الأربعاء، 4 فبراير 2009

mascara

أنا من عمر ما أستغني عن ماسكره ( لانكم ) بس الحين لمن قالتلي بنت خالي عن ماسكره ( برجواه ) الصراحه عفت (لانكم ) .. هالماسكره حدها عجييبه اتطول ابشكل موطبيعي وتكثف ..راح تلقونها ابجمعيه الشاميه اب 4:500 اهيه نوعين لون رمادي الي اهيا هذي والثانيه أزرق العاديه . (ام مود) ترى شريتلج مثل ماوصيتيني :) بغيت اصور عيني وحطها لكم عشان تقتنعون بس عقب هونت عشان ما تنظلونها :) لوووول .. وشرايكم ابتصويري ؟ خطير صح :)







update وهذي شكل الفرشه ياماستر

هناك 7 تعليقات:

غير معرف يقول...

أصلية الصورة
استخدمتي الوردة؟
XD

غير معرف يقول...

والله مدونتكم تونس .. آنا مستانسة عليها :)

عـ الماسكرا آنا ليلحيني ماجربت غير
maxfactor

بس والله يبيله هـ الماسكرا
D;

يعطيكم العافية وماوصيكم زودو من هالبوستات الحلوة مثلكم .. الله يحفظكم

Sn3a يقول...

شوقتيني
انا احب سان لوران
وقيرلان ام راسين

بس نجرب ليش لا

master يقول...

fatto
وسلمج صوري الفرشه و راوينا ، انا لما شفت البوست رحت أدور عبالي عندي إياها ، طلع شاريه أشياء ثانيه ، إذا الفرشه متينه بشتري ، تدرين ما عندي رموش أبي شي صج يكثف

Om MoD يقول...

يسلموووووووووووووووو..


بجرب وأقولج النتيجة ..عاد تدرين أنا موت مع المكياج ..

لووووووووووووووووول

fatto يقول...

غير معرف:
هذي مو كامره عاديه هذي كامره تلفوني سوني اركسون c905
8 ميغا بكسل :)


كلي ثقه :
هذا كله من ذوقج والله :) ولازم اتجربين هالماسكره لأنها والله عجيييه .. والله يعافيج .. وافا عليج اانشاء الله مانخيب ظنج ابوستاتنه .. ولاتقاطعين لأن تعودنه عليج وعلى تعليقاتج الحلوه :)


سنعه :
جربي وقوليلي اشرايج فيها :)



ماستر :
الي متينه .. وافا عليج حطيتلج اياها :) لاتحاتين راح ترضيج انشاءالله


ام مود :
لوووووول قوليلي النتيجه .. بس راح اتعذبين على ماتوخرينها .. لازميكون عند غسول مكياج سنع وعقبه استخدمي لكلنكسات الي يوخرون المكياج مال العيون مثل جونسن الدائريه :)

master يقول...

شكرا على الصوره
بس توقعت شعر الماسكرا أترس
المهم إذا شفتها يمكن أشتري