الخميس، 5 فبراير 2009

الله ستر


حاليا إحنا مخيمين عند محمية زايد اللي ما يعرف مكانها إهي بالدوحة وايد قريبة من المدينة الترفيهية وموقعنا عجيب جنه طالعين بر بحر يعني البحر قريب علينا وقريب المغرب يتيمعون طيور النورس والفلامنغو ويصفون يم بعض بترتيب يا سبحان الخالق لونهم يشوق من بعيد وعندي بنت عمي الله يحفظ عمرها هواتها التصوير وعندها موقع بفلكر خذت أثنين من عيال خواتي مع ولد إختها ومشي لي البحر ومحد درى عنهم تدرون إهي غرامها التقاط الصور العجيبة بس انصدمنا يوم ردوا أشكالهم تخرع كلهم طين والطين لونه أسود ...وإحنا من أول ما خيمنا توصيات من عمي ديروا بالكم على العيال لحد يباعد لا يروحون ذاك الصوب ترى الرمال هناك متحركة وهي ما كانت موجودة يوم عمي وجه لنا التعليمات بس ....


الكل يسألهم إنتوا وين كنتوا وشنو هذا ؟؟؟ والله كنا رايحين عند البحر وما بقى لنا شي ونطب بالبحر تقريبا 3 خطوات ونطب ( اللي يتكلم بنت عمي وهي شاخطه أول وحده والعيال وراها ) المهم عاد تقول أنا حطيت ريولي ولا إدش ومو قادره اسحبها وأشوه إنها ماخذه معاها الصبيان ساعدوها اللي يسحبها من إيدها واللي يعابل بطلع ريلها ووصلوا لنا بالسلامة ..




الحمد الله على سلامتكم حبيبتي إنتي والعيال :) والله الله حفظكم :)ولا تعيدونها ..
أحلى ما في البر اليمعة ووناسة اليهال والأكل اللي ما يوقف ... كل شي حلو الحمد الله إنشاء الله نعودها كل سنه ..

هناك 15 تعليقًا:

fatto يقول...

الله ستر .. مسكينه .. زين لها خلق لتصور على الي صار لها :) خطاكم السو .. وموراضي يدخلني عل الموقه مادري كمبيوتري في شي ويلا البلوق في شي .. عاد اتشوقت اشوف لصور .

fatto يقول...

زين ان لصبيان معاها .. جان مسكينه اتوهقت ابروحها . وااي حطيت نفسي ابمكانها حده الموقف يخرع .

master يقول...

واااي إخترعت
الحمد الله طلعت
تره انا بعد ما شتغل الموقع
تره حاطه
htpp:// مرتيين
أنا أسنعه ألحين

fatto يقول...

اشوه عبالي كمبيوتري قام يخوره :)

vancouver يقول...

الحمدلله الله ستر

وحفظهم


تعوذوا من ابليس وطيعوا كلام الكبار المره اليايه
:)

sun shine يقول...

ما تشوف شر الصوره روعه الله يوفقها :)

joe يقول...

الحمدلله على السلامه
اي مناك تكون الارض طينيه فـ الارض تبلع مثل تغرق الريل وصعب الشخص يطلع نفسه و لازم تاخذون حذركم

البر ونااسه بدون البقيات و الازعاج حلاته على لعب اليهال ووناستهم وجمعة الاهل وسوالفهم

صوورها حلووه و بالتوفيق

غير معرف يقول...

الحمدالله على السلامة ومااتشوفون شرر

ويعطيج الف عاافيه عالصور خيتو :)

Paris يقول...

الحمدلله ع سلامتهم
الصور وايد حلوة صراحه
يعطيها العافية :)

غير معرف يقول...

يوووومه زين ماصار فيهم الشي الحمدلله على السلامة :")

آنا توني أدري عن هالمحمية خبرنا بس بمحميات شيوخنا ! ولا ماندري وينهم :\ بس أعرف محمية يابر الله يرحمه :")

بس خووووووووووووش صور قوليلها الخنساء وحدة من المدونات تسلم عليج وتقولج خووووووووووش صور الله يبارك بعملها إن شاء الله

بس جان دشيتو الترفيهية إحنة كل ما نخطط للترفهية يطلع لنا شي ومانروح :|

تسلمون عـ البوست الحلو :)

DoDoq8 يقول...

وي الله ستر ياارب


خوش فلكر


شفت صوره ولدج وياهم :)

Pearl يقول...

حمدالله على سلامتهم .. و الله حفظهم ..
بس تدرين المكان حدة خطير .. المفروض يحطون دار مداره شي علشان محد يقرب او علامة ..
حق الي ما يدري ..
و ياله قرة عينكم فيهم :)

Om MoD يقول...

fatto :

إي والله الحمد الله ..

جيكي الحين ماستر عدلته :)

خطاج اللاش حبيبتي ..الحمد الله إنهم معاها :)

master :

إي والله حتى إحنا اخترعنا وايد ..

وشكلهم كان يكسر الخاطر ..

مشكوره :)


sun shine + vancouver + المباركية + Ashley + paris + dodoq8:

الشر ما ييكم ..

الله يعافيكم ..

شفتي مودو اسم الله على عمره مرتز كل مكان ..

killie thiqqa :

شفتي ..

ووصل سلامج :)


pearl :

لله يسلمج حبيبتي ..

ما ادري شنو قصة هالمكان الصراحة ؟؟؟

بويه نبيج :)

يوميـــاتـ أمــوســهـ أنوسهـ يقول...

يمه الله يستر من هالمكاان..

الحمد الله على سلامتها..

Om MoD يقول...

الله يسلمج ..