الخميس، 9 أبريل 2009

ابي سبب مقنع


انا اليوم طالعه مع فيونكه من الفيونكات .. فلاحظت وهي اتسوق السياره فاصخه تكرمون انعالهه .. وهذي مو أول وحده أركب معاها اشوفها تفصخ تكرمون الجوتي أو لنعال عشان اتسوق !! هل انا السبب ؟؟ ويلا شيسالفه هل لسواقه اتكون اسهل ؟ ويلا أنفه حق الريل ؟ ومنو يسوي هالحركه .. هل قله ويلا وايد .. الي يسمعني بسوي احصائيه :) بس صج والله ليش ؟

هناك 26 تعليقًا:

esTeKaNa يقول...

ذكرتيني ببنت خالتي كانت جذي اول ما ساقت
مرة دعمنا جبال الفنار ووقفنا الشرطي
تخيلي الشرطي فج الباب قالت له بليز سكره...صندلي محطوط بمخباه الصغيره اللي بالباب
LOOOOL
وكان منظرها مرعب لما فجت الباب وقطت الصندل بالارض لبسته ونزلت:
نعم؟
صج كان موقف مضحك
بس الحين قامت تلبس ..اول ما ساقت تقول ما احس بالبنزين اذا تكرمين لابسه جوتي
:)

Super Woman يقول...

يقوووووولج اذا سقتي حافيه ما تسرعين
اما اذا سقتي لابسه جوتي او نعال وانتي بكرامه ما تحسين بالسرعه

;p

انا هذا اللي سمعته

DoDoq8 يقول...

لووول

اول ماقريت الموقف عبالي تقولين بالسوق تمشي حافيه

بس اريح خصوصا لمه تكونين لابسه كعب :)

cup cake يقول...

السلام عليكم
بصراحه انا اسوق من غير تكرمين الجوتي اذا كنت لابسه كعب اريح بالسياقه بس الله يذركها بالخير المدربه الي دربتني كانت ضد فصخ الجوتي على قولتها "راح تسود رجلك"
:)

برنسيسه يقول...

انت ليش ما سألتيها مدام اهيا يمج !؟ بس السالفه اضحك ويمكن اريح حق السواقه LoooooooooLوتندمج اكثر

fatto يقول...

استكانه :
هالا والله بستكانتنه هالافيج :)
لوووووووووووول امبيييه والله موتيني ضحك .. موقف محرج :) .


شلالات :
اهلييين وسهلييين .. مس يو والله :)
والله الي بدووس يدووس ولي بيمشي اشوياشواي يقدر هذا مالا شغل بالجوتي .. بس يمكن في بعض الناس جذي ليش لأ :) اشكنزه ؟؟؟ خن اكمل الرد على التعليقات وشوف اشسالفه لعبتج :) شوقتيني .



دودو :
اهلين دودو شخبارج :) لووووول عدلت البوست وضفت كلمه ( اتسوق السياره ) :) أوضح الجمله جذي :) شكرا على التنبيه :) وانه نفسج اريح بالعكب .



كب كيك :
اهليين كب كيك وعليكم السلام :)
صاجه والله مدربتج .. تخيلي مليون مره دايسين على الدوسه تكرمين بالجوتي وماتدرين شلي دايسه عليه جان اهي تفله هندي ويلا وصخ القطاوه والحمام ونتو ابكرامه ويلا ماي بالوعه .. لوووول جني لوعت جبدج :) بس الجوتي يظل اريح وانظف :)


برنسيسه :
لأهلين بختي لبرنسيسه :) مادري سرحت ابروحي افكر وماقتلها مادري ليش .. وعقب ضاعت السالفه من مخي :)

fatto يقول...

دودو :
عكب = كعب

لووول انا يبيلي اشوف (المناهل )ويلا
( ابو الحروف ) بدلياتي ماتخلص ..

يويلي من كظماوي خو ينطر البدليه مني نطره عشان يتطنز :) لووووول

غير معرف يقول...

انا اسوي جذي لاني احس اني مرتاحه

master يقول...

