الأحد، 4 يناير، 2009

عندنا بيبي متوه


حبيبي فديت خشمه يسورو صاير كل ما أحد قال كلمه يردها وراه جنه بيبي متوه ..والله قبل كنا نترجاه يتكلم وكنت خايفه عليه إنه ما يتكلم ليش إنه وايد تأخر بالكلام غير أخوه مودو اسم الله على عمره تكلم وايد مبجر مع إنه البجر والأول فتوقعت يسور يتكلم ليش إنه عنده أخوه يسولف معاه بس مودو الله يهداه حبيبي كله يكلمه مو عدل يعني كلام صغار وكل ما أقول له كلم أخوك عدل ما يسمع يعني يكون أهو العود ..

بس ألحين حمد الله انطلق وكل شي قام يقول وسوالفه تينن الله يحفظ عمرك الظاهر إنه كان يخزن وبس أو إنه المصاصة أحد العوائق..

الله لا يحرمني من سوالفكم يا عيالي يا أحلى واغلى شي بدنيتي ..:)

هناك 8 تعليقات:

kAiKa-MGroMa يقول...

looooooooooooooool

ra7 arja3 again

TruTh يقول...

ولدج كيوت اسم الله عليه

الله يحفظ لج عيالج و يبلغج فيهم ان شاء الله

:)

om comment kuwait يقول...

الله يحفظهم و يهديهم انشاء الله

Sn3a يقول...

ربي يحفظهم ويخلييهم لج وتسمعينهم يرددون لطميات بعد شتبين:P

malak يقول...

يحليله الله يحفظه

و يخليه لج يا رب :)

bhr.qadsaweya يقول...

الله يحفظهم و يخليهم لج يارب
ويبلغج فيهم وتشوفين عيالهم
و عيال عيالهم.. آمين
يعطيج العافية :)

Om MoD يقول...

مشكورين كلكم والله يسمع منكم ..

وخصوصا دعوتج يا سنعة أمنية حياتي أنا من ألحين تحفظ فيهم على أمل يكونون من خدام الحسين ( ع ) ..الله يطرح فيهم البركة يا رب :)

وبس مشكورين مرة ثانية ...

fatto يقول...

احلا شي لمن الياهل يبدي يتكلم يسير بشوق .. بس تضحكين :)