين يكسرون الخاطر وهم حد الدعسه واخر شي بالشبك ..حسيت اني حمني اخوي على هالجمله ( حد الدعسه ) لووول المهم لأن مايبين الشبك والله مالومهم لو انا قاعد أمشي وانه مادري جان انصدت :) لووول اخليكم مع الصور .

هذا اخوي حمني .. طبعا غني عن التعريف :) .. وهذا الشبك ( الساليه ) شوفو الطير مسكين اشلون متدندل



وهنيه مع عمي قاعدين يعابلون فيه


وهذا الطير المسكين عقب الصيد .. مسكين مادري ليش زانطينه جذي .. اهو في روح يطير عقب هالقصه الي صارتله :) لووول

v

v

v

البرتقالي

انتو املاحظين ان اخوي وولد بنت عمتي ( اوله الاسم اشطوله :) ) وواحد مادري منو وراهم كلهم لابسين برتقالي .. الظاهر الموظه برتقالي .. وحتن لو مو الموضه برتقالي خن أخليها أنا موضه خن شوف شصير :) ودي انا الي أكون مسؤوله عن لون موضه هالصيف :) ساعدوني بس هالصيف والله .. ومن باجر بطلع بشوف لبستو ويلا لأ اذا مالبستو يويلكم :) لوول

هذي فصله اخر الليل ..قمت أخوره .. لأ ..حده يبيلي أنام .. تصبحون على خير

تحديث

حتن الكرسي الي بالصوره البعييييييد لونه برتقالي ..توني الاحظه لووول ... فلاااااا لازم لازم اتساعدوني ياناس عل البرتقالي

ودمتم سالمين :)

هناك 35 تعليقًا:

رورو الشخبوطه يقول...

السلام..

بالعافيه يارب التوت..

واخوج يشابه ولد خالي خخخ احسه من الاهل ..

الله يخليه لج يارب..

وضحكني بارت البرتقالي موضه..

خل ادور بكبتي عساس البسه وماتزفيني خخ..

مشكوره خوش بوست ماشاءالله..

{~المباركية~} يقول...

اخييه ذكرتيني في بيتنه الثاني الغالي مسوينه شاليه من ويك اند لي ويك اند نيله و حديقة حلوة وصوب مطعم هارديز يعني شغل عدل

و جاهز حق الاعروس والمناسبات لوول صالة افراح مو بيت

بالعافيه عليكم التوت

um_alzain يقول...

ياصباح التوت والمطرق
تبارك الرحمن
التوت يشوق
ياريت من يدليني بيتكم عشان اقطف من هل توت ,بس ياخوفي من الشبكه لاتصيدني

بوست جميل
بارك الله فيج

Sn3a يقول...

يشوق التوت البنفسجي
اصلا زين وايد للدم هذا يشتغل مثل الكليه بالجسم


عليكم بالف عافيه

انا اموت بالبرتقالي
بس مالقيت حمره برتقاليه تناسبني للحين:(

Momentum يقول...

عليكم بالعافيه

بس الطير يكسر الخاطر

ولا عاد الصورة اللي بأيد عمج مع سيقانه الطير مسكيييين

:((((((((((((((

Paris يقول...

أنا احب التوت البنفسجي بس الاحمر حامض >< ما ينوكل

<< اسميه انا التوت الاسود
احلى شي اذا ناكله و يصير البوز احمر لوول
عليكم بالعافيه .. حده يشوق
-------------------------
مسكين هالعصفور صج يكسر الخاطر :(
اكيد الحين ما فيه روح يطير لوول :)

جاردينيا 2000 يقول...

أحب ..البنفسجي ..من زماااااااااان ماكليته لا من سنين ماكليته ..من كنت ابيت ابوي ..صارلي 10 سنوات ماكليته ..لانه كان عندنا شيره توت وما آكل من بره او من الجمعيه ..بس من بيت أبوي (بيت العز يابتنا ) بس الحين والله شوقتيني وراح اروح مركز السلطان وأشتريه لازم أكله
مايمتن صح

Mr_CHoCoLaTe يقول...

