الجمعة، 19 ديسمبر 2008

روما أو ميلانو ؟


صديقة بنت خالتي بسافرون في شهر 1 أو 2 و محتارين وين يروحون روما أو ميلانو ، فهذا البوست إهداء لها عشان يساعدهم يقررون وين بروحون .

أنا طبعا أعشق شي إسمه إيطاليا ، من كثر ما احبهم قاعده أتعلم لغتهم ، وصلت ألحين level 5 و إنشاء الله بعد جم شهر أقدر اتكلم مثلهم . المهم كل مدينه في إيطاليا لها طابعها الخاص ، كل وحده لها مديلها، بس نصيحه إذا أول مره تروحون إيطاليا روحوا روما ، فيها اماكن وايد الواحد يقدر يزورها عكس ميلانو إلي بس سوق . و هذي بعض الصور يمكن تفيدكم ...


هذا أوتيل إسمه Exedra في روما واحد من سلسله فنادق Boscolo ، حجزت عن طريق الإنترنت ، وايد حلو و ستايله شييك و elegant ، إهو شوي بعيد عن السوق ، بس تره تقدرون تروحون مشي 10 دقايق أو أكثر شوي .


هذا مدخله من بره

وهذي كانت دارنه أنا ويه أختي


روما كلها آثار بس أشهر اماكن الواحد يروح لها هم :
1- الـ coliseum إلي كانوا اول يسوون في المصارعات (من طقت فلم gladiator)
2- trevi fountain نافورة التريفي
3- أكو معبد ماني ذاكره إسمه ، صغير ، بس دافنين في ملكتهم مارغريتا و الملك ، و المعبد أيام ما كانوا يعبدون الشمس ... هممممم ماني ذاكره
4- و أكو ساحه بعد هم ناسيه إسمها ،بس الأهم من هذا كله الـ vatican ، ما يطوف ، الكنيسه إتينن من داخل ، خيال ، و غير الكنيسه فيها متحف بعد بس للأسف ما قدرنا ندخل من الزحمه ، كان يوم أحد ، و الطابور طوييييييييييييييييييييييييييييييييل
الفاتيكان
شفتوا الطابور شطوله عشان تدخلون المتحف مال الفتيكان، و أطول من جذي بس ما يبينون الناس من اللفه من الجهة الثانيه

من معالم روما ، جناط التقليد

هذا الفيو (view) من اوتيلنا الثاني portrait suite hotel إلي قعدنا في العام الماضي ، شي مو طبيعي ، هذا أغلى من هذاك لأن بنص السوق و غير جذي كل الغرف إلي عندهم سويتات ماكو غرف عاديه ، و يمكن كلهم على بعض 12 غرفه يمكن .
شوفوا الصوره تحت ، بس نطل من الدريشه نشوف محل Celine ، و يمنا بعد Versace و valentino و marni ، هذا الشارع إسمه via bocca di leone كله في ماركات إهو و شارع ثاني إسمه via condotti ، إنتوا عاد كله دخلوا بسكيك يم هذا الشوارع و راح تلقون محلات ، و سإلوهم أي شي تبون تدلونه تره الإيطاليين وايد حليوين.



الأوتيل من سلسله اوتيلات Lungarno و هي شركه تابعه حق Ferragamo مال الجواتي فبتشوفون وايد صور لجواتيه و الممثلات إلي لبست له .

راح اتكلم أكثر عن إيطاليا في بوست ثاني ، انا ألحين لازم أروح بطقوني (أمي و إختي) لأن عندنا عرس وأنا ليما ألحين ما بدلت بااااااي

هناك 12 تعليقًا:

غير معرف يقول...

ماستر وين تتعلمين ايطالي بلكويت؟؟؟؟؟
بلييييييييز علميني !
وشكرا مقدما

master يقول...

في معهد بيرلتز Berlitz

تلفونهم : 22542212

غير معرف يقول...

milan

غير معرف يقول...

روما تغلب ميلان
أرشح فندق DE RUSSI وواضح غنه ذوقكم عالي و الميزانية مفتوحه so check this hotel out i lovefd staying there

غير معرف يقول...

ومن لايحب ايطاليا.....شكرا ماستر

ارشح
روما اولا وثانيا وثالثا :) والحق يقال ايطاليا بكبرهاشبر شبر ما تتطوف ..روما فيها سياحه وشوبنغ


ميلانو فقط شوبنغ اللهم الا كنيسه الدومو وبعض متاحف الفن الحديث والقلاع والقصور وتكون اطراف المدينه مغطاه بالثلج في جنوري وفبراير متعه حق اللي فيهم فقر ثلوج هههه
ومن الفنادق الزوينه مايكل انجلو يدامه المحطه توفر عليكم نار التكاسي

ولا تنسونا بالدعاء بالفاتيكان وصوغه لمبورغيني مع سائق طلياني وشكرا

NewQ8 Bride يقول...

ااااخ يا بعد قلبي يا فينيسيا الصراحة انا وايد استمتعت فيها بس للأسف ما رحت روما :)


الصراحة انا وايد عجبتني فينيسيا

ودي اروح مره ثانية بس اروح روما بس الصراحة الواحد لازم يروح و اهوه مريح بالميزانية

DoDoq8 يقول...

واااي ياحلات ميلان مارحت روما


بس ميلا سوقهااا يهببببببببببل

master يقول...

Loco:
ميلانو تينن ، بس أحد رايح أول مره روما

غير معرف 2:
de russi سمعت إن ستايله قديم و إحنا الصراحه نحب المودرن الكلاسيك ، بس إنشاء الله إذا رحنا روما أشوفه

غير معرف 3:
هاهاهاها حلوه الدعاء بالفاتيكان

new bride:
عاد ألحين من يقدر يروح فينيسيا بعد الغرقه إلي ياتهم ، مادري شنو صار عليهم ؟؟؟ راح الماي و له لأ!!!


DoDoq8:
إإإإإي و الله يا حلو سوقها ، لو إنشاء الله ما تشترين شي الفترينات بروحها حلوه و الناس أحلى

joe يقول...

من وحي خبرتي اني انا رحت لها ذبج السنه انا من ناحيتي كل منطقه لها بصمتها الخاصه مثلا ميلانو مدينة صناعيه وروما مدينه قديمه تراثيه
و انصحها اذا راحة ميلانو تروح فينيسيا و كورتينا هذيلا احلى المناطق واذا راحت روما تروح نابولي

وشكرا

djandal يقول...

thanx master

Me Blogging يقول...

المباركية:
شنو هاذي كورتينا ؟؟؟ ما أعرفها ، شنو فيها ؟

Bader Alhejailan يقول...

روح ايطاليا وجمالها الحقيقي تلقونا في فلورنسا وتسكاني وبورتوفينو وسان ريمو