الاثنين، 8 ديسمبر 2008

يكسر الخاطر


حبيبي يسور يعور القلب الناس لاهية بالعيد وأهو حبيبي فيه ( عقنقز = جدري ماء ) يوم الخميس كنت أغير ملابسه جان يقولي يماه يعور قلت له وين يوم رفعت فنيلته ولا بصدره زلق جان أنادي تينا ( الشغالة ) وسألتها : شنو فيه ياسر لأني يومها كنت موديتهم عند إختي ..ردت وقلت ما أدري مدام بس هذا جنه حبة وهوا يهكه ( يحكه ) لوووووووووول قلت لها أوكي ..وأنا مقعدته بحضني جان أشوف وحده برقبته واااااااي حبيبي شفيه بس قلت ماني حاطه ابالي يمكن حبة عادية وما ربطت بينها وبين اللي بصدره ..

المهم يوم اليمعة وريت إختي لأنه شكلها يخرع لها راس ما أدري شلون صايرة قالت إنشاء الله ما في إلا الخير ..المهم الولد يلعب بس ما ياكل حبيبي شفيك يسور ماما ما يبي حتى حليب عديل الروح عافه ..

المهم مر الوقت وصار المغرب مقعدته بحضني وما أشوف إلا العدد زاد وصار بظهره جم وحده جان أقول حق إختي امبيه زادوا شسوي مسكين ..وصدمتني بالخبر ( هذا عقنقز ) أطالع ويهه أمبيه فيه أشوف شعره لا حبيبي والله ياينا العيد اشفيك يا قلبي المهم ما تصدقون لو أقولكم حتى بعيونه طالع ..

وديته الطبيب والله يهداه حتى ما لمس ياسر وكتب لي الدوا الأبيض أكيد الكل يعرفه ودوا حرارة أدول طبعا ودوا عن الحكة ..عاد قلت له دكتور طالع عيونه رد وقال حتى ما طل بعيون ياسر هذي قطرة حق العيون ..إنزين دكتور مو راضي ياكل كلش رد وقال إنشاء الله راح يرجع ياكل ...شنو هذا مالك خلق ليش صاير دكتور ؟؟؟؟؟؟؟؟؟؟؟؟؟؟؟؟؟؟؟؟؟؟؟..إي وما قلت لكم يوم سألته عن حمودو شلون راح يصير فيه قالي إي بعد إسبوع يعدي مو ألحين وإذا ما أبي يصير فيه لازم يتم العزل بينهم :)..الله يكون بالعون ..

ردينا البيت وبدت عملية صبغ يسور بالدوا الأبيض بعد عمري لا تشوفون شكله وعددهم كل ماله ويزيد صغار وكبار والأماكن اللي يطلع فيها مليقة فديت خشمه ضايق خلقه وكله طاخ ويقول ماما يعور ..شقدر أسوي لك حبيبي .. الله يعينك حبيبي هذا غير الحرارة اللي مابين 37.5-39 درجة ..

أدعوا له الله يشافيه وحمودوه يصير فيه على خفيف مو نفس يسور ..صورته بس كاميرتي نسيتها بيت إختي :)

شنو نصايحكم :

أقدر اسبحه ؟؟؟

وارتفاع حرارته شي طبيعي ؟؟

شنو احط له إذا طالع بحلجه ؟؟

شنو يبرد عليه أحس إنه يطلع منهم نار ؟؟؟

هناك 28 تعليقًا:

غير معرف يقول...

لازم المرض يأخذ دورته الكاملة و الله يعينه.
بس اللي مو حلو بالموضوع والمزعج "جان أنادي تينا ( الشغالة ) وسألتها : شنو فيه ياسر لأني يومها كنت موديتهم عند إختي "
وسلامته

Om MoD يقول...

غير معرف :

مشكور أو مشكورة ..