أختي تسوق بدون جوتي
تقول بعض الجواتي يفلتون من الريل فتفضل تسوق حافيه

أنا ضد هذي الطريقه و تحرني

إهي يمي ألحين و تقولي شكرا أختي على التعليق :) (ليش قلت تحرني )

Fahad Al Askr يقول...

أريح، وتحسين بارتباط اكثر مع السيارة

غير معرف يقول...

انا بعد جذى

كله اخاف ادعم ,اذا لابسه شئ


(نجلا)

cup cake يقول...

الظحك اذا كاشخه وييتي بتنزلين بمكان متروس من الرايح والراد وطبجه من الجوتي علقت تحت الكرسي عاد عابلي بنفسج ساعتها؛)

Om MoD يقول...

:)

ضحكني الموضوع كلش مو على بالي ..:)

أنا بصراحة لما اكون لابسة جوتي عزكم الله ما أفصخه ..

بس إذا لابسة نعال تكرمون ما اعرف لازم أفصخها احس إنها تفلت من ريولي ..

وةاتوقع انه اريح من جذي يفصخونه :)

fatto يقول...

غير معرف :
زادو الي يسونها :) والله طلعتو وايد :)



ماستر :
لووول حتن اختج وياهم :)



فهد العسكر :
اشلون اريح احس الدوسه اتعور الريل وفيها رمل :) اتهى يافهد اجرب ؟ بس اخاف ادعم .. احس مادري اشلون جني مو قاعد ادوس على شي . لالالا هونت اخاف اخوره بلسواقه على بوني بسير نفسكم .



غير معرف :

ماشاءالله زادو زادز الي مايلبسون .. انا عكسج اذا يمكن سقت وانه حافيه راح ادعم :)



كب كيك :
والله ماقلتي هالموقف الا شكله مار عليج :) لوووووووووول



ام مود :
انا ماقتلهم ان انتي .. انتي الي فضحتي عمرج :) لووووووووول

جاردينيا 2000 يقول...

أنا مره سويتها لما كنت لابسه انعال ونتو ابكرامه وريولي كنت حاطه اكريم ..وكل ساعه تتزحلق من الريولي ..بس من عقبها ما جربتها

غير معرف يقول...

رفيجتج اتضحك فاتوو =)

هم بعد ثنتين من رفيجاتي جذي .. ولمن اكون معاهم احط ايدي على قلبي لانهم كلش مو زود بالسياقه .. مره ركبنا الرصيف ومره رونق سايد ومره اهي دعمت وووو...الخ
الظاهر اللي مايعرفون يسوقون جذي !

هم بعد سايق خالتي سبحان الله يدوس عالبنزين ب 4 اصابع ويعطيج البريك بس بابهام ريله البليّه

غير معرف يقول...

هذا اهون انا اتمشى بطل مكان ببنطلون بجامه ونعال على دب

لووول لازم ايووز انا

متخيله ادعم لا سمح الله و اقوم و اهاوش اخر شي قمة الاناقه

fatto يقول...

جاردينيا :
صارت فيني التزلق بس مافكرت افصخ لنعال :) ماااااحب


غير معرف :
وي وي وي لايحوشج .. انشاءالله حادني اركب معاهم وطول الطريج انا متصروعه :) لوووول


مومنتوم :
لوووووووول عاد هذي انا سويتها وااايد يوم كنت ما اشتغل وكنت اخذ اختي من المدرسه وعيزااانه ابدل كنت البس انعال الفرو وجاكيت جينز على لبس البيت يعني كشخه :) لوووول وامي كله اتقولي بلا صارلج حادث ابتنزلين حق الاوادم والشرطي جذي :)

نون النساء يقول...

انا ماعرف اسوق وانا لابسة جوتي وانتي بكرامة... ما أقدر احس اذا دست وايد عالبانزين او شوية او حتى البريك ههههههههههههه..

