_cartoon.gif)
صار لهم جم يوم كل شوي يرن تلفوني ....رقم غريب .... منو ؟؟؟؟؟ ... رشحي فلان ..عطيني أرقام اهلج ؟؟؟؟ ماكو شغل ..بعطيج رقم رقم ...مو حالة هذي أرقامنا موزعة ...وكل من يدق علينا ....شتسوون إذا أحد دق عليكم ؟؟؟؟؟ ... وشلون تتصرفون أنا لاعت جبدي وما أدري اخاف ما أرد ويطلع أحد داق علي ويبيني ضروري ...الله يعدي هالأيام على خير :)
هناك 18 تعليقًا:
ماكو غير تشتكون عليهم
مو من حق اي احد ياخذ ارقام الناس ويدق عليهم لاي غرض الا اذا كان باذن منهم
:(
سوالف بايخة مثل الدعاية بالتلفونات
وكل شوي مسج
الله يساعدكم
انا مو مقيده
الله يعينكم
اهلي بس يقولون ان شاءالله ويصير خير منها مايحرجون المتصليين ومنها يفتكون من حنتهم
أنا أقوول إذا يدقون على البيت ... فلا تشيلينه .. الحين منو يدق على بيتنا احنا ويبيني مثلا .. إلي يبي يكلمج ضروري، يعرف نقالج .. ف أنا أقول فصلاي واير خط البيت ولاتعورين راسج ومثل ما قلتلج إلي يبيج يدق عالنقال
والله الرد على طول اسف انا مو فاضى الحين ولا تتصلون مرة ثانية
واذا طولوها سكرى التلفون بويههم
لا تحاتينهم
تراهم مناااجب وعريضين ويه
قوليلهم انا مسؤولة العمل النسائي حق المرشح الفلاني .. يعني داقين غلط توصون !!
لعب عليهم ..
او خليهم يتكلمون وقطي التلفون ورجعيله بعد 10 دقايق يكلمون روحهم :)
وتحياتي ..
ويسلموااااااااااااااااا :)
الله يعينج هذي توها بداتها ولين وقت الانتخابرات راح يخلونج تكسرين التلفون مو تصكينه :)
لاتردين ,, ولي يبيج ظروري راح يدزلج مسج عقب اكيد :)
اشوه لي حد الحين محد قرب صوبي ويويله الي يقرب صوبي :)
الحمدلله ما ارد على ارقام غريبة :)
أشكر مقترحاتكم ..
وترى أهم يدقون على النقال مو على البيت ...
ما أدري من وين إييبون رقمي ..
وبعدين اللي يبط الجبد زود ناس ما يدرون عنك من دهر ..يتذكرونا هالوقت ويع ...ما احب جذيه :)
ويا حظج يا فاتو :)
بعطيهم رقمج عيل لوووووووولو:)
جان زين أحد يقرب صوبي فيني تشخط و زف :@ <--- عصبي هي هي
يمه لا يحوشك ....يتروالي بس يسمعون الألو بسكرونه ....:)
أنا أبي أحد يدق علي
مشتهيه أتهاوش حدي معصبة. أبي أحد يدق و أحط الحرقة فيه ;@
قولي لها إن دقيتي ترا بروح المخفر بقول لهم إنكم تسون فرعيات أو أي تهديد ثاني
بتخق و بتسكت
انتي مفتاح انتخابي ؟
انا اقول من يبلشون ايبون طاري اسم احد على طول خلي صبعج على الحمره في الموبايل والبيت طراباااااااااااااااااااااااخ بالويه :) لانه هذول ناس مايستحون والمشكله انه يدقون في اوقات الواحد مايتخيلها .. يعني تخيلي وضع انتي نايمه ومندمجه والساعه 4 العصر ويدقون عليج يكلمونج بهالموضوع !! شنو الي بصير ؟؟ اهم يعرضون روحهم للتهزيئ :)
Momentum :
يمه أهل الكويت شفيهم مستشرين ..
بس بتهاوشون ..
عيل أنا حدي مسالمة :) بس زهقت من هالحالة :)
المباركية :
لا قطيعة ..شكو ما لي خلق أقولك ..أهم لوعوا جبدي انتخبي فلان ورشحي علان ..
مو كافي المسجات ..إلا بعد يدقون :)
Om Ghamazat :
اول شي نكج عجيب :) عاد انا اموت على الغمازات :)
لووووووووول .يبيله اجرب :)
وصاجه كلش الاوقات اللي يختارونها ويع :)
Om MoD
ثانكس ام مودي :) لوووول بس اشلون اتجربين الغمازات ههههه
لووووووول مو قصدي اجرب الغمازات :)
اجرب طريقتج وارقعه بويهم لوووووووووول :)
اصلا أنا عندي غمازات :)بس شكل غمازاتج أحلى من غمازاتي ..
وولكم حبيبتي :)
إرسال تعليق