مو معنى إني سألت تينا إني ما أدري عنهم كان قصدي إذا كان طايح أو متهاوش مع أخوه وانا مو موجوده ..بس للتوضيح

والله يسلمك أو يسلمج :)

ام عبدالله يقول...

الله يشافيه حبيبتي
روحي الصيدليه يعطونج مرهم وايد احسن من الدوا الابيض
وخلي اخوه ينعدي منه الحين مره وحدة علشان تفتكين بعدين بصغره احسن من لما يكبر
وان شاء الله يعايد السنه اليايه واهو بعافيته

joe يقول...

ماكو اله العافيه
و مايشوف شر

هـو111جيس يقول...

الله يشفيه ويعاافيه

اول فيه لقاح العنقزز يحصن اخوانه اللي ما قد جااهم العنقزز

واذا جاهم يجيهم على خفيف

انتبهي تروشينه وفتره وتروح الحراره

اخره لما يتقشررر يكون هو المعدي

وعلى فكره حتى يكون معدي للكبار

او للاشخاص الي سبق وجاهم

لذلك انتبهي ويكون اكثر خطرر

بس اهم شي لا تروشينه انتبه اقولها للمره المليووون

وكل سنه وانتي وحمودي طيبه

وفترته 15 يوم تقريبا

تحياتي

غير معرف يقول...

المزعج حقا هو مطالبة الدكتور بنصائح غذائية و تربوية و فحص عينه (ما الهدف؟) بدل تثقيف الذات عن هذة المواضيع .. كزوجة طبيب و كاخصائية تغذية استغرب الاسئلة التي يسألها المريض و كأن الطبيب هو ما سميتيه الشغالة و الام و مطلوب منه ان يعرف عن الطفل أكثر منهما.. ما يشوف شر الطفل البريء

Unknown يقول...
أزال المؤلف هذا التعليق.
haifa يقول...

بسمالله شفيكم اكلتوا المراة ..
مافيها شي اذا سألت الخادمة لان الخادمة كانت مسؤولة عنهم وقت زيارتهم لاختها .. بعدين الاخت الي تقول استغرب من هالاسئلة .. بالذمة شفايدة الطبيب او الأخصائي اذا ماوضح وشرح الاسباب .. يعني حتن ماقالها ان لازم ماتسبحه مثل ماذكرت الاخت هواجيس مشكورة .. هذي غلطتكم انتوا يامتخصصين وللاسف انتي ماتفرقين بهالنفسية السيئة عن الدكتور الي كشف على يسور !!

على فكرة الدوا الابيض احسه اي كلام .. اتذكر من سنيين اختي الصغيرة حاشها واحنا بجنيف .. توقعنا مثل ربعنا بيعطونها الدوا الابيض الي من الف سنة .. بس لا عطوها كريم لونه احمر .. وكان ينحط على الحبة بس وماطول معاها وايد ..

يالله الله يشافيه ويعينج

غير معرف يقول...

لا تسبحينه المسيجين لانه راح يزيد وراح تذبحه الحكه عن تجربه شخصيه لانه صار فيني على كبر (16)سنه
وكليتها عدل يوم تسبحت

3BeeDo ;) يقول...

يقولون سبحي بماي البحر زين لانه اذكر عمي جذي كان يسبح بولده بماي البحر يروح اييييبله ماي ويسبحه ويقول وايد زين

غير معرف يقول...

الاخت ام عزيز هذا و انتي مرت طبيب و لسانج شطوله و اكلتي المره
لو طبيبه جان اش سويتي؟ ما طلبت شي المره , عيل طبيب و ما يطالع الصبي و يفحصه؟ بالله مو عقنقز؟ بالله الي بعينه شي ثاني؟ هذا ضناها وغالي عليها..و فكينا من التفلسف الزايد و جابلي ريلج الدكتور يا حرم الدكتور

كويتية مو مرت دكتور

Mr_CHoCoLaTe يقول...

