ذاك اليوم بنت خالتي يايبه كلب رفيجتها يوم واحد عندنا بالشاليه ، لعبنا معاه و ستانسنا .بعدين و إحنا قاعدين إلا ولد خالي الصغير عبودي (9 سنوات) يسأل أبوه ...
عبودي :بابا ، ليش ما يصير نييب كلب؟
أبوه: بس يا بابا ما يصير الكلب نيس ، إنتا ما تحتاجه في شي ، لازم يكون عنك مزرعه ، فيها حيوانات يحرسها ، فيها دياي إحنا ما عندنا
عبودي : إمبله إحنا عندنا دياي
أبوه : من وين لنا ؟
عبودي: ماما كل يوم تشتري دياي من الجمعيه ، عندنا واااايد
واااااي اليهال يهبلون مع تفكيرهم ... الدياي إلي بالثلاجه بالله شسوي فيهم الكلب !!!
هناك 14 تعليقًا:
لووول يا حلو سوالفه اسم الله عليه
يا حلوه يشوف الدياي المثلج :)))
لوووووووول هذا مال ( بوووس ) :)
ماشاء الله
الله يحفظه
الياهل ذكي ، اذا بغى الشي يعرف شلون يقنعكم..
:)
أنا بالنسبة لي الكلاب حلوين .. بس هل تقدرون تعتنون فيهم ...
والله يخلي ولدج لج إن شاء الله ...
صج اليهاال يهبلوون يحليلهم..
الدياي إلي عندكم بياكلهم طبعا ..
عبودي: ماما كل يوم تشتري دياي من الجمعيه ، عندنا واااايد
-------------------------------
ابو عبودي طبعا ولا يدري عن دياي ولا عمات عين
أم عبودي هي اللي تسوي كل هالاشيا,
تروح التموين,
تدرس عبودي,
تروح اجتماع اولياء الامور,
تروح فرع الغاز وتبدل السلندرات الفاضية,
تشتري هدوم اليهال,
تتصل على الادوات الصحية والكهربائي لي خرب شي بالبيت
وغيرها
وغيرها
شلون تبينه يعرف عن الدياي المثلج اللي بالثلاجة؟
a typical Kuwaiti family man
لووووووووووول
السلام ..
الله يحفظه يارب..
بس يبيله جلب الله يعزج بالمطبخ عشان الخدم هابين يبيعون ماجلتنا :)
ومرسوو
لووووووووووول ياحليله :)
والله اهو بصراحه انا بخاطري وودي لكن الهوا ضدي ... اهو شحليله اشوفه ويشوق بس لا يتجرأ يقرب يعني حلاته من بعيد لي بعيد لا يفكر ايي ياخذ حنان منيييي هههههه :)
لووول يحليله
الله يخليه لكم
اليهال تفكيرهم بريئ
ههههههه
يا حلوة
:)
الله يحفظ عمره ..
جنه الي عندي ...سوالفهم غريبه عجيبة :)
بس الجلب كريه ما احبه ..
بسم الله عليه ,,
ربي يحفظه ,,
حلو يكون عندهم دقه ملاحظه و سرعه بديهه بالرد ,,
إن شاء الله تستمر هالصفه بس بشئ مفيد ,,
و الله اكره الكلاب ,,
نجسه ,,
دمت بخير ^^
لووووووووووووووول
يا زينه الله يحفظه... يختي اليهال ما يعطلون مستعيل
:)
Waaaaaaay 7bibi esallem galba 6al3ai tafkeer el-yahal eyaneen 3asa allah e`7aleeeh leekoom oo e7af`6a mn kel shar :)
إرسال تعليق