"اللهم اني أسألك خيرها وخير مافيها وخير ما أرسلت به. وأعوذ بك من شرها وشر مافيها وشر ماأرسلت به "
الله يعين الصراحه الي فيهم ربو واليهال .ديرو بالكم عليهم ترى الجو مايغشمر. لأن أنا الي مافيني شي حدي مختنقه وماني قادره أتنفس عدل .. ولي زاد صعوبه تنفسي ان خشمي امسكر من النشله وبلاعيمي امسكره وفوق هذا اغبره . وطول الوقت امبللتلي فوطه فيها ماي وقاعده أتنفس منها وزوجي حاطله كمام من الخنقه .
هذي حديقتنا ..اليوم الضحى
عده التنفس :)
هناك 13 تعليقًا:
الصور مو طالعين !!
بس والله صاجه انا الي مافيني شي واختنقت من الغبااار
بس اول مره اشووف غباار وبرد معه بعض
ليييش ؟؟ سوي REFRESH .. انا طالعين عندي !
هم بعد احنا جذي الجو عندنا بالبحرين
بس صاير ع اخف
مشكوره فاتو على الدعاء ذكرتينا فيه ..
الله يعدي هالأيام على خير ..
أقولج إحنا أمس بالبر هوا قوي وعفسه حتى اليهال قاعدين داخل مو قادرين يلعبون بره ..
واليوم ما رحنا من الحالة الكسيفة ..
ومثل ما قلتي الجو يقمت القلب ويحشر ..
والصور تطلع عادي ما فيها شي ..بس الظاهر مع هالجو السيرفر داون :)
..
ماشاء الله حديقتكم حلوة حتى مع هالجو التعيس
:)
اي صح حتى احنا الجو عندنا جذي
حتى يدتي تبي تطبخ حق الحسينية تقول بدخل الجدوور بالمطبخ ماينفع بالحوش
و الله يستر..
يعطيج العافية =)
آنا فيني ربو :( وصج تعبنا أعوذ بالله من هالجو تقول جنة غضب ونازل لا إله إلا الله
آنا حطيت ببلوجي فيديو أمس بليل تخيلو مانشوف شي جدامنا عالية وغالية والله إنهم مايبينون مايبين منهم ولا شي :S أمس من الخرعة إنشل تفكيري لا إله إلا الله .. نسأل الله أن يجعله خير يارب
وتسلمون حبايب كلي ثقة إنتو على هالبوستات إلي تهبل :*
اي و الله حده خنقه :(
الله يستر الجو يخرع و ماتشوفين شر حبيبتي واول مره اشوف غبار وبرد الله يحفظنا و يحفظ الكويت من كل شر
وااااااااااااي شنو هذا الحمدالله أني سافرت ولاا شفت هالمنظر..
الصراحه يسبب رعب ويخرع..
الله يعين اللي في ربو وتنك!! :(
انا توني يايه من السفر
مرضت على طول ..كحه ..ومختنقه ما اقدر اتنفس
الله يحفظنا من جذي جو ..
و الغريب بالوضع انه شهر 2 الي المفروض يكون احلى جو ..
وعلى حد علمي من ناس قالولي ..
سامعين ان العجيري قايل راح ايينا 100 يوم غبار :)) في 2009
عاد انا اقول بلة اشبقى من ايام السنة :)
almond
هلا فاتوو
اي والله الغبار كان ماشاء الله تارس الديره وخصوصا منطقتنا بر براري دار مدارنا .. وحتن داخل بيتنا غبار والليت اذا شغلناه تحسين دخان بالغرفه
خن اقولج هالطريقه دام الجو المغبر مستمر.. اخذي فوطه او خرجه ماتبينها وبليليها بماي ولوتيها يعني جنج عاصرتها وحطيها عند الدرايش او عند عتبة البيبان عشان ما يدش عليكم غبار داخل البيت
إرسال تعليق