ما يشوف شر

نصائحي البسيطه ترتكز على

خل حمود يتعادى احسن ، اتيي له هالحاله و اهو صغير احسن من و اهو كبير و ينحرج

و يكبر و ينسى

بالنسبه للحراره والله انا اخاف منها خاصة على اليهال

لانها لو مرتفعه وايد يمكن تؤدي الى امراض ثانيه الله لا يقول

و الله اعلم

و ربي يحفظهم يا رب

Tekana يقول...

ما يشووووووووف شر يسووور

غير معرف يقول...

حبيبتي في دوا ينباع بالصيدليه ، يوقف انتشار المرض ( عشان ما تكثر الحبوب بجسمه ويوقف الحكه ) ،انتي قولي حق الصيدلاني واهوا اكيد يعرفه ،ونصيحتي مثل ما قالوا اللى قبلي لا يتسبح ،والاحسن انه اخوه ياخذ المرض منه احسن له دام انه صغير ، وانشالله ماكو الا العافيه ، وسلامته يا أم مود

snow يقول...

اصاير اشفيكم اكلتوا om mod بقشورها الحمدالله اللى اعرفها واعرف اشقذر تهتم بيسور وحمود ، وحضرة مدام الدكتور هذا لوانتي بمكان ريلج اعتقد كل المرضي راح يفنقشون ، بعدين دكاترة هل ايام مالهم خل حتى يفحصون المريض او يتكرمون ويسمعون باجي استفساراته علشان يعرفون شنو علته بس مسك القلم وسجل ادول او بندول هذا اللي قبل اسمه د. طعبا مو الكل.
وحبيبتي om mod سبحي يسور بماي البحر وايد احسن هذا عن خبرة ومثل ما قال بعد 3BeeDo وانشالله مايشوف اي شر :)

SunshineKuwait يقول...

ma yshoof shar ;*
el 7arara shay 6abee3ii .. im not sure etha zainlah aw la2 bs i remember omi kanat wayed twakelni ice cream oo tdahen '6ahri bel dwa el abya'6 m3a massage khafeef ,, kan yraye7 lol

غير معرف يقول...

ييبي له ماي بحر

غير معرف يقول...

ييبي له ماي بحر

bo_sale7 يقول...

الله يشافيه انشالله ويعديها على خير
انا بس حبيت اضيف شغلة ...
ترى كلام الاخت زوجة الدكتور صحيح في مجمله وان خانها التعبير ..الربع عندنا يبون الدكتور يقدم عرض ضوئي بصري عن حالة المريض وتوقعاته وخط سير المرض وفوقها يتعهد بالعلاج والشفاء ضمن فترة زمنية محددة جنه بيكتب عقد !
ترى العيب من الصوبين ...من المرضى اللي ما يعجبهم شي ويبون العلاج بثانية مع انهم مهملين صحتهم بالاصل ومن اغلب الدكاترة اللي كارهين الوضع بسبة قلة الامكانيات وكثرة الواسطات وفوقها مستوى علمي متدني
تحياتي

Sn3a يقول...

اخيييه خنت حيلي ماستانس بالعيد

لاتعزلين بينهم
بالعكس احسن يحوشهم اثنينهم

اختي من زمااان صار فيها وخنت حيلي بحفله عيدميلادها

مايشوف شر

Sn3a يقول...

وعلى فكره للي يقولون الطبيب مو ملزوم

اهني بديرتنا الدكاتره مالهم خلق يتكلمون

لاسمح الله شوفو لو واحد تعب بره
اول العام كنا مسافرين
وويانا ولد عمتي كانو بس بيشيلون الجيس باستراليا
شوفو الطبيب واهو يكلمه ويقوله لاتسوي جذيه
ولا تلعب بهالايد ومادري شنو
يكلم الياهل واهله

اهني دكاترتنا اغلبهم نفيسه عبالهم اهم الوحيدين الدكاتره بالعالم

خالتي بالديره الدكتور قالها بتموتين مانقدر نعالجج واهيا كان فيها الشين
لما راحت لندن استشاري قعد عالارض تحت كرسيها وقعد يسولف وياها ويتغشمر وياها وعالجها وردها