الله ذكرتيني بشجرة التوت اللي في بيت عمي الله يرحمه كنا ننقز و نلقط منها هههههه

و بالنسبه للطيور ياتلي سنتين او ثلاث اروح ويا الوالد الله يحفظه و اخوي الله يذكره بالخير نصيد طيور سواء بالمصيده اعتقد يسمونها خداشه اللي تصكر و نحط زيهيوي فيها نكون مزهبين مجموعه بقرشه هي هي او بام صجمه

و البرتقالي الظاهر يبونها خمسه هي هي

fatto يقول...

رورو الشخبوطه :
الكويت صغيره صدقيني لوتدورين وتشوفين اشيره عايلتكم اتشوفين ان انصيرلج :)

اي عفيه لبسي برتقالي .. ونسوني :)

والعفو انتي خوش رورو :)



المباركيه :
يعني اذا عندنا عرس انسويه عندكم :) بلغ الاهل عندنا عرس قريب :)




ام الزين :

صباح اللون البرتقالي .. عسى لبستي برتقالي :) اذا اليوم لبستي برتقالي أعطيج العنوان لوووووول
عاد الحين يقولون الناس شالوحده الي بتخلي البرتقالي موضه قصب وبأي طريقه لووول




سنعه :

اي والله يبيلي اكثر منه صايره انا صفره هالايام جني تويتي :)

انا اييبلج كل درجات البرتقالي بس لبسي برتقالي :) لووول



مومنتوم :
اي مسكيين والله ابروحه نتفه الطير .




باريس :
اي ادري لأن البنفسجي اهو الناظي ( شييييره ) اينن والاحر لأ ( حااامض ) ماستوه ليل حين ..
لوووول ضحكتيني بالبوز الاحمر .. اكليه اذا مالج خلق اتحمرين :) ..

اي مسكين .. عاد طيروه عقب .. مسكين شكله حرم موبس ايي عندنا ايي المنطقه ابكبرها :)
لبستي برتقالي ويلا لأ ؟؟؟؟؟ :)




جاردينيا :
اي مركز سلطان بتروحين الي ابشرق ؟؟ اذا اهو الله يعافيج روحي السوق واشتريلج لون برتقالي لاتنسييين :)لووول




مستر جوكلت :
ويييييع ليش ازهيوي ؟؟!!!؟؟
ذكرتني ببوي الله يخليه لنه .. كان يقول وهم يهال كانو يصيدون الطيور مثلكم وكان يحط الزهيزيه ابمخباته وييييييييييييييييييييييييييييع وييييييييع ويييييييييييع
بالله هذي هوايه !!!!؟؟؟
عيل اشوه ان احنه ابزمن (البلي ستيشن) لووول

fatto يقول...

رورو الشخبوطه :

كلمه ونسوني = فرحوني

وانه قاعده اقره الرد عليج قاعد اقول شنو ونسوني .. قاعد افهمها
( لاتذكروني عقبها ) لوووول هذا انا الي كاتبتها جذي فهمتها لووووول .. فقلت يمكن تفهمينها مثلي .. فقلت احطلج معنه ثاني للكلمه :)

Om MoD يقول...

ع ..كل مرة يصير فيني جذي كتبت وراح كل اللي كتبتة ...بصيح ...:(

عليكم بالعافية التوت ..,شكله حده يشوق ..شلون إذا ابي امرج :)؟؟

وضرورري أنوق الميلك شيك :)

ذكرتيني بأول مره كليت منه من بيت جيرانا وكان بالنسبة لي شي غريب ..شنو هذا وشلون ينزرع ؟؟؟..:)

والطير خنت حيلي يكسر الخاطر ..شنو هالنوع ياكلونه ولا شنو ؟؟

وعلى طاري البرتقالي تدرين فيني أموت عليه وكبتي متروس برتقالي ..

ويا غالية والطلب همبة افا عليج بس نسويها موضة :) تستاهلين يالغالية

darkness يقول...

