الخميس، 8 يناير، 2009

مخيم عيالي

عيالي الله يحفظ عمرهم يحبون البر بس ما نقدر نروح كل يوم والجو هالأيام بارد نخاف عليهم يعني لو نروح نرجع بسرعة ومن كثر حبهم حق البر أبوهم شرى لهم خيمة من السعودية يوم كان رايح الحج وحطيناها لهم وقالوا بنامون داخلها ومن يومها وأهم مخيمين بالبيت وينامون داخل الخيمة وأنا عيشتهم بالأجواء كل شي لون يعني بر لوووووووول حدهم مستانسين :)

الطفولة حلوة فعلا لحظات لا تعوض في حياة الإنسان لأن مفهوم الفرح يكون لمجرد الفرح وما يكون عشان شي ثاني ...

الله يخليكم لي يا رب ولا يحرمني منكم وبلغني فيكم :)

هناك 20 تعليقًا:

Sn3a يقول...

اللهم صلي على محمد وال محمد
الله يحفظهم ويبعدهم عن كل عدو ومرض ومايمحي هالضحكه ابد

عيالج يدشون القلب اسم الله عليهم مع اني مو وايد ويا اليهال الصبيان بس ماشاءالله ينحبون

زين تسوون غيرولهم جو البيت شوي وحطولهم دوا بدون فحم لول

Sn3a يقول...

اي نسيت اقولج
كنبل مودو نفس كنبلي لول

esTeKaNa يقول...

يختيييي وازين المخيم والله
:)
الله يحفظهم ويحفظ هالضحكة الحلوة ويبلغج فيهم معاريس قولي امين
:)

kAiKa-MGroMa يقول...

امبيه حبايبي ناقصهم التراب حق

"التلقفج" هذي كلمه كويتيه عتيجه P:

خيانه

ليش مو قايلتلي؟

[=.

TruTh يقول...

واااي ياربي عليهم اشحلوهم ماشاء الله لا اله الا الله

ترى انا طحت في غرامهم حدي حابتهم
D:

و حده يونّس مخيمهم المنزلي
(:

عسى الله يحفظهم من العين و يفرحهم على طول و يفرحج فيهم يااااارب

Q8EL5AIR يقول...

عساالله يخليهم لج .. ويبلغهم وتشوفينهم معاريس ومعييلين بعد :)


استانست عليهم .. :)

الصراحة .. بو فلان ذكي .. ماشاءالله عليه .. حركة ذكية وموفقه :)


بر بأمان :)


تقبلوا مروري الاول !!


وتحياتي ..

ويسلمواااااااااااااا :)

bhr.qadsaweya يقول...

حلاااااااتهم والله
ما شاء الله يهبلون :)
الله يحفظهم لج من شر كل عين يارب
ويخليهم لج..
يعطيج العافية

fatto يقول...

وناسه ذكرتبني ايام الطفوله .. انا نفس عيالج اموت عل البر والخيام فأمي الله يطول ابعمرها كانت تشتريلي خيام واحلى خيمه كانت خيمه هنودالحمر كنت اموت على هالخيمه :)

Om MoD يقول...

san3a :

اللهم صلي على محمد وآل محمد ..

الله يخليج حبيبتي ويرزقج الريل والذرية الصالحة يا رب ..

مشكورة على الكلام الحلو ..إي مساكين بروحه الشقة حكرة يتمللون ..

أي كمبل ..هالكمبل صغير حدة :)..

estekana :

الله يسمع منج يا رب :)

ونفرح فيج وبعيالج :) ونشوف صورهم بالبلوق :)

kaika-magroma :

لووووووووووووول

شفتي جان كيفوا بعد ..

بس مفاجاه حق البلوق :)

truth :

ضحكتيني على طحت في غرامهم ..وتحبج العافية ..

والله يسمع منج ويكونون محفوظين من كل شر :)وافرح فيهم :)

bhr>qadsaweya :

الله يسلمج حبيبتي ويرزقج أحلى منهم :)

طموحة مملوحة يقول...

الله يخليهم لج يالغالية :)

bent el deera يقول...

الله يخلي لج عيالج يا رب وتفرحين فيهم معاريس
ما شاء الله تبارك الله وايد كيوت
زين سويتو بسالفه الخيمه .. عجبتني فكره التخييم ان دور هههه

Om MoD يقول...

fatto :

إي أنا زوجي ما شاء الله عليه أحس يعرف شنو يحبون عيالنا :)

الهنود الحمر ؟؟؟؟ شلون صايرة ..لووووول

عقبال ما نشوف ورعانج :)

طموحة مملوحة :

الله يسلمج حبيبتي ..


bent el deera :

يسمع منج الباري يا رب :)

ومشكورة حبيبتي ..

إي والله خوش فكرة :)

Manal يقول...

يا حلوهم

الله يحفظهم

يا حلو البر
وايام البر

:)

Paris يقول...

هاي ام مود..
الله يحفظ لج اولادج و يخليهم
بس بغيت منج خدمة و اتمنى انج ما ترفضينها لي ابيج تضيفيني ع ايميلي
Paris.94@msn.com
و شكراً

Om MoD يقول...

Manal :

الله يسلمج حبيبتي ..

إي والله أكثر من يستانس بالبر اليهال ..:)

Paris :

الله يخليج ويعافيج ..
أنا ضفتج ..وما طلبتي شي شدعوه :)

SNoW White يقول...

واي حبيبتي ام مود ولهانة علييج

شوقتيني ودي اطب وياهم لووول

جملتج قبل الاخيرة عورت قلبي :)

بعد عمري انتي و الله يخليلج عيالج و يحفظهم .

Pearl يقول...

ياختي يا حلوهم .. اينينون الله يحفظهم و يحميهم من كل شر ..
سوالفهم زوغة :)

Om MoD يقول...

snow white :

توله عليج العافية حبيبتي ..

والله يسلمج ...وحياج طبي :)

pearl :

ويخليلج كتاكيتج :)

غير معرف يقول...

فديت ماديشه والله

حلات الصبيان

=)

safooy يقول...

hello