الأحد، 25 يناير، 2009

عبدالوهاب

يايتلنه دعوه من خالي على مطعم لبناني اسمه ( عبدالوهاب ) اهدمومطعم ( فدركرز ) وبنو هذا بداله اهو مطعم لبناني .. الصراحه أكله حلو كل شي يابولنه من غير ما احنه نطلب من المقبلات الى المحلبيه :) .. ومحد يقدر يروح هالمطعم هالفتره لي اخر الشهر الا الي عنده دعوه .. وفي ناس يايين مادخلوهم لأن ماعندهم بطايق دعوه ..اكسرو خاطري طاقين درب ومتعنين اخر شي مادخلوهم .. شكلهم كل الي مادخلوهم راحو ( لونوتغ ) :).. وأشكر خالي على هالدعوه الحلوه الصراحه ماقصر عزم كل العايله من اخوانه وخواته وعيالهم وحريمهم .. حتن أهل زوجي عطاهم بطايق.. الصراحه الأكل ابلاش لذيييذ وونس :) لووول .

هناك 11 تعليقًا:

Q8EL5AIR يقول...

اووه كل ماامر عليه ودي ادشه بس اشونه نبهتونه على سالفة الدعوة !!

وشلون الواحد يسوي دعوة !!!



وتحياتي ..
ويسلموااااااااااااااااا :)

مركبنا يقول...

احم احم احم

رحنا هناك صج لذيذ والقعده حلوة
حييييييييييييييييييييييييييييل

ووناسة شعور ان الناس تحطلم برة دخلونا وانت دش راهي درعم واهم يحقدون عليك

مركبنا يقول...

كويت الخير
خلاص من شهر 2 مفتوح للكل

العرزالــــــه يقول...

انا احتج

بروحه شلتوا فدركرز

لازم عزيمه

غير معرف يقول...

عليكم بالعافية

ممكن تكتبين لنا رقم تليفون المطعم اذا ما عليج أمر

bhr.qadsaweya يقول...

عليكم بألف عافية حبيبتي :)
يعطيج العافية

fatto يقول...

كويت الخير :
اهو مو شلون الواحد يسوي دعوه .. اهو لازم اتعرف واحد نده بطايق الدعوه مثل أصحاب المطعم :)


مركبنا :
بس اكسرو خاطري الناس .. خو دخلوهم وخل يدفعون .



العرزاله :
لو عندي بطايق زايده جان عيوني والله :)

fatto يقول...

غير معرف:
الله يعافيكم
1821000


بحرينيه قدساويه :
الله يعافيج :)

غير معرف يقول...

استطيع ان اقول انني مزيج من التفكير الليبرالي المحافظ الذي يؤمن بحرية الاعتقاد و التفكير و الرأي القائم على الاحترام المتبادل

و مزيج آخر من الوطنية حيث يجب ان تصب المصلحة العليا لوطني اولاً

مع ايماني ان الدين الاسلامي هو الاساس في هذا التوجه..حيث ان الدين يعزز مفهوم الوطنية و الانتماء مع دفع المسلمين بالتفكير و التفكر و التنفيذ بما حرم وحلل الله..


http://www.nationalkuwait.com/vb/showpost.php?p=461521&postcount=143

ga6oo6a يقول...

انشالله عاد اصير مثل اللي بلبنان

fatto يقول...

غير معرف :
عسى ماشر .. اشفيك داش عرض :)؟؟؟


قطوطه :
اي روحيله وقوليلنا ايهو احلا :)