كل بداية و لها نهاية ..
اليوم فكرنا انا اختي و بنت عمي نطلع .. بس مع البزارين الصغار .. كلهم 3 و تترواح اعمارهم بين
بو شهر و 5 اشهرو 8 اشهر ..
.. يعنى يقولون كنا راح نتريق .. اول شيء ما طلعنا من البيت الا 10و نص ..
وصلنا سوق شرق .. قلنا مافي زحمة و خفيف ..
بالمطعم .. بعد ما طلبنا كل يهال قام يبجي .. شوية ..و عقبها نامو و اشوة خلصنا الاكل .. على خير ..
الضحك وين .. تونا طلعين من المطعم .. جان يقعدون .. و قامو يبجون مرة ثانية .. و ردينا قعدنا في كافية ثاني
كل وحدة تسوي حليبه حق ولدها و ترضعه .. و كل من يمر .. يبتسم ..
حولنا الكافيه .. الي حضانة :)..
و عقبها كل ما اندش محل انسكر مدخل المحل بالعربانات :)) .. يوم شفنا الوضع قام يتردا ..
قلنا ما لنا الا البيت .... و سيدة .. سيدة .. كوخ ايديدة .. عفوا .. بيتنا ..
صج طلعة و الا مثلها طلعة .. حوسة و لوية ..
الله يخليهم و يطرح فيهم البركة .. :)
هناك 9 تعليقات:
7laaathOm walah:D
a7b alnew mama :D yrbe tshwgon ;D
alah y5lelkm e3yalkm w tshofonhm M3ares ;P
الله يخليهم لكم و يحفظهم يا رب ^_^
افا جان عزمتوني :(
انا الوحيده من ارفيجاتي الي عندها بنت صغيره عمرها 8 اشهر و محد يطلع معاي :(
بعد عمري.. :)
شكل العربات حده يشوق
واكيد اشكالكم بالكافية هم كانت تشوق
الله يخليهم لكم وتزفونهم ان شاء الله
يعطيج العافية
roora : يا حبيبتي شكرا .. على الاطراء :) .. صج عاد النيو ماما حوسة و كلها مواقف اضحك .
mr chocolat : الله يسلمك و ماتقصر ..
غير معرف : يا حبيبتي افا عليج الطلعة الياية ويانا :) بس زهبي عربانة العنونوه :)
bhr_qadsaweya : تسلمين يا الغالية ..و العربانات شكلهم حلو .. بس لا تشوفينا و احنا عند السيارة ساعة كل وحدة تفج و تسكر عربانتها :)
الله يخليهم لكم .. بس لو انا طالعه وياكم جان اطلعت اقروني .. وييييع ماحب ياهل يبجيييي
الله يحفظهم وخليهم:)
فديتهم أنا يا حلات اليهال ..
ويا حلات الامهات اللي يطلعون عيالهم ..
الله يخليهم لكم ويخليكم لهم يا رب ..
بوسة على خد حموده :) وهيونه لا تزعل :)
يحليلكم! آنا نفس الشي من يطلع الياهل من الاربعين على طول اطلع فيه بره.. السوق الجمعيه.. الخ.. بس لان انا بروحي مو بالكويت مضطره بس عموما احب الياهل يطلع بدل ما يقعد مع الخدم
إرسال تعليق