الجمعة، 3 أبريل 2009

نحتاج راحه وإسترخاء...فندق صحاري


مع إسبوع حافل ومزدحم (مابين الدوام وتدريس وإمتحانات ) نحتاج إلى راحه وإسترخاء خصوصا في عطله نهايه الاسبوع ..حتى نتزود بالطاقه ..لنبدأ للإسبوع القادم ..هذي هي الحياه قطار سريع جدا ..
لذلك فانا من عشاق السبا =) المغاطس المعطره الساخنه ..المساجات بإيدي مرنه ..والعنايه بالبشره لتكون نظره ...أحب الصابون واموت على السنفره
علشان جذي اتشوفوني من إسبا الى إسبا واكتشف الجديد والمريح
المهم ...هذي المره رحت إسبا فندق صحاري ..مع إنه ماينعاب ..خدمه ممتازه وسريعه وكل شي 10 على 10 ..بس لازال بالنسبه لي اسبا تايم المهلب ..عندي التوب ليش مادري ..احبه ..وارتاحله
حسيته نفس مستوى منتجع هلتون بس صحاري غرف المساج ديكورها اشرح من هلتون ..ويتشابه بعد مع هلتون بأنه فيه نادي صحي ومشترك رجال ونساء واطفال ..بس طبعا في غرف المساج والسونا للنساء =) ...هلتون مافي اطفال بس فوق 18 سنه
صحاري تقدرون تدخلون بإشتراك عائلي او دخول يومي لكل العائله ...حبيت الفكره علشان كلنا اروح ونقضي يوم مميز في الاسبا
أخليكم مع الصور .
المدخل
اللوبي من الاعلى
المطعم



اصنام في كل مكان على انه حركه يعني





جانب من مدخل السبا




الغرف بأنواعها




بعد ماتخلصون تقعدون تشربون شاي أخضر في إحدى غرف الاسترخاء

هناك 8 تعليقات:

Q8EL5AIR يقول...

عاد قبل اسبوع عندهم .. بس طبعا مو حق السبا كنت بسال عن الاسعار !!


سؤال يطرح نفسه شالفرق بين سبا المهلب وسبا صحارى !! وبجم ؟؟

لان ابالي المهلب من زمان .. بس ماكو وقت .. بس انتي الحين حمستيني :)




وتحياتي ..
ويسلموااااااااااااااااا :)

غير معرف يقول...

روعه المكان شكله
يعطيج العافيه حبووبه :)

غير معرف يقول...

حده يبيلة رحلة ...


يلا مشينا ..

Unknown يقول...

interior design is done by http://www.johndavidedison.com

abLa Noura يقول...

وين مكانه على الخريطه؟؟

اول مره اسمع فيه

fatto يقول...

المكان حده حلو ونظيف بس مادري ليش احس ان صخه مافي احد يروحله

جاردينيا 2000 يقول...

اسفه على التأخير كنت مشغوله .. بالنسبه حق اسبا المهلب أنا أحبه لانه يذكرني في سبا شرق آسيا اعيشونج الجوى ..أما أغلب الاسبا الي اتكون في الفنادق او المعاهد تكون اقرب من شنو اقولكم من الصالون او المستشفى ..مكان معقم ونظيف ..مثلا سبا موفمبيك البدع سرايهم جنها سراير الطبيب بيضه ..لا لا مابي جذي ابي الفرش المشجر او فوطه الي فيها رايحه الورد شرق آسيا ..ملابس المدلكات ..ليش يونوفورم جنها سستر
فهمتو قصدي ..
من ناحيه السعر ..متفاوته ..بس جنه اغلى واحد من الي رحتلهم هوى صحاري ..بس مو وايد غالي لا ..يعني مساج للريل في صحاري نصها لمده ساعه 22دك ..أنا عندي بس كان مساج نعمه المساج رائع وفعلا يستاهل سعره ..وتراهم اغلبهم متقاربه اسعارهم ..شوفو الي ترتاحوله ..وقريب عليكم ..روحوله ..أنا مارحت سبا المرينه ..الاشهر القادمه وعن قريب بإذن الله
فاتو هوى حلو بأنه هادي منحاشه وتبين الهدوء وماتبين اتحاجين احد روحي اهناك
ومكانه يم نادي الفروسه أبد لاصق فيه

مي مي يقول...

صراحة شوقتيني
يبيلة روحه~

يسلمواااا~