الجمعة، 24 أبريل 2009

الصور تتكلم

بما أن مودو خبرتهم حاليا " خبرة المواصلات " فقرروا يونسونهم وكل واحد من الأطفال اييب معاه يا إما سكوتر أو قاري أو أي شي يتعلق بالخبرة ..ومودو وده قارية وحده استانس :)
__________________________________أما اليوم اللي بعده واللي اهو أمس كان عندهم يوم للتوعية الصحية :) تحت شعار " سعادتنا في صحتنا " ..
كانوا مسوين دعوه حق الأمهات وبحضور الدكتورة : بشاير البابطين ..قدمت لنا بعض الأفكار والطرق لتقديم الأكل حق اليهال وشلون نحاول نبعدهم عن الوجبات السريعة ...وعطتنا احصائيات حق معدل السمنة بالكويت ..مودو مع ربعه ...شباب المستقبل :)
وعقب المحاضرة كان فيه ماراثون حق الأمهات وعيالهم داخل الروضة..وهذي بداية الماراثون ..



عصير وماي ..حق اللي يعطش :)


محد من اليهال ملتزم والكل قام يركض وأنا ماسكه مودو بيدي واقوله ماما ما يصير تركض ..حبيبي روحت عليه الجائزة :)


ووصلوا ..وعقب التعب قعدوا ...

نهاية الماراثون وكانت أم مود الأولى هيّا .....عاشت أم مود ... وعوضت خسارة مودو ...

وهذي الجائزة مودو مستانس ماسكها :)

هناك 18 تعليقًا:

kAiKa-MGroMa يقول...

حبيبييي عالبركه

والله يعطيكم العافيه

وناسه يعني نفس sport day

D=.

joe يقول...

يحليلهم يونسون
يارب نشوفهم دكاتره
برامج حلووة ماكان على زمنه في جذي
يعطيهم العافيه

om hussan يقول...

ياه اثاريج موهينه ام مود لياقة والله مبروك الفوز:)

abLa Noura يقول...

برنامج حلوو

هاليومين الرياض كلها مسويه برنامج الصحه للجميع والكل يتكلم عن الاكل الصحي والرياضة والاسنان الخ الخ الخ

ومبروك عليج الفوز

Om MoD يقول...

kaika-magroma :

وينك من زمان ..؟؟؟

غاطة ما لج لا حس ولا نس :)

الله يبارك فيج حبيبتي ..ويعافيج ويخليج ..

حده وناسة ...بس حر موت :)


المباركة :

إي والله ..

يا رب .. يارب :)

صاج ..والله تطوروا مدارس الحكومة :)


Om hussan :


لووووووووووول

إي شعبالج :) الله يبارك فيج حبيبتي ..يوم ما تشوفين حسين يراكض ويدابج :)


abla Noura :

زين يسوون والله ...العيال كل واحد صاير مدفع من المتن ..يخرعون عيال هالوقت لازم الأهل يحرصون على نظامهم الغذائي الصحي :)

الله يبارك فيج :)

Paris يقول...

مبرووووك عليكم الفوز

احنا يسوون عندنا برنامج مشي بعد احسه وايد زين و ينشط الواحد من الصبح

----
لووول ضحكتيني بردج ع ابله نوره كلامج مثل كلام امي كلا تقول عيال هالزمن صايرن مدافع :D

fatto يقول...

ما اتخيلج تركظين مادري ليش .. شكلج من النوع الي مايركظ لووول

بس والله طلعتي موهينه :) مبروك عالفوز

رورو الشخبوطه يقول...

مبروك..

ووخوش انشطه ماشاءالله..

Kuwait يقول...

مبرووووووووووووووووووك
وربي يخليلج مودود وأخوووه يارب :**

بسئلـج اشلون اللياقـه عقب هاليوم ؟ ;q

Nikon 8 يقول...

مبروك والله يبلغج فيه معرس إنشاء الله :)

غير معرف يقول...

الله يخليهم لج انشالله

بلا قيوود يقول...

مبروووك عالفووز ..
والله يخليييه لج إن شاء الله وتفرحيين فييه

Om MoD يقول...

paris :

الله يبارك فيج حبيبتي :)

صاجه يونس وايد ..وتغيير عن روتين كل يوم :)

لوووووووول :)


fatto :


لوووووول ..ليش عاد ما تتخيليني أركض ..؟؟؟

لا عادي أنا اركض ..بس الماراثون مجرد مشي سريع ماكان يحتاج إني اركض :)


إي رفيجتج تبيض الويه وكله عشان مودو يستانس حبيبي ...والله يبارك فيج حبيبتي ..



رورو الشخبوطة :


الله يبارك فيج حبوبة ...

إي والله خوش أنشطة :)

وما قلت لكم بعد كان فيه فحص للدم ( كوليسترول وسكر ) وطول ووزن :)




kuwait :

الله يبارك فيج ...والله يسمع منج حبيبتي ومشكورة وايد ..

لووووووول ..اللياقة اقولج ريولي ذبحتني من الألم ..قلت وي شنو هذا أنا ما مشيت إلا 700 متر وجذي ..

يعني اللياقه ماميش ....:)



Nikon 8 :

الله يبارك فيج ...


ويسمع منج الباري :)



Momentum :

يارب ..يا رب ..



بلا قيوود :

يبارك فيج عزيزتي ..

والله يسمع منج .....

cup cake يقول...

الله يخليه لج وسلمه ويجعله ولد صالح وبار :)

ماشاالله شكلها روضتكم مهتمه :)


عقبال ماتشوفينه متخرج من الجامعه:)

Om MoD يقول...

إي والله مهتمين ...بس لو المدسات يداومون يكون زين على زين ...


والله يسلمج ويعافيج حبيبتي ...ويسمع منج :)

Om MoD يقول...

المدسات = المدرسات ..


لووووووووووووووووووول

chandal/danchal!! يقول...

الله يحفظه وتبلغين فيه انشاءالله

:)



توني استوعب انكم أكثر من وحدة بالبلوق.... سامحوني يا أخواتي... خداي ما بعد الواحدة صباحا

Om MoD يقول...

لووووووووووووول ...



الله يسمع منج :)