الثلاثاء، 6 يناير، 2009

حلو رجيم دشتي

يقولون رجيم دشتي بس عاد انا جاردينيا مااعرف اسوي اي رجيم ..لازم ابدع واخترع اشياء ..المهم حاولت اسوي حلو حق رجيم دشتي شنو من غير نشويات ولا حلو واي تعبت مع اني صارلي من يوم السبت اليوم رابع بس ههههههه ركضت على الثلاجه وطلعت جبن كيري وكنت ابي جبنه فيلاديلفا بس كانت امخلصه ..وحطيت فوق الجبن اشويه فانلا مع كم قفشه نسكفيه بدون كافايين مع شكر الرجيم وكريمه حمره وخلطهم بالخلاط اليدوي حتى صاريت مثل الكريمه وحطيتها في قلاصات اصغار علشان ما كثر يعني ..وحطيتهم بالثلاجه ..ابصراحه طعمهم مثل جيس كيك بس بدون كيك يعني جني ناسيه احط الكيك =) وبس ومادري اصير ولا بس هذا حلو رجيم دشتي

هناك 7 تعليقات:

violeta يقول...

ممممم هذا الحلو زين حق الناس اللي مطرين ويبون اي شي حلو
بس الصراحه احنا ما نعرف لازم نخووش بالعميق
;q

والله مبدعه هااا !! =)

غير معرف يقول...

مسا الورد يا ورد الغاردينيا ..

هذا زين حق وحده حلاتي غبيه بلمطبخ
لدرجه لايمكن يتخيلها بشر ! حتى انا شخصيا مصدومه من حالتي !!انا ميئوس مني بلمطبخ عن واقع تجربه مطبخيه مريره جدا بلغربه ..بس الحمدلله أي سرفايفد على اجبان وفاكهه ههههه

متابعتكم منذ زمن واااااي تونسووووون بنات غاردينيا متى تعزمينا على طباخج شكله يم يمي

Sn3a يقول...

جبن كيري
وفيلاديلفيا
وكريمه

وتقولين رجيم
لول جان كل الناس سووو رجيم

غير معرف يقول...

صاجة سنعة هذا وين والريجيم وين؟!!

Om MoD يقول...

لوووووووول ..جاردينيا...

يالله زين لقيتي لج ريجيم تسوينه عالعموم دام صار لج 4 ايام شي زين ..

وإلى الأمام ..وتقدرين تسالين سنو وايت إهي اللي تقدر تفيدج ..

وبالتوفيق يعني بتردين لنا نيو لوك ..

fatto يقول...

انتي لازم اتقدمين برنامج في ( فتافيت ) الصراحه تبدعين في اكلاتج حدها اتشوق :)

جاردينيا 2000 يقول...

وله ابصراحه انا لما اتييني العره الحلو ويييني عندي تنبيه الحلو رن رن خلاص صاررروخ حق الثلاجه ...الموجود خلط بلط يطلع ..اما ليش اتقولون خوش رجيم وآكل اكريما وجبن كيري ..والله هذا دشتي اهوى جذي نظامه اننا ناكل جذي ويييييييينج يا اسنو واااات انقذيني تراج عريقه واكيد حافضته ..الحلو فيه شي غلط ..قوليلي تراني مابي اخسر الرجيم قاعده احاول امشي عليه صح