الاثنين، 22 ديسمبر، 2008

الجزء الثاني : روما أو ميلانو


أنا ما أدري جم يوم راح تقعدون في إيطاليا ، بس إذا قررتوا تروحون روما و بتقعدون مده لازم لازم تروحون فلورنسا ، إحنا رحنا بالسياره بس تقدرون تاخذون قطار، يقولون بالقطار نص ساعه بس . تقدرون تنامون ليله أو ليلتين و تردون روما أو تردون بنفس اليوم على حسب .

إحنا قعدنه في أوتيل إسمه Lungarno Hotel من نفس سلسله Lungarno ، الصوره إلي فوق هو للوبي الصغير للأوتيل و الحلو في إن يطل على النهر ، فالفيو بالليل عجيب ، فنس السلسله عندهم اوتيلين ثانين هم على النهر شوفوهم في موقعهم . الحلو في فلورنسا الكنيسه الكبير إلي موجوده بنص المدينه و المتحف الصغير إلي في أشهر تماثيل لمايكل أنجلو و لوحات لرسامين مشهورين انا ما أعرفهم بس حلوين . يعني شي غير .



ميلانو الصراحه بس نروح لها بالصيف حق السوق وقت ما ينزل الشتوي نهاية شهر 8 و بداية شهر 9 ، لأن شهر 8 عندهم السوق صاك ، في جم محل فاتح، بس الأغلبيه في إجازه ، حتى الأوتيل إلي نقعد في صاك ، إسمه Straff ، ستايله على قولتهم industrial إلي الطوفه مشلع الصبغ من عليها و الحمام حديد و أشياء ، أنا وايد عجبني ، أبوي لاعت جبده ما يحب جذي ، بس الصراحه يم ساحة الكنيسه الـ Duomo ، كل شي يمنا ، Zara , Benetton , H&M وإذا مشيتوا شوي توصلون لشوارع الماركات ، Via della Spiga و via monte napoleone و via manzoni و via sant'andrea . إلي كل فترينا احله من الثانيه .

و سلامتكم و سلامة الحاضرين .

هناك 3 تعليقات:

Delly يقول...

mashalla i luved ur bag eli eb akher 9ora ;)

master يقول...

ويييي قديمه الجنطه ، مالت أختي من christian lacroix

{~المباركية~} يقول...

الي راح ايطاليا بالصيف خل يقولنا قصة المكيف