الأحد، 26 أبريل 2009

الزيارة الأولى والأخيرة


رحنا أمس تعشينا بمطعم " الصنوبر " وهو مطعم لبناني مكان مطعم " الدانة " سابقا عالبحر ...أول ما وصلنا شدني شكل المطعم من بره وايد حلو على جنب نافورة وشكله شرح وكبير..صورت بس الصور كلش مو واضحة ليش إنه ليل وظلمة الصور ما طلعت حلوة ...عقب دشينا شكل الصور على الحمام ( الله يعزكم ) وايد حلوه ...وأكيد صورتها ..



ومن كنا تحت قبل ما نصعد سمعنا صوت أغاني حق " فيروز" أكيد كل مطعم لبناني لازم أغاني " فيروز " :) المهم انصدمت يوم صعدنا صيحة وازعاج ولوية ...والإخت اسألتنا تبون شيشة وقلنا لها لأ وتحطنا مكان فيه شيشة ...المهم غيرنا المكان ...وطلبنا ( حمص باللحمة ( زوجي يقول وايد ثقيل مقارنة بكبابجي ) -تبولة ( هم زوجي العزيز ما يازت له ) - فتوش ( وايد حلو أنا طالبته )- جبدة دياي بدبس الرمان ( ما كانت لي ذاك الزود ) - بطاطا حارة ( شكلها من زمان مسوينها وأنا كليتها عند مطعم " عبدالوهاب " وايد أحلى - فطاير سبانخ ( حدها بارده مع إنهم وايد تأخروا المفروض تكون حاره يعني ) )..



وطبعا تشوفون كل اللي طالبينه مقبلات وتأخروا على ما يابوا لنا الطلب ..عاد أنا حطيت لهم ملاحظات ..



بصراحة اللي يشتغلون بالمطعم وايد ومكانه حلو بس يحتاج يحسن من أكله وينسق بين الموظفين...ويشوف له حل على هالازعاج جنه رايحين سوق يمعة :)



هذي كانت تجربتي وما أفكر ارجع مرة ثانية :) صور الحمام الله يعزكم ...عالطريقة اللبنانية :)


هذا المنيو ..الصورة ظلمة ميخالف :)

هناك 12 تعليقًا:

غير معرف يقول...

http://www.aqsaa.com/vb/showthread.php?t=4473

joe يقول...

بخاطري اروح له
بس دام مامدحتيه شكلي بهون

على طاري عبدالوهاب شلون ندشه ؟

هني وعافيه

Om MoD يقول...

روح له وجربه يمكن يعجبك الناس أذواق ..

عبدالوهاب ...عادي تروح وأدش وغذا تبي احجز قبل ..:)

ويعافيك

غير معرف يقول...

تصدقين لو أنا جان أدش الحمام اللي فيه الطربوش! لأنه ما يبين يعني شتفرقين فيهم

ماله داعي هالتفنتق أصلن شكله مرعب ;/

إمـرأة لا تُنسـى يقول...

بخاطري اروح مطعم عبدالوهاب
بس يقولون الطاولات لازقة ببعض؟!

ماحب جذي لأن الناس بروحهم لقافة بدون شي

Om MoD يقول...

Momentum :


:)...لا شكلهم حلو ...



إمرأة لا تنسى :

شوفي الصراحة صج مطعم عبدالوهاب الطاولات لازقة ..

بس عادي محد يطالعج ولا يطالع اللي بطاولتج ...يمكن لاني كنت مع الكتاكيت ولاهية :)

بلا قيوود يقول...

حرااام والله .. صج عااد شكله حلوو وايد ... بس من الحين ماني موصي النااس علييه

fatto يقول...

وييييي .. اشلون الي اعرفهم يمدحونه .. الناس اذواق او على حظكم صار هيصه وزمبليطه لووول

Om MoD يقول...

بلا قيوود :

إي والله ...

ما أدري ما أبي أظلم المكان ...والناس مثل ما قلت لكم أذواق ..

يمكن ما عجبني بس يعجبكم ..


fatto :

للأسف التجربة كانت سيئة ..

إذا برجع له بس عشان الفتوش ...كان لذيذ :)

ومثل ما قلتي الناس أذواق

Om GhaMaZaT يقول...

والله بصراحه اهي سالفه حظ :) لاني رحت له صح بيومها كان زحمه بس يمكن لاني ملقوفه ورايحه اشوي متأخر لكن مشاءالله الوضع كان حلو وكان صج اشوي ازعاج لكن الويترز احسه شوي ويقعد على طاولتنا حتى الافكار الي افكر فيها ممكن اهو يقترح علي فيها اي اقتراحات هههههه ماعلينا ... والي استانست عليه بصراحه التبولة والمسقعه البيديان كانوا شي مو طبيعيييييييي والي يونس وايد انه المكان حددددده شرح .. اهي سالفه مو اذواق لكن اتوقع الشيف متغير بهاليوم وصدف انه زحمه وازعاج بس الي صج صج صج يغث بالموضوع المواقف ؟؟ انا جريب اصفط عند بيتزا هت علشان اروحله لووووووووول :) وهم اقولكم روحوا جربووووووووا

Om MoD يقول...

:)

الحمد الله انه تجربتج كانت حلوه وسعيده ..وعليج بألف عافية وهني :)

مسقعة بيديان ...وااااااااااو اسمها خطير ....وبيديان اوووووف دمار :)


ما ادري كل شي جايز :)

وبالنسبة لي المواقف كلش ما عانيت منها :)

Om GhaMaZaT يقول...

ثانكس يا ام موووودي :)

مو انتي ماتدرين يا ام مودي انا مختاره وقت قلت الحين كلش ماراح الاقي زحمه بوسط الاسبوع والدنيا كلها امتحانااات يوم الثلاثا والساعه 9 وربع يعني مادري ما اتوقع اني بلاقي زحمه ... لو تدرين اشكثر افتريت على المواقف همممممممم والله مو شي اقولج انا الحين استحيت على روحي قمت افتر وانا منزلة راسي يقولون اشفيها هذي مينونه لوووووووووووول انزين نطري على جنب ماكو ولعلمج الخاص مع هذا كله هم وقفت غلط لانه المواقف الي بالصوب الثاني زحمه .... ياربييييي والله انا ابداع