كليتو المره ليش انها بغت نصايح دكاتره
اصلا هذا الصح
الواحد لو شنو يثقف نفسه ماراح يوصل لمدى معلومات اهل الاختصاص

الواحد يبي حرف ال د قبل اسمه
ومن يمسكه عباله انجاز
مايدري ان الانجاز لما سمعته الطيبه تنشتر


سوري ام مود غيرت الموضوع
لكن بعض الدكاتره الكويتين مو مصدقين مسكو شهايدهم واهم ولا شي
ولا سمح الله المره الياي ان رحتو الطبيب يكون حظكم طبيب صجي مو روب ابيض وعقل فاضي

stella يقول...

أول شئ مايشوف شر حبيبي يسور وسوس النصايح إلي قتلج عنهم بالتليفون وهي تقريبا نفس نصايح الاخوانه والاخوات الطيبين معناه , شئ ثاني الله يعطيكم العافية على هالرد الحلو على إلي دائما وابدا يتفلسفون على روسنا صديقتي وحبيبتي أم مود أعرفها أكثر منكم تخاف على عيالها أحسن من كلامكم الفاضي ما أعتقد في إنسانه بهالوقت ماتعتمد على الخدامة ولو جزئي خلونا من الفلسفة والكلام إلي ماله معنه وبعد يامرات الدكتور .. الهانم كلامج ممكن يكون صح لو المريض كان لزقة وقرقه وااايد بس مو لما يسأله الواحد يكون غلطان ومايعرف حتى أنه مومثقف جان هذي الثقافة خلوها يبا لكم ياأخصائية التغذية ... ومابي أتكلم عن الدكاترة بالكويت أحسن ... حبيبتي وحياتي أم مود إلي سويته صح ومعالج من الخرابيط كلها عقد والله يشافيه لج

bhr.qadsaweya يقول...

ماااايشوف شر ان شاء الله
ترا دوا الصيدلية وايد احسن و يبرد
في ناس يقولون ماي البحر زين له يخففه و يخليه يروح بسرعه بس الحين الجو بارد و يمرض
واهوه ترا يعدي بنهاية الأيام بس تدرين خل يعديه من الحين احسن لأن لمما يكبر بعدين يصيديه ما يروح الأثر كلش
لا تحاتينه انتي و حاولي تلهينه بشي و خليه ياكل و ان شاء الله ماكو الا الخير :)
يعطيج العافية

malak يقول...

سلامته ما يشوف شر


و الله يعينج :)

Om MoD يقول...

أشكر كم كلكم على هالنصايح وما قصرتوا حبايبي ..

والشر ما ييكم ..

وأشكر كل من رد ودافع عني ..لأني ما طلبت شي من الدكتور استفساراتي كانت من خوفي على فلذة كبدي .. يعني أروح استفسر من منو ؟؟؟؟؟؟

ويسور الحمد الله أطمنكم حرارته استقرت ..ورحت الصيدلية سألتهم عن الدوا قالي أثره نفس اللي عندج اقصد الدوا الأبيض ونصحني آخذ له مضاد حيوي بس أنا ما أحب أعطيهم مضادات وأصل كان المفروض من أول يوم أو ثاني يوم ..

والحمد الله على كل حال وألحين ناطرة مودو تظهر عليه الحالة ..

وشكرا لكم مرة ثانية :)

غير معرف يقول...

لا ما يشوف شر ما عليه الا العافيه

fatto يقول...

حبيبي والله .. لو الدنيا صيف جان سبحتي بالبحر يقولون زين

Om MoD يقول...

om hussan :

الشر ما ييج حبيبتي والله يعافيج ..

fatto ;

شفتي حبيبي ما استانس بالعيد خنت حيلي ...

أنا خبري إنه ايي بالصيف ما ادري تغير وقته ..ولا عادي ايي بالشتا