ونااااسه

يصير تاخذيني معاج المره اليايه

؟؟


عليكم بالعافيه

خوش طلعه شكلها

و انا من باجر برتقالي عشانج

:)

Fishah يقول...

عليكم بالعافيه شكله الصراحه ايشوق .. وبعدين سامحيني ماحب اللون البرتقالي احسه وايد شاااب لول :)

رورو الشخبوطه يقول...

هلا فاتو..

لا افا عليج فهمتج وجاري البحث عن البرتقالي احب الوان الشابه خخ..

واي يجوز نطلع اهل ليش لا اساسا اتشرف ..

ومرسوو..

غير معرف يقول...

animal abuse

fatto يقول...

ام مود :
انتي اشسالفتج يمعوده وخري عني اخاف امسح لوووووول
حياج يابعد جبدي انتي وورعانج .. اسويلكم ذاك الملك شيك الي اتعافين فيه مال ( ماكدونالدز ) :)

مادري الطير هذا ينوكل ويلا لأ بس طيرناهم

اي لاتخلين البرتقالي كثري منه بالدوام سويلي دعايه :) لمن ارد انشاءالله بشوف ادارتنه برتقاليه .. واستقبلوني بغنيه ( يالبرتقالاااا ) لووول



داركنس :
هالا ابعلبه الوانه هالافيج :)
يسير ليش لأ افا عليج غالي والطلب رخيص
عاد اذا خلص البرتقالي بالسوق سلفيهم من علبه الوانج :) لوول




فشه :
هالا بسمجتنه والله :)
الله يعافيج حبيبتي .. مايخالف حبيه :) بليييز :)

fatto يقول...

رورو الشخبوطه :
صدقيني اذا دورتي بشيره العايله راح اتشوفيني متدندله بورقه اباااخر غصن مكتوب عليها فاتو :) يعني اسيرلج من بعيد لووول ..
ويمكن اطلع اختج بعد :) ... عاد يسير فلم هندي اهنيه لووول

وطبعا انا بعد اتشرف بعد جبدي :)

DoDoq8 يقول...

عمري ماذقت توت طبيعي :)

sun shine يقول...

ناطرينج يالبرتقاله :)))

و امانة لا تنسينى بالتوت ترى ما نغنيلج يالبرتقالة

fatto يقول...

دودو :
عيل طافج نص عمرج .. لازم اتذوقينه :) وسوي ملك شيك نفسي وراح تدعيلي يادودتنا :)


سن شاين :
انشاءالله افا عليكم :) اييبلكم بطل عصير وسله توت

Q8EL5AIR يقول...

لظة .. صورت التوت الي حاطتها هذي بمزرعتكم !!

اذا صج ..

ماشاء الله .. الف عافية ..
تشووووووووووووق :):):)






بالنيابة عن نفسي .. راح أفر الأفنيوز لمدة 3 أيام بلياليهن مرتديا اللون البرتقالي .. وأنوه بشدة أن من يستفزني ويقولي "شنو ماعندك الا هاللون " .. راح " اسوق " ببرتقاله على ويهه .. واجعله عبرة لمن يعتبر ..
وقد اعذر من انذر ..






شرايج :)



وتحياتي ..
ويسلمواااااااااااااااااااا :)

fatto يقول...

كويت الخير :
اي هذا توتنه والصور صجيه وهذا تصوير الوالد الله يطول ابعمره :)


لووووووول اتسوقه بالبرتقاله مره وحده :) احب الخطيرين :)
وبالنسبه لتضامنك معاي مع اللون البرتقالي ما اقول الا ( كفو والله ) هذيل الي يساعدون ويلا بلاش :)
لك مني شيره التوت كلها اذا الافنيوز لبس برتقالي :) اشقلت :) ؟؟

طز بالرجالة يقول...

فاتو
بالعافيه
عاد تدرين ان لوي فيتون توه منزل جناط بالبرتقالي؟ يالله ساعدتج بمعلومة لتسويق فكرتج

fatto يقول...

طز بالرجاله :
يالله زين حتن ال ( Lv ) ماشين معاي على موضتي :) هياااا

HamoOora يقول...

