الخميس، 11 ديسمبر 2008

منتجع سليل


والله تغيير ..هذا اهم شي ..صج اهوى بعيد اشوي ..بس غيرنا جوى واتجاه ومكان ..بس اعتقد انه يبيله بعد على مايكون احسن مع انا استانسنا بس ..احس انهم مومتعودين على الزحمه والناس ..مع انه كان الفندق مليان بس مو ضغط كلش ..احسهم يدد في هذا المجال الفندقه ..الخدمه دايما متأخره ..تنسين شنو طلبتي ..من كثر التأخير

سمعت ان الفندق اربع نجوم ..على مستواه صح ..بس نظيف ..ويونس ..وراح اكون اونس بالصيف للتسبح ..منتجع منقسم الى شاليهات ولهم مسبح خاص ..وغرف فندقيه ولهم مسبح بعد خاص ..ومطعم الفندق +مقهى +مطاعم الجزء التابع له : مطعم اكل كويتي وبعدين وجبات السريعه في المجمع الصغير التابع له ..الغرف زينه ..موكبيره ولا اصغيره ..مافي اسبا ويقولون في نادي بس دورته مالقيته ..الحلو في المنتجع ان له الميني مجمع (اقصد المجمع الصغير) في كفيه والعاب (ملاهي) خارجيه وصاله العاب داخليه وجبات سريعه وبحيره اصطناعيه في قوارب على بجعه ..وحبوها اعيالنا ..واحنا اطردي بالسوق ..انخلصله ابفره بس اونس ..المهم رحناه ..وراح اعيده بالصيف باذن الله..احسن طريج له الدائري السادس واخذوه سيده ..سييده ..وبعد سييييييييييده ..وحبتين سيييده ..بعد الجهره بشوي راح اتشوفون لافته اتقولكم اهني المنتجع ..يعني موداخل الجهراء لا بعدها ..بصحراء ..المهم انهوه ميضيع ولا ادشون زحمه ولا شي على الشارع ..طريج 80 ..اخذنا الغرفه بالليله 45د.ك والشاليهات على ما اعتقد 85د.ك بالليله اخليكم مع الصور
المطعم وفيه الافطار

اللوبي

مطعم اكلات كويتيه


المقهى في السوق المطل على البحيره الصناعيه

المسبح


الحمام

البحيره الصناعيه


بالخلف الشاليهات من بعيد معزولين عن الفندق


الوجبات السريعه في المجمع


بلكونه كبيره اطل على المسابح

المجمع التجاري

هناك 10 تعليقات:

Om MoD يقول...

شخبارج حبيبتي وشخبار الكتاكيت ؟؟ وحشتينا ..

أمس كنا نتكلم عنه مع الماما والأهل ...
قلنا بروح نشوفه قبل ما نحجز ..أحس المكان وايد صغير وبالصيف زحمة ولويه يكون ..بما إنج رحتي وشفتي تنصحينا نأجر بالصيف بدل الخيران ؟؟؟

غير معرف يقول...

عساج على القوه

والله شكله حلو بس حلاته بصيف ...

هذا بالجهرا عدل

bye

غير معرف يقول...

مرررررررررررررررررحبا

انا رحت للمنتجع سليل ثاني العيد
وبصراحه عجبني وما توقعت بالجهرا عندهم هالمنتجعات الراقيه
وهناك انا تعشيت عند المطعم اللبناني
الاكل حلووو بس الخدمه لج عليها شوي

fatto يقول...

خالتي ام زوجي راحتله والله تمدحه نفسج .. عليكم بالعافيه :) والله شكله حلو بعد .

غير معرف يقول...

بالصور ماكو اوادم هذا العيد وجذي !

kazmawy يقول...

عليكم بالعافية يعنىشلون تنصحين نروح له ..؟؟

جاردينيا 2000 يقول...

ماكو على خيران ..مافي مقارنه ابدا ابدا
مكانه اهوى بعد الجهرا ابروحه
الخدمه كلهم جي بطيئين ..وبالغصب يستوعبون حتى بالفندق
اما عن الزحمه ..فاحنا نتمشى بالصبح مافي احد الا اهل الفندق ..اما بالليل مالك محط ريل
والله انا اقول جربوه..وشوفو

جاردينيا 2000 يقول...

الله يسلمج ام مود والله انا اكثر =)

sun shine يقول...

ولهانين عليج يا جاردينيا :) و الله شوقتينا على التجربة و راح اقول للوالده نجربه بعطلة نص السنه نونس اليهال

غير معرف يقول...

وايييد حلووو.
لمسبح مختلط ولا بس للحجزين؟