فا أفصخه عشان اقدر احس شكثر ضاغطة



اتخيلي مرة بالشتا لابسة بوت فصختة وحطيته يمي ويوم وصلت المكان اللي أبيه بطلت الباب وقعدت ألبسه وشافوني ناس وعطوني تعليقات سخيفة


بس ماااااااااااااااعرف اسوق وانا لابسه اي شي بريلي افففففف

kazmawy يقول...

يا ام البدليات
لووووووووول
ابى اعرف ويلا شنو تطلع ..؟؟
خابر صابون او شامبو اسمه ويلاا
لووووووووووووول
انا ساعات افصخ طبجة وحدة اذا كان الجو حار شوى
لكن الدوام اغلب الاوقات اكون مداوم تكرمين بجوتى فمالى خلق افصخه وانا اسوق
بعدين الحركة فيها نوع من الخطورة
احيانا النعال تصير تحت دواسة البريك فلما تدوسين بريك ما يمسك عدل
قولى حق رفيجتج
والمرة الياية مو تحطين صورة ريول ملكة جمال الهند حطى ريولكم الصجية
لوووووووووووووووووووووووول

fatto يقول...

نون النساء :
حتن البوووت .. واااي لكم خلق تفصخونه .. اهو بلبس عباله فمابالج تفصخينه وتردين تلبسينه مره ثانيه .. والله اكثرو الي مايلبسون :) لووول جني طلعت انا الغلط ونتو الطبيعيين :)



كظماوي :
قلت انا ماراح اسلم منك :) لوووووول

وشجايف ريولنه جلحه ملحه !! عيل ريولك الي تلق :) لوووول

لاتحرش فيني .. شفيك نسيت اني قمت اعرف اضغط لووووووول

Om MoD يقول...

لوووووووووووول فاتو ...عادي مو فضييحة خليهم يعرفون إني أنا ..:)

يعني أنا ما قلت اصلا شي يدل أني انا اللي كنت وياج ..بس أنتي ليش أنج تدرين اني انا من علقت ...قلتي وي فضحتي روحج ..:)


شرايكم فيني :)وانا افصخ نعالي :)

kazmawy يقول...

فاتو
لووووووووووووووووووول
والله انج خرطي فضحتي المرة بروحج
لووووووووووووووووووووووووول
اشوة انج مو مباحث جان رحنا فيها من زمااااان

غير معرف يقول...

اصلن الكعب يعوق تغير الريل من البانزين لي البريك خصوصا اذا كان عالي وايد ,,,! اصلن الكعب سبب رئيس حق الحوادث عند الحريم... وفي احصائيات و دراسات في امريكا و اليابان و بريطاني تاكد الشىء هذا.... و في شركات تامين ترفع قيمة تامين السيارة اذا السايق كان وحده تلبس علي طول كعب عالي....

London: Female-friendly car insurance firm Sheilas’ Wheels found that four in five women drivers admit wearing inappropriate footwear while at the wheel.

And therefore, the company is urging women to change into flat footwear before getting into the driving seat.

It is estimated that more than 11.5 million British women are putting themselves and other drivers at risk by wearing the wrong footwear.

Out of the 750 women surveyed, 75 admitted having an accident or a “near-miss” because their shoes had slipped off or got stuck between or under the pedals.

fatto يقول...

كظماوي :
لوووووووول .. ضحكني الموضوع كلش موعلى بالي .. عاد انا فهمت من هالجمله الي محد فهم ان اهي .. ان افضحت روحها :)
عاد اتصدق من وانه بالمتوسط وانه امنيتي اسير من المباحث :) بس الله كريم .. راحت علينه :)


ام مود :
لووووووول .. الصراحه كانت يبيلج صوره



غير معرف :
خل يطبقون هالنظام عندنا بالكويت .. والله حتن لوطبقوه ماعتقد الحريم مايخورونه بلسواقه ابكعب او بدون :) لووول

gaFsHa ;p يقول...

لووووووووووووول

انا الحمدلله اسوق بالجوتي
دواسات سيارتي فيهم اشياء ناقزه احس
اذا سقت حافيه يقزون بالريل :p

بس ساعات و انا اسوق افصخ جوتي ريلي اليسار
انفها لول :D