وأخيرا تخرج ولدي من كورسات كرة القدم إلي تصير بمدرسته بعد كورسين من التعب والتعذيب طبعا حقي أنا مو هو لاني اقعد الساعة 7 الصبح حتى في يوم عطلتي علشان أوديه حق التمرين وبعد عذاب دام تقريبا شهرين تخرج والوناسة إلي صارتلي مو طبيعية جنه تخرج من الجامعه مو من كورس كرة قدم الحمدالله على سلامتي .... بس الله يستر لا يبون أوراق الاشتراك مرة ثانية ... حبيب أمة وايد مستانس كل مرة ييب كووول يقول هياااا ويرفع أيده وحاسب عمرة ستيفن جيرراد ومرة ثانية ميسي .... الله يبلغني فيه وأشوفه ريال تارس هدومة يارب ... بس لان هذاك اليوم كان مطر وبرد فدخلونه داخل المدرسة ولا كل مرة في حديقة المدرسة مع الجو الحلو و ماكدونالدز يمنه بعد خوش قعدة , بيني وبينكم هذا إلي كان مصبرني .
هناك 7 تعليقات:
عالبركة حبيبتي ..
يوم ما تفرحين فيه متخرج من الجامعة وتزفينه معرس :)
مبروك :)
يحليله
عسااه نشوفه بالمنتخب بيوم :×
يختي يختي عليه الله عليه الله يبلغج فيج إن شاء الله .. أحب أقول نسأل الله أن يكون ولد صالحا ومصلحا وباراً فيكم حبيبتي
وعلى البركة عقبال ما يتخرج من الجامعة تشوفينة معرس :*
om mod
الله يسلمج يا الغالية ونفرح بعيالج أن شاء الله
paris
الله يبارك فيج حبيبتي
DODOq8
ان شاء الله هذي دعاوي أبوه مشكورة
killie thiqqa
اللهم أمين مشكورة حبيبتي وأن شاء الله يوفكج وأعزمج بعد على عرسه ان شاء الله إذا الله عطانا عمر
ياالله زييين شكلج مستانسه عشان ماتقومين الصبح :) وعن البدليات مره ثانيه . قول مو كول :) لووول امسامحتج لأنج من زمان موكاتبه :)
عالبركة .. و منها لي المنتخب :)
اللة يباركلج في و تشوفينه معرس انشالله ..
إرسال تعليق