الأحد، 7 ديسمبر 2008

عيدكم مبارك جميعا :)


عيدكم مبارك وكل عام ونتو بألف خير وصحه وسلامه .. هالاهالا بالخرفان اشوي اشوي عليهم قبل لاتذبحونهم .. سمَو عليهم وقرو عليهم ترى والله يحسون انهم بنذبحون .. خن قولكم موقف صارلنا سنه من السنين في عيد الأضحى .. كنه يايبين كذا خروف .. وذبحنه واحد منهم وباجي الخرفان قاعدين يطالعونه وهو ينذبح .. جان واحد من الخرفان يوم شاف هالمنظر المأساوي ( غشى ) وطاح علينه .. مسكيييين كان يكسر الخاطر:( ويدي الله يطول ابعمره راحله وقاعد يطشر ماي ابويهه عشان يصحى .. لوووول .. ونصيحه مني ذبحوالخرفان بحيث ان مايشوفون بعض :) وشكرا .

هناك 12 تعليقًا:

joe يقول...

ايامكم سعيده
لووول مسكين الخروف منظر مأساوي

Pearl يقول...

ايامج سعيدة .. و تقبل اللة طاعتج ..
:) على طاري المواقف مع الخرفان ..
عيد الاضحي الي طاف ..
الريال الي يايبينا حق الخرفان مسكين .. أول ما بدي قال بسم الله ..
جان يطيح القصاب قبل الخروف ..
و عاطاكم عمره القصاب ..
الله يرحمه ..
و سلامتكم . و تقبل الله طاعتكم .

7osen يقول...

كل عام وانتم بخير

عيدكم مبارك جميعاً

:)

bhr.qadsaweya يقول...

اياااااامج سعيييدة
وعساج من العايدين السعيدين
ان شاء الله السنة اليايه تصيرين حجيه :)
انا لما كنت صغييييره كنت لما اشوف الخروف استانس بس اخاف اقرب يمه و خوالي كانوا يموتون عليي من الضحك يحملوني و يبون يقعدوني عليه و انا ارفع ريلي وابجي لحد ما صرت اخاف من الخرفان و للحين ...
وكل سنة و نت ي طيبة :)
يعطيج العافية

sun shine يقول...

ايامج و ايامكم سعيدة و ستمتعوا بالعطلة

DoDoq8 يقول...

لووول


يكسر الخاطر الخروف

malak يقول...

و الله انا شفت خروف ينذبح جدامي و للحين متعقده لا للحوم


شلون اهو اللي من بني جنسه :p

Mr. Solutions يقول...

عيدكم مبارك وكل عام وأنتم بخير

Manal يقول...

عيدكم مبارك
:)

هـو111جيس يقول...

****وكل عام وانت بخير ****

باقة ازهار وورود
وسلة بخور وعود
والعيد عليكم يعود

****وكل عام وانتم بخير****

ومن آداب ذبح الاضحيه في الاسلام

ان لا تذبح والاخرى تنظر اليها

تحياتي

snow يقول...

مع انها متاخره اشوي بس ايامج سعيدة وانشالله اتكون اجازه حلوة وخفيفة ويردون كل حبايبج وتكتمل وناستج حبيبتي :)

kazmawy يقول...

لووووووووووووووول
فاتو شهالسالفة خروف يطيح غشيان
جان عطيتو قبلة الحياة
لووووووووووووووووووووووووووول
عيدج مبارك يالغالية ترى مقاطعتنا