الاثنين، 26 يناير 2009

شربت زقاير


أنا اذا كنت نايمه وعطشت ابنص الليل ما أروح اشرب ماي .. لأ .. أشتهي شاني أو بيبسي .. لوووول مادري ليش اتصدقون هالشي فيني من زمان :) المهم أمس بليل عطشت فقمت رحت الصاله عشان بشرب ماي هالمره.. عندنا ثلاجه اصغيره .. جان أشوف بالطاوله بيبسي ( بيرقر كنق ) قبل لاينام زوجي كان طالب منه ..قلت الله ..يا ابوقتك .. جان أجيك عليه بارد ويلا حار ويلا أشوه في ثلج .. يعني ليل حين بارد .. ويوم شرب .. ويلا أحس في أشياء فيه مادري شنو .. ويوم أبطله وطل فيه .. ويلا الصدمه الكبرى ويلا أثاري زوجي قاط زقاره فيه .. لاعت جبدي صج بمعنه الكلمه.. الماي أصفر وحثاريت الزقاير ابكل مكان .. والله جبدي قامت تقلب .. ولقيت مكسرات بالطاوله قلت خن اكل عشان يروح الطعم .. واكل واكل واكل وروح اتمظمظ وفرش أسناني ..وييييييع ونفس الشي بموووت من لوعه الجبد .. وماقدرت أنام عدل لين الصبح .. دقيت على أمي قالتلي شربيلج حليب عشان اتخف لوعتج .. واااي الله لايوريكم الي صار فيني :( وقول حق زوجي الله يهداك مالقيت الي البيبسي اتطفي زقارتك فيه :) جان يقولي قلعتج أكو أحد يشرب بيبسي ابنص الليل و صارله جم ساعه بعد :) لوووول

هناك 24 تعليقًا:

-mate يقول...

وييييييييع

ليلحين طعمها ماراح؟
;q

غير معرف يقول...

yuki ;|


خوش مكس صار ابطنج

بيبسي مخمر + ثلج في حالة الغليان

اقصد الذوبان + شظايا رماديه من تتن

الزقاير + مكسرات ترقيعيه

= خلطة فاتو السحرية حق لوعت الجبد.

sun shine يقول...

حبيبتي اشوفج تلوبين من الصبح ما تشوفين شر و مره ثانيه طلي بالعلبه قبل لا تشربين:)

غير معرف يقول...

لووول ما تشوفين شر ..
عاد ريلج الله يهداه يقولج تشربين بيبسي .. جان قلتيله انت لا تشرب زقاير :)

TruTh يقول...

وييييه الله يعينج شهالموقف التعيس

ماتشوفين شر

غير معرف يقول...

هاهاهاهاااااااااااااااااااي
عادي وايد تصير بالدوانية

غير معرف يقول...

لووووول

أحلى شي العنوان " شربت زقاير"

أول شي عبالي إنج دخنتي ززقاير

لكن طلع الوضع إن صج شربتي زقاير

DoDoq8 يقول...

لوووول

esTeKaNa يقول...

واااااي انا بالإيحاء لاعت جبدي
هههههه
ان شاء الله تكونين احسن الحين
عقب الزقاير فرابتشينو اللي شربتيها
:p~

joe يقول...

لووول العتب على ريلج
عقوبتها يعزمج على اغلى مطعم بالديره ويعوضج بشي تشربينه

master يقول...

هاهاهاهاهاها

انا بعد عبالي دخنتي

أقول شفيها فاتو ختربت :)

لاعت جبدي و انا أقره

حَافِـيَةُ الَقَدمَيّـنْ ولِبَاسِي المَطـرْ يقول...

لوووول تصدقين مره صارت بإختي
هم جذي ريلها يدخن وآخر شي يقطها بقوطي البيبسي :p
الله يعيينج حاقه وحشه :×

غير معرف يقول...

يامعوده أشوه سيجارة وله ازهيوي آنا مرة شربت عصير ولة لقيت ريول ازهيوي يييييييييييييع

Ra-1 يقول...

Ewww :/

Fajorie™ يقول...

LOOOL
hard luck sweets
3ala shan chthe ana la sh3oryan lazem a6el bel shai gabel ma ashrab ;p

قانونى كويتي يقول...

يلا عادى

اعتبرى روحج شاربة ماى القدو :)))))))))

Bader Alhejailan يقول...

صارت حق رفيجي مره هالسالفة

غير معرف يقول...

LOOL :D

يختي حطيلة يمه طفاية وفكي عمرج :)

أدري إن في طفايات بس كودي من هالطفايات بالبيت خو بعد ألحين أشكال وأنواع كلش كلش حطيهم ديكور D:

وعن الريحة بعد في أشياء وااايد الجهاز إلي يسحب دخان الزقاير والبودر المعطر إلي ينحط بالسيارة .. واااي مادري شلون متحملة الزقاير :( الله يعينج ..

شكرا عـ البوست ;)

al
:)

fatto يقول...

mate
لا اشوه راح بس موبسرعه :)


بطيخه هانم :
لوووووووووول


سن شاين :
المشكله اني قاعده يمه لمن قط الزقاره .. بس انا ناسيه :) لووول


عبدالله :
عيزت وانه احاول فيه ماكو فايده :)

tru th
الشر ماييج
.. الي والله حده موقف تعيس


غير معرف :
يعني مو بس انا ماره ابهالتجربه الخايسه لووول .



غير معرف :
اصلا الكل مخترع من العنوان :) لووول



دودو:
:)



استكانه :
لووول .. الحمد الله احسن الحين وانشاءالله ماتنعاد لي والا تنعاد حق اي احد :)


المباركيه :
المفروض :)
بس كرهت البيبسي وشكل قواطي البيبسي ملوت الفاست فود :(


ماستر :
لووول .. سوري لوعت جبودكم :)


حافيه القدمين :
مادري ليش هالرياييل يقطون هالزقاره بالبيبسي .. جنه مافي طفايه عندهم


غير معرف :
وييييع جنه سالفتي هانت عن سالفتك :) لوووول

ra 1 :
:)
eweeen mo eww wa7d


جوجا :
المفروض .. من اليوم ورايح راح يسير جذي


قانوني كويتي :
يعني بتهونها علاي .. لاعت جبدي ازياده اصلا :) لووول



مستر ذوق :
اكثرو الي صارتلهم هالسالفه :)



miss:
منو قال ان مافي طفايه .. اصلا كانت الطفايه يم البيبسي بالضبط بس القراده وماتسوي :)

البحرانية يقول...

لله يعينج والله
تجربه فريده من نوعها ,,, يالله يمكن تكرهين البيبسي لانه ما منه فايده
وتكبرين وتنسين :)))))))

Ļa ƒéммé يقول...

لوووووووووول مت من الضحك الله يخليكم حق بعض صدقيني بتردله بحركه منج وانتي مو قاصده واهو مو قاصد عاد ذكريه مو تنسين

يوميـــاتـ أمــوســهـ أنوسهـ يقول...

ههههههههههههههههههههههههههههه..

حسيت بشعوورج معني ماجربته..

الله يعينج وشلوون استحملتي الطعم..

غير معرف يقول...

waiiiiiiiiiii3 a7s e63am mo shay 7ada looooooool

fatto يقول...

البحرانيه :
الا تجربه ما انساها :) .. وذا يت عالبيبسي ماعتقدراح اكره .. بس كرهت شكله مال الفاست فود :)


la femme :
اتهقين ؟؟ الله يستر لوول


يوميات اموسه :
من قال اني استحملت الطعم .. الله لايوريج طعمه :(


غير معرف :
حددده موشي :(