مسا الخير,,

التوتمو صج شكله يشووق..

عليكم بالعافية..

حياتي هدف مو عبث يقول...

عاد أحلى فواكة
التوت
والموز هاهاها شاذي مو بنت
:p
بالعاااافية وقبل جم يوم يدتي عطتني تووت وكليت حده لذيذ

تلفوني برتغالي ينفع :p

fatto يقول...

هاموره :
عاد اليوم غدانه هامور مادري نقرور :) ماعرفهم لأني ما اكل سمج :)

الله يعافيج :)




حياتي هدف موعبث :
انا نفسج احب الموز بس اسويلي ( حليب موز ) خو انا كلشي مع حليب لووول


اي ينفع التلفون البرتقالي ليش لأ :)

chandal/danchal!! يقول...

بالعافية ومطرح ما يسري يمري

:)

يا حلو جميع انواع التوت
.
.
.
الله يحفظه

انا ما شفت الشبك لول

شرايك اني مدرعمة بالشيش مال الدريشة وشقيته شق

:)

والبرتقالي لون النادي اللي أشجعه

كاظمة وبس

:)

fatto يقول...

الله يعافيج مشكوره :)

عيل خبره بالشبك .. مدام داشه فيه لووول :)

يعني كظماويه :) عيل لاتخلين البرتقالي .

chandal/danchal!! يقول...

نسيت ما قلتلك

ماشاءالله تصويرج وايد حلو

:)

البارحة كنت قاعدة اوري ريلي الصور وبما انه خبير ترممي

قالي ان الطير هذا اسمه بصوة!

ما يندرى!

fatto يقول...

اهلين مره ثانيه :)


هذا ابوي الغالي الي امصور الصور .. عاد كامرته ماركتها الف وحطبه اسمها ( yashica ) وكاله جاشن مال 7 ميقابكسل ... حتن ابوي مختارها بدون عدسه الزوم الي تطلع بره .. لأن تعقد منها كله تخترب الي عندنه ( سوني او باناسونك )


وسألت ابوي عن اسم الطير اذا متأكد منه .. قالي متأكد ان اسمه مطرق :) وهو يعرف البصوه :)

kazmawy يقول...

ماشاءالله شى طيب
بس ماذقنا شى يافاتو شدعوة عاد
"(()*
مويعين جنج ماتدرين فى شوية تويتات منى مناك
لوووووووووووووووول

kazmawy يقول...

طبعا اللون البرتقالى احلى الالوان ان بغيتى صيفى يصلح وان بغيتى ربيعى يصلح وان بغيتى شتوى هم يصلح
وعلى المزايين ماكو احلى من البرتقالى
خاصة السمر
لووووووووووووووووووووووول

fatto يقول...

ظوقت الكل .. بس يوم يادورك خلص على حظك ( قبس ) ماكوفايده :) لوووووول

اييي اكييد ابتمدح البرتقالي لأن كاظمه صبغتها برتقاليه يالاسمراني :)

انت كليوم قاعد اتقط قطه على شكلك مره جسمس حلو لأني العب رياضه ومره شكلي حلو ( مزيون ) مالحين البرتقالي حلو على السمران ..


انا اقول حط صورتك وفتك .. وتحداك اتسويها اشرايك :) لووووول

ها يالكظماوي يلكويتي يالمزيون اشقلت ؟؟؟ بتحطها وييلااااا لووووول

بس عشان تثبتلنه انك صج مزيون :)


ناطرين بوستك اليديد :)

fatto يقول...

اشمعنه لمن ارد عليك اقط بدليه ليييييييييييييييييييييش لييييييييييييييييييش بس انت .
مع البلوقرز والا بدليه .. اففف


انا حذرتك ان عيبت يويلك لووول
ترى الدنيا دواره ونت توك قاط بدليه ابوستك فديييييربااااالك اتعيب :)



جسمس = جسمي :)
_______________
لووول ادري بدليه اتظحك بس مالا داعي تظحك بس انا اظحك .. كيفي مو انا الي قاطه البدليه .